Én xí nda xi ꞌniú tsjatsó ngasee̱ 7:5 - Xo̱jo̱n eén Néná

⁵ Taki ji, ja̱kjiꞌi na̱xi̱ Karmeloo̱ má kjiꞌi, kó tsja̱taki ji, ja̱kon ńchjón koán xi tjiín ńjño xi bótꞌa nga̱xto̱n nda̱ ree̱ má kón, ¡achichí tsjá kamaá nda̱ ree̱ nga kamábe tsja̱ni̱je̱e̱n!

Én xí nda xi ꞌniú tsjatsó ngasee̱ 7:5 ပူးပေါင်းရင်းမြစ်များ

Jenesii̱s 32:26

Kósꞌe̱ kui nda̱a̱, bi̱ katsoó Jakoo̱b: —¡Ti̱ntjoénní! ¡Ngatꞌa̱ jè kisisie̱èn! Kó Jakoo̱b bi̱ katsó: —Tsjuiénjaán, ngaskande nga si̱ꞌinchikonñíní.

Xo̱jo̱n Salmoo̱ 68:24

¡Jè ya xota̱ xi tjimátji̱ngii̱ ji Ne! Xota̱ xi tjimájo̱ Néna, kui xi rena, nga ndyi̱fí Ndiꞌandikoón.

Xo̱jo̱n Salmoo̱ 87:2

Achichí tjoó Néná nga̱ntjo̱a̱a̱ na̱xi̱ńdáꞌniú Sioo̱n, tjó ngasee̱ ta̱bo̱a̱jiín ndiꞌaa̱ xota̱ tji̱e̱e̱ Jakoo̱b.

Énkjínkón 5:19

Kuí boá xi xikoó ngo ndi̱kꞌijñá chjo̱on, te̱ꞌéndiè ji nga kjo̱a̱tjoó ko̱jo kjo̱a̱niꞌándajoo̱n kui, ngatsjaá kjo̱a̱tsja ngatsjéni̱xtjin.

Én xí nda xi ꞌniú tsjatsó ngasee̱ 1:17

kó yákoón boá xi ka̱ma xikoó yáseé ndiꞌaná, kósꞌe̱ xka̱a̱ yá sipree̱ boá xi ka̱ma xikoó nkꞌaa̱.

Én xí nda xi ꞌniú tsjatsó ngasee̱ 4:1

¡Achichí tsjákjiꞌi ji, na̱ xi mejénna an! ¡Achichí tsjákjiꞌi ji! Ndyikin bo̱a̱ má kón xikoó jó tójo xi ndyi̱kotsijennii̱ nga̱xto̱n ńjñoxo̱ꞌba̱a̱. Tsja̱taki ji bo̱a̱ má kón xikoó ngo xtín tindso̱ ínchjín, xi ki̱a̱ ndyi̱fotjojenni nga ndyi̱kjínkꞌatsja ngi̱jin na̱xi̱ Ngalaa̱nd.

Én xí nda xi ꞌniú tsjatsó ngasee̱ 4:4

Kjásen ji bo̱a̱ má kjiꞌi xikoó tarié xi katsꞌénda nda̱ re Ndabii̱, kui xi ata̱ tsjákón ndi̱jo̱ xi kiniꞌánchonnii̱ nga kamánda, kó achichí kjín mi̱ ni xi ꞌbíchjaá ni xi ndajín kjiyojotꞌaa̱, xi tsi̱ꞌe̱ xota̱ chꞌokon xi fíkján kjo̱a̱xcha̱án.

Én xí nda xi ꞌniú tsjatsó ngasee̱ 5:11

Ja̱kjiꞌi to̱nsinié má kjiꞌi to̱ko̱, ngaskande yó má tsja̱a̱, kó jmá tsja̱to̱ko̱ xikoó ngo ni̱sie kuerbo̱.

Xki̱ 21:26

Ki̱a̱ nangi Esboo̱n kisꞌijña re Sijoo̱n, kui xi askjanjo̱ kui re xi ngi̱chí tjón kisꞌijña ki̱a̱ nangi Moaa̱b, kó jaꞌáxiín nangii̱ ngaskande ndejèꞌ Arnoo̱n.

Matioo̱ 18:20

Ngatꞌa̱ nínga jó ko̱jo tsi ján xota̱ ka̱matikó xí sꞌijii̱n an, ki̱a̱ kotíjña̱jìi̱n ngamasiee̱n.

Matioo̱ 28:20

kó takoyajnúu̱ nga sa̱ꞌínkjatjosón ngayeje ni xi akoyájnúꞌun, kó an ngatsjéni̱xtjin kotíjña̱jojnúꞌun, ngaskande nga kju̱i̱e̱ nga̱sondiee̱. Bo̱a̱ kjiꞌi.

Xota̱ Éfeso̱ 1:22

kó ngayeje nii̱ xi Néná íjñá ngi̱ya tsja Kristoo̱ kó kuí boá xi katsꞌén nga Kristoo̱ xi ka̱ma ngito̱ko̱o̱ ngayejee̱ nii̱ ngandaa̱ xota̱ na̱ngo̱xi̱i̱,

Xota̱ Kolosa̱ 1:18

Kristoo̱ boá xi tikóntjoón xota̱ na̱ngo̱xi̱i̱, kó xota̱ na̱ngo̱xi̱i̱ kuí boá xi yojoo̱ Kristoo̱. Kristoo̱ boá xi tjón jaꞌáꞌyaá ngi̱jii̱n xota̱ xi je jesoón, tsi̱ꞌe̱ nga kui xi nkꞌa ngase kꞌuijñaá ngayeje ni xi tjiín.

Xota̱ Kolosa̱ 2:19

Jmí tsi ki̱a̱ ndyi̱fítji̱ngi kui xi tikóntjoón na̱ngo̱xi̱i̱, kui na̱ngo̱xi̱ xi yojoo̱ Kristoo̱. Kristoo̱ kuí boá xi tjitsꞌénngo kui yojoo̱, kó tsꞌéntsjángaꞌniuú nga kjiꞌiꞌniuú ngayeje to̱ko̱ya ni xi yaꞌajo̱ni, kó kjimaxchá kui yojoo̱ xikótsꞌèn mejeén Néná nga ka̱maxchá.

Ni xi akakoo̱ 1:14

tsja̱a̱ tiboa xó xó xikoó tsa̱nga̱a̱, ko̱jo xikoó nchꞌaàn, kó ndyi̱ko̱n xikó maá ndiꞌií,