Én xí nda xi ꞌniú tsjatsó ngasee̱ 8:6 - Xo̱jo̱n eén Néná

⁶ ¡Tꞌíjñijìnní ngi̱jin ini̱ma̱a̱ xikoó tsi ngo chi̱bo̱a̱, xikoó ngo chi̱bo̱a̱ xi kjitꞌa tjiàa̱! ¡Ngatꞌa̱ xikótsꞌèn ꞌniú kjo̱a̱tjoó, ti̱ bo̱a̱ ti̱ tsꞌén ꞌniú kjo̱a̱bo̱yaa̱ nga! Kó kjo̱a̱chi̱ni̱i̱ ti̱ bo̱a̱ ti̱ tsꞌén ꞌbondíyaá xikoó nga̱tsjo̱ó, kó ndiꞌií kjo̱a̱tjoó, kuí boá ngo ndiꞌí xí íjñá Néná.

Én xí nda xi ꞌniú tsjatsó ngasee̱ 8:6 ပူးပေါင်းရင်းမြစ်များ

Xo̱jo̱n Salmoo̱ 120:4

¡Yá yojó xi tjítokó ndiꞌí ko̱si̱e̱njnú, xikoó xi bosién já xí kjaán!

Xo̱jo̱n Salmoo̱ 63:1

Ji Ne, jí boá xi Néna ma ji. Achichí nda̱ kjimana nga kongasee ji, kjiꞌmeyà má an kjo̱a̱a̱ ji, kó ini̱ma̱na mejeén sku̱i̱e̱e̱, bo̱a̱ má mána xikoó ngo xi mongase ndáfoa ki̱a̱ nangi xi sibé ko̱jo xi kixií, kó sakójiín.

Xo̱jo̱n Salmoo̱ 84:2

Achichí ni xi kjimaa̱ ini̱ma̱na nga mejeén nga ki̱a̱ kꞌuíjñá ndi̱tsee̱n na̱ngo̱xi̱i̱ ji Ne, ¡ini̱ma̱na ko̱jo yojona mejeén nga si̱eé kui Néná xí tikoón.

Énkjínkón 25:22

ngatꞌa̱ tsi bo̱a̱ si̱ꞌin ji ngaskande bojójin ma si̱ꞌin ji kje̱n, kó Néná boá xi tsja̱á ngo chjí.

Énkjínkón 6:34

Ngatꞌa̱ nga ka̱machi̱ni̱ xi̱ꞌii̱n kui xota̱chjo̱on, achichí sa̱ꞌínxchán, kó sa̱ꞌínjetakónjín nga ka̱mamejeén sa̱ꞌíngojo.

Én xí nda xi ꞌniú tsjatsó ngasee̱ 5:8

Jún ínchjín xí chji̱a̱ni na̱xi̱ńdáꞌniú Jerusalee̱n, mejénna nga ko̱e̱ꞌéjnú ndso̱ꞌbájnú, nga tsi sa̱kójnú xota̱ xi tjóna, bo̱a̱ tꞌínjnúu̱ nga, ¡jè tjítsꞌénkꞌiénna kjo̱a̱tjoó!

Xki̱ 25:11

«Finee̱ xikónií an, ngatꞌa̱ tsjandièjín nga kje̱ꞌe ne si̱ꞌandikón ngajona. Kuíni nga kamánii̱ nga katsꞌénkjaꞌajinda kjo̱a̱xchánna, ko̱jo nga ngiti̱ katsꞌenjéjáa̱n xota̱ Israee̱l.

Xki̱ 5:14

ta̱nga tsi xi̱ꞌii̱n ka̱makjiín ni xi tjítsꞌén chjo̱ón, kó tsi ka̱ma chi̱ni̱, kó tsi ngaskande tjín xí ka̱makjiín nga chjo̱ón kui nda̱a̱ tsꞌénꞌboṉcha̱jo, ndatsi bo̱a̱jín kjiꞌi kui nii̱.

Ni xi kamá 20:24

Ta̱nga an, jmí ndasénjínna yojona, ti̱nde jmí ni tsjakjiꞌi míꞌájáa̱n kjo̱a̱mindyioo̱n, ngatꞌa̱ tsjákjiꞌina ngaskande nga kjóchotꞌáa̱ xá xí sa̱ꞌinkjatjosón an xi katsjána Ndi̱a̱ná Kjisoo̱, nga xiyà an éntjatsi̱e̱e̱ tsi̱ꞌe̱ kjo̱a̱ndaa̱ Néná.

Ni xi kamá 21:13

Kósꞌe̱ Pabloo̱, bi̱ katsójne̱: –Mí kjoaá nga ndyi̱chaꞌájnú, kó ngaskande an kjimandasee̱n ini̱ma̱na. An jè tikónnda an nga jmí tsi ta̱ kꞌuíꞌniútsína, ko̱jo tsi ngaskande nga niꞌánkꞌiénna ki̱a̱ na̱xi̱ńdáꞌniú Jerusale̱n, ta̱ngatꞌanii̱ jaꞌeén Ndi̱a̱ná Kjisoo̱.

Xota̱ Roma̱ 12:20

Kó ti̱ bi̱ tsó nga “tsi bojoó kondràa̱, te̱ꞌée̱ nichinie, kó tsi xíndaá, te̱ꞌée̱ ni xi kꞌuí, ngatꞌa̱ tsi bo̱a̱ si̱ꞌin ji ngaskande bojójin ma si̱ꞌin ji kje̱n.”

2 Xota̱ Korinto̱ 11:2

Ngatꞌa̱ kui kjo̱a̱chi̱ni̱ xi tjínna kjo̱a̱a̱ jún, Néná xí katsangiya. Ngatꞌa̱ an jè xikoó tsi katsjáa̱ jún, nga ta̱ ngo tsí xi̱ꞌin xi ku̱i̱xanjo̱jnú, kó kui xi̱ꞌii̱n kuí xí Kristoo̱. Mejénna nga xikoó ngo tsa̱kjìn xo̱ngò xí kji̱e̱ jmí xi̱ꞌin ꞌbéjiín, nga bo̱a̱ tsꞌén sa̱ꞌinkꞌasꞌienjnúꞌun.

Ndeuteronomio̱ 32:21

Niꞌándajnú ngo ne xi kuijín, tsi̱ꞌe̱ nga ka̱machi̱ni̱ an, ta̱nga jún boá xi ka̱machi̱ni̱jnú, ngatꞌa̱ kje̱ꞌe na̱xi̱ńdá kosikjonijnúꞌun, xota̱ xi nde jmí ni bejín xi kosikjonijnúꞌun, xota̱ xi nde ngo na̱xi̱ńdá májín.

2 Timoo̱ 2:19

Ta̱nga ta̱kó ꞌniú tikón eén Néná, kó tikón xikoó ngo xó xí ꞌbítjatsꞌennii̱ ngo ndiꞌa, nínga bi̱ tsꞌén kjitꞌa: “Ndi̱a̱ná be kuí xota̱ xi je tsi̱ꞌe̱”, ko̱jo: “Ngayeje xota̱ xi míꞌátjéni nga tsꞌénkáxoma jaꞌeén Néná, ngatꞌíndomasien ngayeje ni xi ndajiín.”

Ni xi akakoo̱ 12:11

Kó kui ntsꞌié jè katsꞌeén ngatꞌaa̱ kui jín xí iskjitjón cho̱tsa̱nga̱a̱ ko̱jo kui én xí tsíchji̱a̱a̱, katsakjónjín nga xcha̱ja kjo̱a̱mindyioo̱n, ta̱sá kamámejeén nga ngaskande jesón.