Én xí nda xi ꞌniú tsjatsó ngasee̱ 8:11 - Xo̱jo̱n eén Néná

¹¹ Salomoo̱ kisꞌijñaa̱ ngo ngi̱ndie nínga tjitjíe̱ tostsi̱je̱è ki̱a̱ Baa̱l-Amoo̱n, kó xota̱jun xi kondaa̱ katsjá chjínangií, kó nga ngo nga ngo kui xotaa̱, ngo mi̱ to̱ntiboa tsꞌenkꞌásꞌieén kjo̱a̱a̱ to xi ꞌboje̱n.

Én xí nda xi ꞌniú tsjatsó ngasee̱ 8:11 ပူးပေါင်းရင်းမြစ်များ

Jenesii̱s 20:16

Kó Abimelee̱k, bi̱ katsoó na̱ Saraa̱: —Jéꞌe̱n ngo mi̱ ma to̱ntiboa xi je katsjáa̱ ntsꞌie ji. Kuí chjií xi ko̱kó nga jmí ni chꞌokjiꞌi kiniꞌínjín ji, kó nga ngojín xota̱ xi chꞌo tsꞌén ku̱i̱chji̱a̱ kjo̱a̱a̱ ji.

Eklesiastee̱ 2:4

Achichí yiꞌi ni xi katsꞌenda an: Katsꞌenda an ndiꞌa, kó itji̱e̱ an tostsi̱je̱è xí án tsa̱ꞌa̱n,

Én xí nda xi ꞌniú tsjatsó ngasee̱ 1:6

Ngata̱ ki̱a̱jín tsitsijenjnúu̱ nga jmá tji̱xin yojona, ngatꞌa̱ ndoboaá boá xi katsꞌénchjánna. I̱xti ntsꞌié án katsꞌénxchánjo̱na, kó kjo̱a̱ꞌniú katsꞌénna nga askóo̱n nínga tjitjieé tostsi̱je̱è, ¡kuíni nga askonjáa̱n yojona, ngatꞌa̱ án boá xi xikoó ngi̱ndie nínga tjitji̱e̱na tostsi̱je̱è!

Én xí nda xi ꞌniú tsjatsó ngasee̱ 2:3

Xota̱ xi tjóna, ngi̱jii̱n i̱xti xo̱ngo̱ò, kuí boá xi xikoó ngo yá masana̱, ngi̱jii̱n yá xí ꞌbé ngi̱jin kꞌijñaá. ¡Achichí tsjá kjimana nga je ki̱a̱ kotíjña̱ngi an tji̱nkꞌi̱e̱én, tsi̱ꞌe̱ nga skjíni̱e̱ an to nda chinie xi yajaá!

Én xí nda xi ꞌniú tsjatsó ngasee̱ 7:12

Jñóyà ku̱i̱stjíe̱n, kó tjián nínga kjiꞌi tostsi̱je̱è, stsitsíjée̱n tsi je kjiꞌbíńtsꞌién, ko̱jo tsi je tjixó, tsi je tjixó yángranandaa̱, ¡ki̱a̱ sa̱ꞌinkꞌasꞌiee̱n kjo̱a̱tjóna!

Én xí nda xi ꞌniú tsjatsó ngasee̱ 8:12

Ji Salomo̱, ka̱má chjábé jí kui xi ngo mi̱ to̱ntiboaa̱, te̱ꞌée̱ jó úchán kui xota̱jun xi kondaa̱, ta̱nga kui ngi̱ndie nínga tjitjíe̱ tostsi̱je̱è, án tsa̱ꞌa̱n.

Markoo̱ 12:1

Kósꞌe̱ ítsꞌi̱yanii̱ nga tsíchji̱a̱ Kjisoo̱ nga katsóyaà ngo énkjín xi bi̱ tsó: –Ngo nda̱ íjñanda ngo jno̱ nínga maxchá tostsi̱jè, kó íchjáꞌyá, sꞌe̱ katsꞌénda ngo ngi̱ndie nínga ꞌnaxié ndaá kui too̱, kó ti̱ katsꞌénda ngo tarié xi nkꞌa, kósꞌe̱ katsjá chjínangií já xí tsꞌén kuí xaá. Sꞌe̱ kui nda̱ xi katsjá chjínangí kui ngi̱ndiee̱, kjin kijí.