Én xí nda xi ꞌniú tsjatsó ngasee̱ 8:12 - Xo̱jo̱n eén Néná

¹² Ji Salomo̱, ka̱má chjábé jí kui xi ngo mi̱ to̱ntiboaa̱, te̱ꞌée̱ jó úchán kui xota̱jun xi kondaa̱, ta̱nga kui ngi̱ndie nínga tjitjíe̱ tostsi̱je̱è, án tsa̱ꞌa̱n.

Én xí nda xi ꞌniú tsjatsó ngasee̱ 8:12 ပူးပေါင်းရင်းမြစ်များ

Énkjínkón 27:18

Xota̱ xi nda koo̱n yáꞌingoo̱, ka̱maa̱ skji̱ni̱e̱ to xi ko̱a̱ja̱a̱, kó xota̱ xi koo̱n ni xi tjiín ndi̱a̱a̱, kui ndi̱a̱a̱, sku̱i̱e̱ndikón.

Énkjínkón 4:23

Kó nga̱soón ngayeje nii̱, chíi̱n ni xi fojin ji ini̱ma̱a̱, ngatꞌa̱ ki̱a̱ boá nínga ndibánií kjo̱a̱mindyioo̱n.

Én xí nda xi ꞌniú tsjatsó ngasee̱ 1:6

Ngata̱ ki̱a̱jín tsitsijenjnúu̱ nga jmá tji̱xin yojona, ngatꞌa̱ ndoboaá boá xi katsꞌénchjánna. I̱xti ntsꞌié án katsꞌénxchánjo̱na, kó kjo̱a̱ꞌniú katsꞌénna nga askóo̱n nínga tjitjieé tostsi̱je̱è, ¡kuíni nga askonjáa̱n yojona, ngatꞌa̱ án boá xi xikoó ngi̱ndie nínga tjitji̱e̱na tostsi̱je̱è!

Én xí nda xi ꞌniú tsjatsó ngasee̱ 2:3

Xota̱ xi tjóna, ngi̱jii̱n i̱xti xo̱ngo̱ò, kuí boá xi xikoó ngo yá masana̱, ngi̱jii̱n yá xí ꞌbé ngi̱jin kꞌijñaá. ¡Achichí tsjá kjimana nga je ki̱a̱ kotíjña̱ngi an tji̱nkꞌi̱e̱én, tsi̱ꞌe̱ nga skjíni̱e̱ an to nda chinie xi yajaá!

Én xí nda xi ꞌniú tsjatsó ngasee̱ 8:11

Salomoo̱ kisꞌijñaa̱ ngo ngi̱ndie nínga tjitjíe̱ tostsi̱je̱è ki̱a̱ Baa̱l-Amoo̱n, kó xota̱jun xi kondaa̱ katsjá chjínangií, kó nga ngo nga ngo kui xotaa̱, ngo mi̱ to̱ntiboa tsꞌenkꞌásꞌieén kjo̱a̱a̱ to xi ꞌboje̱n.

Én xí nda xi ꞌniú tsjatsó ngasee̱ 8:13

Ji xi tindyin ji ki̱a̱ nínga tjitjíe̱ naxoó, xota̱ xi nda yaꞌaná ndyi̱ntꞌiè ndáa̱, ¡te̱ꞌéndièní nga kuintꞌièe̱!

Ni xi kamá 20:28

Kó bo̱a̱ tsꞌén nda chónjnú yojojnú, kó chónjnú ngayeje xota̱ na̱ngo̱xi̱i̱, nínga A̱si̱énni̱xtjii̱n Néná katsjájnú ngo xá nga stsitsíjenjnúu̱, tsi̱ꞌe̱ nga jún xi xchindàjnú xota̱ na̱ngo̱xi̱i̱ Ndi̱a̱ná, kui xi jiín ndí tsi̱ꞌe̱ íchjítjéni.

1 Xota̱ Korinto̱ 6:20

Ngatꞌa̱ Néná je tsꞌatsiejnú nga katsjá ngo chjí, kó kuíni nga ti̱ꞌankjiénjnú yojojnú tsi̱ꞌe̱ nga ko̱e̱ꞌéjnúu̱ kjo̱a̱je Néná.

2 Xota̱ Korinto̱ 5:15

Kó ta̱ngatꞌanii̱ ngayeje xotaa̱ nga kꞌien Kristoo̱, tsi̱ꞌe̱ nga kui xota̱ xi síndoo̱, jmí tsi kjo̱a̱a̱ kui nga kꞌuíndo ngase, kꞌuíndo tsi̱ꞌe̱ nga sa̱ꞌín ni xi tsjaa̱ Kristoo̱, kui xi kꞌien ko̱jo jaꞌáꞌyaá ngandaa̱ kui xotaa̱.

1 Xota̱ Tesalónika̱ 2:19

Ngatꞌa̱ kjiꞌanga kji̱ndi̱bá nginí Ndi̱a̱ná Jesukristoo̱, mí ni xi ndyi̱chiyájne̱. Axa̱ mí ni xi tsja ka̱majne̱. Axa̱ mí ni xi tsja̱ajne̱ kjo̱a̱je. A júnjín bo̱a̱.