Én xí nda xi ꞌniú tsjatsó ngasee̱ 8:1 - Xo̱jo̱n eén Néná

¹ ¡Tsi jira xi ntsꞌié án má ji katsaki xi katsꞌénkí na̱an xi katsꞌénkína an nga! Kjiꞌanga sa̱kóna ji ndi̱tsén jàn, ka̱mara̱ tsjaa ngo ndsó, kó nde ngojín xi sa̱ꞌínchꞌóna.

Én xí nda xi ꞌniú tsjatsó ngasee̱ 8:1 ပူးပေါင်းရင်းမြစ်များ

Xo̱jo̱n Salmoo̱ 2:12

¡Ti̱ꞌantsjàjnúu̱ Néná, tatíndsoꞌájnú sé ndií, ngatꞌa̱ tsita̱ sa̱ꞌínxchán, kó sa̱ꞌínkꞌiénjnú ngi̱ya ndi̱ya̱à, ngatꞌa̱ ta̱niján má ꞌniú tsꞌénxchán! ¡Achichíra̱tsjaa̱ ngayeje xota̱ xi kui mongase nga kui xi skoón!

Xo̱jo̱n Salmoo̱ 51:17

Kjo̱a̱tjó xi tsja maa̱ Néná kuí boá ngo a̱siénni̱xtjin xi ni̱ma̱kjo̱a̱ tikón. Ji Ne, niꞌínchꞌíjín ji ngo ini̱ma̱ xi je katsꞌénkꞌoyá yojoo̱ ko̱jo xi ni̱ma̱kjo̱a̱ tikón.

Én xí nda xi ꞌniú tsjatsó ngasee̱ 1:2

¡Ai, xi̱ꞌin xi tsa̱ꞌa̱n, achichí mejénna nga ko̱ti̱ndseꞌéní katsaki! Tsja ma ngasena nga si̱ꞌindajìnní, to̱bo̱a̱jínnii̱ tsi bino̱ kꞌuí an.

Én xí nda xi ꞌniú tsjatsó ngasee̱ 7:13

Yámandrángoraa̱ je kjifoaꞌándá naxó xí boajaá, kó tꞌa nga̱ntjo̱a̱ná je tjín ngayeje to̱ko̱ya to xi nda chinie, to xi sꞌe̱ kichꞌieje̱n má, ko̱jo to xi je tsienii̱ nga kaꞌnaje̱n, jí boá xi tsꞌénfoaꞌatjoó kui too̱, ji xota̱ xi tjóna.

Én xí nda xi ꞌniú tsjatsó ngasee̱ 8:2

Ka̱mara̱ skjíbengií nga kjuínjoo̱ ki̱a̱ ndiꞌaa̱ na̱anna, tsi̱ꞌe̱ nga ji xi ka̱ma ji mostro̱na. Kó an tsjaa nga sꞌi̱ ji bino̱ xi tjiín xka̱ sije̱n, ko̱jo ndaá to ngrananda̱na.

Rkaa̱ 10:16

Kui xi ku̱i̱ntꞌièjnú jún, ndyi̱ntꞌièna án nga, kó xi sa̱ꞌínchꞌójnú jún, ti̱ tjítsꞌénchꞌóna an nga, kó xi tjítsꞌénchꞌóna an, tjítsꞌénchꞌó kui Néná xí katsangiyana nga.

Rkaa̱ 12:8

Xiyàjnúꞌun nga ngayeje xota̱ xi ka̱tso̱yà ngindyi̱ko̱n xotaa̱ nga bena, ti̱ bo̱a̱ ti̱ tsꞌén ndií nda̱ xi̱ꞌii̱n, ka̱tso̱yà nga be kui ngindyi̱ko̱n ndítsjiee̱ Néná.

Rkaa̱ 18:9

Ngo ndi̱yà, Kjisoo̱ tsíchji̱a̱jo kui énkjiín xota̱ xi sꞌijii̱n nga ta̱kuítsí xi kixi̱ síndo ngindyi̱ko̱n Néná, kó tsꞌenchꞌó xota̱ xi ngasee̱, kó bi̱ katsó nga tsíchji̱a̱jo kui énkjiín:

Rkaa̱ 2:38

Kui ndí tji̱a̱a̱n ti̱ kuii̱ chi̱bo̱a̱ jachó nga ítsꞌi̱yanii̱ nga katsjaá ndokꞌóchjì Néná, kó tsíchji̱a̱jo kjo̱a̱a̱ kui ndí Kjisoo̱ ngayeje xota̱ xi ndyi̱koyaa̱ nga Néná kꞌo̱xiéꞌá xota̱ na̱xi̱ńdáꞌniú Jerusale̱n.

Rkaa̱ 9:26

Ngatꞌa̱ ngayeje xota̱ xi soboá ka̱maa̱ kjo̱a̱a̱ an ko̱jo kjo̱a̱a̱ énna, ti̱ bo̱a̱ ti̱ tsꞌén ndií nda̱ xi̱ꞌii̱n, soboá ka̱maa̱ kjo̱a̱a̱ kui, kjiꞌanga kjo̱e̱ꞌéjo̱ kjo̱a̱je tsi̱ꞌe̱, ko̱jo kjo̱a̱jee̱ Na̱ꞌmii̱, ko̱jo tsi̱ꞌe̱ ndítsjiee̱.

Juaa̱ 1:14

Kó kuí Eén xi yojo kamá, kó kꞌi̱e̱ kisꞌijñajinná, kó kamáyà kjo̱a̱jee̱, kjo̱a̱jee̱ nga Ndí ngototoo̱ Na̱ꞌmii̱, xi kisꞌikitsiee̱ kjo̱a̱nda ko̱jo ja̱koxi̱.

Juaa̱ 13:3

Kjisoo̱ ja̱bo̱a̱ jè be nga Na̱ꞌmii̱ katsjaá ngi̱ya tsja ngayeje nii̱, kó nga Néná jatjoni, ko̱jo nga ti̱ kuii̱ ko̱e̱je̱kon nginií,

Juaa̱ 16:28

Na̱ꞌmina xí katsangiyana, kó jéꞌe̱ an kui nga̱sondiee̱, kó kꞌuijñá ngiñá an kui nga̱sondiee̱, kó kjuínkón ngiñáa̱ Na̱ꞌmina.

Juaa̱ 3:13

Kó nde kji̱e̱ ngo xi fí ndiꞌakꞌajmi jàn, ta̱kuítsí xi jatjajenni ndiꞌakꞌajmi jàn, kuí xí ndií nda̱ xi̱ꞌii̱n, xi tikón ndiꞌakꞌajmi jàn.

Juaa̱ 8:42

Sꞌe̱ Kjisoo̱, bi̱ katsó: –Tsi ja̱koxi̱ nga Néná xí na̱ꞌmijnú, tjóra̱ si̱ꞌánjnúꞌun, ngatꞌa̱ Néná boá xi na̱ꞌmina, kó jéꞌe̱ an kꞌi̱e̱e̱, ngatꞌa̱ jéꞌe̱so̱bo̱a̱jín an, na̱ꞌmina boá xi katsangiyana.

1 Xota̱ Korinto̱ 1:28

Néná jaꞌájin ni xi ta̱ kon ta̱ maa̱ nga̱sondiee̱, ko̱jo ni xi jmí ni chjíjiín, ko̱jo ni xi kji̱e̱ jmíjín, tsi̱ꞌe̱ nga sa̱ꞌínchaja ni xi kuii̱,

Xota̱ Ngalasia̱ 4:26

Na̱ Saraa̱ kuí boá xi xikónii̱ kjo̱a̱ꞌbínda tja̱tsi̱e̱ xi índa Néná, kuí xí na̱xi̱ńdáꞌniú Jerusale̱n xi chji̱a̱ni ndiꞌakꞌajmi jàn, tikónndé, kó ñá xi ndií.

Xota̱ Ngalasia̱ 6:14

Kjo̱a̱ ngaá an ꞌne̱, mejénjínna nga je kꞌoxié an yojona, ngototo kjo̱a̱a̱ ni xi katsꞌén Ndi̱a̱ná Jesukristoo̱ nga kꞌientꞌa kroo̱. Ngatꞌa̱ ki̱a̱ tꞌaa̱ kro jè kꞌienjo̱ an Kristoo̱. Kó ni xi tsi̱ꞌe̱ kui nga̱sondiee̱ jè ngiti̱ jmí ni bejín kjo̱a̱a̱ an, ti̱nde an ngiti̱ jmí ni bejín an kjo̱a̱a̱ ni xi tsi̱ꞌe̱ kui nga̱sondiee̱.

Xota̱ Filipo̱ 3:3

Ngatꞌa̱ sirkunsisio̱n xi ndaa̱, kuí xí kichꞌiá ñá xi yandikón Néná xikótsꞌèn bokoyáná A̱si̱énni̱xtjii̱n, kó kjimaꞌniátakón ñá ni xi katsꞌén Kristo̱ Kjisoo̱, jmí tsi ni xi kiniꞌaán yojoná.

1 Timoo̱ 3:16

Kó tikón tsijen tsijen nga ta̱nisién je ni xi sꞌijinná, ni xi kisꞌijña ꞌma ngasꞌe̱, kó Néná je tsꞌénbokóná ngotꞌe̱, kuí ni xi̱ꞌbi̱: Néná akó yojoo̱ nga xota̱ kamá, A̱si̱énni̱xtjii̱n akó nga kui xi kixi̱, ndítsjiee̱ kamábe. Ikꞌíni̱jmi̱ì xota̱ na̱xi̱ńdá xí tjiín, kiniꞌánsꞌijin kui nga̱sondiee̱, kó kisꞌiee̱ kjo̱a̱je nga kijí ndiꞌakꞌajmii̱.