Én xí nda xi ꞌniú tsjatsó ngasee̱ 6:4 - Xo̱jo̱n eén Néná

⁴ Achichí tsjákjiꞌi ji na̱ xi tjóna, bo̱a̱ má kjiꞌi ji xikoó na̱xi̱ńdáꞌniú Tirsaa̱, achichí tsjákjiꞌi ji xikoó na̱xi̱ńdáꞌniú Jerusalee̱n, kui xi je ꞌniú tikón xikoó ngo xtín jájún xi je síndonda nga ndyi̱fí kjo̱a̱xchán.

Én xí nda xi ꞌniú tsjatsó ngasee̱ 6:4 ပူးပေါင်းရင်းမြစ်များ

Xo̱jo̱n Salmoo̱ 48:2

Achichí tsjákjiꞌi kui na̱xi̱ nkꞌaa̱, kui xi kjo̱a̱tsjaa̱ ngayeje nga̱sondiee̱, na̱xi̱ Sioo̱n, ki̱a̱ nínga fetꞌanii̱ xtji̱e̱e̱n ta̱ꞌii̱n, kuí boá xi na̱xi̱ńdáꞌniuú kui Re xi tjiín ngaꞌniuú.

Xo̱jo̱n Salmoo̱ 48:3

Néná ngi̱jii̱n kui ndo̱bo̱a̱xa̱á, ya xikoó ngo tarié xi ꞌniú.

Xo̱jo̱n Salmoo̱ 50:2

Ndeskande na̱xi̱ńdá Sioo̱n, kui na̱xi̱ńdá tsjákjiꞌi ko̱jo xi ꞌniú ndaa̱, Néná tsjandiè nga ya ndiꞌií.

Én xí nda xi ꞌniú tsjatsó ngasee̱ 1:15

¡Achichí tsjákjiꞌi ji, chjo̱on xí tsa̱ꞌa̱n, achichí tsjákjiꞌi ji! ¡Ndyikin ji bo̱a̱ má kón xikoó jó tójo!

Én xí nda xi ꞌniú tsjatsó ngasee̱ 1:5

¡Jún ínchjín xo̱ngo̱ò xí chji̱a̱ni na̱xi̱ńdáꞌniú Jerusalee̱n! Na̱ jmá boá an, kó tsjákjiꞌi an, na̱ jmá án, xikó maá ndiꞌańjño xi síndo nangi Kendaa̱r. Na̱ jmá án, xikó maá ńjño kortinaa̱ ndiꞌaa̱ re Salomoo̱.

Én xí nda xi ꞌniú tsjatsó ngasee̱ 2:14

Ji ndí tójo xi tjóna, ji xi ki̱a̱ tindyinꞌmí ji ki̱a̱ ti̱xa̱a̱ ndi̱jo̱ yiꞌii̱, ki̱a̱ ngi̱ndyioó ndi̱jo̱ xi síndo nínga nkꞌaa̱, takéní kje̱n ji, te̱ꞌéndiè ji nga kuintꞌièe̱ nda̱a̱. ¡Achichí ixi ndaꞌyaá nda̱a̱! ¡Achichí tsjákjiꞌi kje̱n ji!

Én xí nda xi ꞌniú tsjatsó ngasee̱ 4:7

¡Achichí tsjákjiꞌi ji, na̱ xi mejénna an! ¡Jmíjiín ngo chi̱bo̱a̱ xi ndajín!

Én xí nda xi ꞌniú tsjatsó ngasee̱ 5:2

Jè kjiꞌifé an katsaki, ta̱nga tikón ini̱ma̱na, kó tsintꞌie an ngo nda̱. Nda̱a̱ xota̱ xi tjóna boá, kó bi̱ katsó nga tsíchji̱a̱ nga̱ntjo̱a̱a̱: «Chjéxꞌéní ji ndí ndíchja, ji ndí chjo̱onna, ji ndí tójo tsjakjiꞌina, na̱ xi jmíjiín ngo chi̱bo̱a̱ xi ndajín. Ngatꞌa̱ tokó án jè tjikítsie maá xoño, ¡kó tsja̱tokó án je tsꞌandyi̱ni stsé xí kjiboaꞌa nga jñoó!»

Én xí nda xi ꞌniú tsjatsó ngasee̱ 6:10

ꞌYání bo̱a̱ xi kjifotjokjà xikó maá nga ndibáꞌásie̱én, achichí tsjákjiꞌi xikó maá saá, tikón ꞌna̱ ꞌna̱ xikó maá tsꞌueé, ꞌniú tikón xikoó ngo xtín jájún xi je síndonda nga ndyi̱fí kjo̱a̱xchán.

Kjo̱a̱chaꞌaá 2:15

Ngayeje xota̱ xi jaꞌa kui ndi̱ya̱à, katsꞌéntsen má tsja nga tsajnókiee̱, ꞌbíxo̱bí má, ko̱jo tsꞌéntíyà maá to̱ko̱ nga mojnókiee̱, nga bi̱ tsó kjo̱a̱a̱ kui na̱xi̱ńdáꞌniú Jerusale̱n tsjakjiꞌii̱: A kuí bí kui na̱xi̱ńdáꞌniú xí achichí tsjákjiꞌi xi kjo̱a̱tsjaa̱ tꞌanangii̱, kiꞌmií.

2 Xota̱ Korinto̱ 10:4

Ngatꞌa̱ kui ni xi ni xi tjíbixkánjo̱ ndyi̱ꞌmìi̱, jmí tsi nii̱ kui nga̱sondiee̱, ngaꞌniuú Néná boá, ngaꞌniú xi ka̱maa̱ sa̱ꞌínkjatsón ngaꞌniuú ni xi ndajiín.

Xota̱ Éfeso̱ 5:27

tsi̱ꞌe̱ nga xota̱ na̱ngo̱xi̱i̱ kꞌuieé kjo̱a̱je nga kjo̱chó ngindyi̱ko̱n Kristoo̱, kó nga kꞌuiéjiín ni xi ndándí, ko̱jo ni xi chꞌo tsꞌén xcha̱, ngatꞌa̱ Kristoo̱ mejeén nga tsjie ko̱jo nga ndo̱jò kjin kjin ka̱ma xota̱ na̱ngo̱xi̱i̱.

Ni xi akakoo̱ 21:2

Kó kamábe an na̱xi̱ńdáꞌniú tsjiee̱, na̱xi̱ńdáꞌniú Jerusale̱n tja̱tsi̱e̱e̱, xi tsꞌénfotjajenni ndiꞌakꞌajmii̱ ngindyi̱ko̱n Néná, nga je tikónnda nga kiniꞌánchoo̱n xikó maá ngo na̱ xi ku̱i̱xan nga je tikónnda nga ku̱i̱xanjo̱ xi̱ꞌii̱n.