Én xí nda xi ꞌniú tsjatsó ngasee̱ 7:12 - Xo̱jo̱n eén Néná

¹² Jñóyà ku̱i̱stjíe̱n, kó tjián nínga kjiꞌi tostsi̱je̱è, stsitsíjée̱n tsi je kjiꞌbíńtsꞌién, ko̱jo tsi je tjixó, tsi je tjixó yángranandaa̱, ¡ki̱a̱ sa̱ꞌinkꞌasꞌiee̱n kjo̱a̱tjóna!

Én xí nda xi ꞌniú tsjatsó ngasee̱ 7:12 ပူးပေါင်းရင်းမြစ်များ

Xo̱jo̱n Salmoo̱ 122:5

Ki̱a̱ nínga tindyin ji síndo ngi̱ndie nínga ma jeé xotaa̱, ki̱a̱ nínga tindyin ji tikón ndo̱bo̱a̱xa̱á Ndabii̱.

Xo̱jo̱n Salmoo̱ 43:4

Kósꞌe̱ kꞌosꞌi̱e̱n an nínga tikón ṉchaa̱n Néná, kui Néná xí kjo̱a̱tsjana, ko̱jo kjo̱a̱mojnóna, kó ki̱a̱ sa̱ꞌintsjaá nga sa̱ꞌinkjièn án soó arpaa̱, ngatꞌa̱ jí boá xi Néna ji, Ne tsa̱ꞌa̱n.

Xo̱jo̱n Salmoo̱ 73:25

¡ꞌYá xí tikónna ki̱a̱ nkꞌajmii̱, ja̱ ta̱ jí tsí! Kó tsi ki̱a̱ tikóntꞌaa̱ ji, jmí nii̱ kui nga̱sondiee̱ mejénjínna.

Éksondo̱ 25:22

Kó ngi̱jii̱n nga jó kui keruu̱b, ki̱a̱ boá nínga sa̱kóná xingi̱ ji ko̱jo an, kó ki̱a̱ boá nínga xiyaá ni xi ka̱maa̱ ko̱jo ni xi ka̱májiín sa̱ꞌín xota̱ Israee̱l.

Énkjínkón 8:17

Tsꞌentjó an xota̱ xi tsꞌéntjóna an, kó tsja mana nga sakoó an ngayeje xota̱ xi ja̱koxi̱ nga an mongasena.

Eklesiastee̱ 9:10

Kó ngayeje ni xi ka̱ma si̱ꞌin ji, ndatsꞌèn ti̱ꞌin ji, ngatꞌa̱ ki̱a̱ nga̱tsjo̱ó, ki̱a̱ nínga kjóchí ji, ngiti̱ jmí xájín ki̱a̱a̱, ti̱nde ngiti̱ jmíjín ni xi ma niꞌán ngase, ti̱nde ngiti̱ jmíjín kjo̱a̱kjíntakón, ko̱jo kjo̱a̱kjínkón.

Én xí nda xi ꞌniú tsjatsó ngasee̱ 2:13

Jè tjín toꞌingo̱ ki̱a̱ nínga tjitjíe̱ yáꞌingoo̱, kó jè kjifoaꞌándá nda̱sijee̱n, naxoó ńꞌniuú tostsi̱je̱è, ¡ja̱bíꞌi̱n na̱ tsjakjiꞌi!»

Én xí nda xi ꞌniú tsjatsó ngasee̱ 2:15

Cho̱ńda xi xi̱xi̱i̱ tsꞌenkjié nínga tjitji̱e̱ná tostsi̱je̱è. ¡Tasíke̱jejne̱ tsi̱ꞌe̱ nga ko̱ndo̱bo̱a̱, ngatꞌa̱ kui ńꞌniú tostsi̱je̱è sꞌe̱ tsí yajaá naxó!

Én xí nda xi ꞌniú tsjatsó ngasee̱ 4:13

Chikíi̱ bo̱a̱ má kón xikoó ngo ngi̱ndie nínga tjitjíe̱ to ngrananda̱ xi nda chiniee̱, kuí boá xi xikoó tsi tjiín naxó aleña̱, ko̱jo naxó narndo̱,

Én xí nda xi ꞌniú tsjatsó ngasee̱ 4:16

¡Ji tjo̱ xi ndibánií nínga ta̱ꞌin, ti̱sítji̱n ji! ¡Ja̱bíꞌi̱n tjo̱ xi ndibánií nínga na̱ngi! ¡Tjatsièe̱ nga̱soón ngi̱ndie nínga tjitji̱e̱na naxoó, kó ngatjaꞌándá sije̱n sije̱n! ¡Ja̱bíꞌi̱n ji xota̱ xi tjóna, kó chítꞌe ji kui to xi nda chiniee̱!

Én xí nda xi ꞌniú tsjatsó ngasee̱ 6:11

Kijíjaya an nínga kjiꞌi yátjié xi tsjá to nuee̱s, tsi̱ꞌe̱ nga kijíkatsijèe̱n to xí tjín nangisoón, ko̱jo tsi̱ꞌe̱ nga skuie an tsi je kjiꞌbíńtsꞌién ńꞌniuú tostsi̱je̱è, ko̱jo tsi je tjitjó naxoó yángranandaa̱.

Én xí nda xi ꞌniú tsjatsó ngasee̱ 7:11

Ja̱bíꞌi̱n ji xota̱ tjóna, tjián nínga jno̱ jàn, kó ki̱a̱ ku̱i̱tjá ni̱xtji̱e̱e̱n nínga síndo ndiꞌaa̱ xotaa̱.

Én xí nda xi ꞌniú tsjatsó ngasee̱ 7:6

¡Achichí tsjákjiꞌi ji, kó achichí ixi ndokjo̱e̱ ji! ¡Achichí tsjákjiꞌi nga tsꞌéntjó xkjín xotaa̱!

Ni xi kamá 15:36

Ngije jaꞌa kjín ni̱xtjin, Pabloo̱ bi̱ katsoó Bernabee̱: –Tjianchóo̱n ingo ndi̱yà ngayeje ntsꞌié xi síndo ngayeje na̱xi̱ńdá nínga je ikꞌíni̱jmì eén Néná, tsi̱ꞌe̱ nga xcha̱ kótsꞌèn síndo.

Xota̱ Roma̱ 5:11

Kó jmí tsi ta̱kuítsí nii̱, ti̱ tsjá máná Néná ta̱ngatꞌanii̱ Ndi̱a̱ná Jesukristoo̱, kui xi ta̱ngatꞌanii̱ kui nga je akjandajo̱ Néná.

2 Xota̱ Korinto̱ 13:5

Tsitsíjen cha̱n cha̱njnúu̱ yojojnú tsi sꞌijinjnú Kristoo̱. Chitꞌa so̱bo̱a̱jnú yojojnú. Axa̱, a yàjínjnú nga Jesukristoo̱ tikónjinjnú. Ngototo tsi ndajín tsꞌén jatjo xki̱i̱ nga kichitꞌajnú yojojnú.

Xota̱ Éfeso̱ 6:24

Ngatꞌieé kjo̱a̱nda ngayeje xota̱ xi tjoó Ndi̱a̱ná Jesukristoo̱, ngo kjo̱a̱tjó xi fejín. Bo̱a̱ kjiꞌi.

Xota̱ Ebreo̱ 12:15

Chindajnú nga ngojín xi sa̱ꞌínchꞌó kjo̱a̱ndaa̱ Néná, nga tsi ngo xi ndajín tjíjin ini̱ma̱a̱ tsja̱á kjo̱a̱xti, kuí nii̱ xi sa̱ꞌínniꞌii̱n xotaa̱, kó ka̱ma tsie kui ni xi ndajiín,

Xota̱ Ebreo̱ 2:13

Kó ti̱ bi̱ ti̱ tsó nga: An ka̱maꞌniátakón an Néná. Kó ti̱ bi̱ ti̱ tsó nginí: Kꞌi̱e̱ tikòn an kꞌi̱e̱e̱, an ko̱jo ndí xi katsjána Néná.

Xota̱ Ebreo̱ 2:15

kó bo̱a̱ tsꞌén nga índondé ngayeje xota̱ xi kisꞌińdo, xikoó moso̱ xi kastiñaá, ngatꞌa̱ katsakjónní kjo̱a̱bo̱yaa̱.

Xota̱ Ebreo̱ 4:16

Si̱ꞌantiñáa̱ yojoná tsobo̱a̱, kó si̱ꞌanꞌniátakón Néná xi botixómáná, ko̱jo xi tsjáná kjo̱a̱ndaa̱, tsi̱ꞌe̱ nga sa̱kóná kjo̱a̱ni̱ma̱takoón, kó sa̱kóná kjo̱a̱ndaa̱ kjiꞌá má nga ka̱machjiénná kuí.