Én xí nda xi ꞌniú tsjatsó ngasee̱ 6:13 - Xo̱jo̱n eén Néná

¹³ Ndibé nginí ji, ndibé nginí ji na̱ nangi Sulaa̱n, Ndibé nginí ji, ndibé nginí ji tsi̱ꞌe̱ nga stsitsíjenjne̱ ji. Mí ni xi mejénjnú nga stsitsíjenjnúu̱. ¡Xi kótsꞌèn ché ji ngi̱jii̱n ngajó ngi̱ndie nínga síndo ndiꞌańjñoo̱ xotaa̱!

Én xí nda xi ꞌniú tsjatsó ngasee̱ 6:13 ပူးပေါင်းရင်းမြစ်များ

Jenesii̱s 32:2

Kó kjiꞌanga Jakoo̱b kamábe kui ndítsjiee̱, bi̱ katsó: «¡Ngi̱ndie nínga tsꞌénkjaꞌyá Néná boá kꞌi̱e̱e̱!» Kuíni kui ngi̱ndiee̱ «Jó ngi̱ndie nínga niꞌánkjaꞌyá» ítꞌajaꞌén.

Jenesii̱s 49:10

Ngatsjéni̱xtjin kꞌuijñá ngi̱ya ndse̱ ji yánísié xi ko̱ti̱xomeni ji, ngaskande tsí nga kjo̱e̱ꞌe kui re xi ja̱koxi̱i̱, kui xi ko̱tíxoma ngayeje nga̱sondiee̱.

Xo̱jo̱n Salmoo̱ 76:2

Ki̱a̱ na̱xi̱ńdáꞌniú Jerusalee̱n tikón na̱ngo̱xi̱i̱, kó ki̱a̱ na̱xi̱ńdáꞌniú Sioo̱n tikón ngi̱ndiee̱.

Én xí nda xi ꞌniú tsjatsó ngasee̱ 1:6

Ngata̱ ki̱a̱jín tsitsijenjnúu̱ nga jmá tji̱xin yojona, ngatꞌa̱ ndoboaá boá xi katsꞌénchjánna. I̱xti ntsꞌié án katsꞌénxchánjo̱na, kó kjo̱a̱ꞌniú katsꞌénna nga askóo̱n nínga tjitjieé tostsi̱je̱è, ¡kuíni nga askonjáa̱n yojona, ngatꞌa̱ án boá xi xikoó ngi̱ndie nínga tjitji̱e̱na tostsi̱je̱è!

Én xí nda xi ꞌniú tsjatsó ngasee̱ 2:14

Ji ndí tójo xi tjóna, ji xi ki̱a̱ tindyinꞌmí ji ki̱a̱ ti̱xa̱a̱ ndi̱jo̱ yiꞌii̱, ki̱a̱ ngi̱ndyioó ndi̱jo̱ xi síndo nínga nkꞌaa̱, takéní kje̱n ji, te̱ꞌéndiè ji nga kuintꞌièe̱ nda̱a̱. ¡Achichí ixi ndaꞌyaá nda̱a̱! ¡Achichí tsjákjiꞌi kje̱n ji!

Én xí nda xi ꞌniú tsjatsó ngasee̱ 6:12

Kó ngije kamákjínna, ini̱ma̱na ki̱a̱ kijíjo̱na, nínga tikón karroo̱ xota̱ xi tjóna an.

Rkaa̱ 15:10

Ja̱ bo̱a̱ xian an nga, nga ꞌbé kjo̱a̱tsja ngindyi̱ko̱n ndítsjiee̱ Néná, nga ngo xota̱ jé sa̱ꞌínkꞌoyà yojoo̱.

Rkaa̱ 7:44

Kó Kjisoo̱ askotsijee̱n kui naa̱, kósꞌe̱ bi̱ katsoó nda̱ xi ꞌmí Ximoo̱: –A titsitsijìi̱n kui naa̱. Tsꞌasꞌien an ndiꞌàa̱, kó jmí ndáfoa katseꞌéjínní xi aniejón an ndsa̱ko án, ta̱nga kui naa̱ ndándyíko̱n aniéjónni ndsa̱ko án, kó tsja̱to̱ko̱ katsꞌénxíjónni nga.

Juaa̱ 10:16

Kó ti̱ tjínna kje̱ꞌe cho̱tsa̱nga̱ xi kuijín nchꞌoaá chji̱a̱ni, kó ti̱ kjuínkjáꞌa an nga, kó kui cho̱tsa̱nga̱a̱ ku̱i̱ntꞌiè nda̱na, kó ta̱ ngo tsí tjín ka̱ma, kó ta̱ ngo tsí nda̱ xi skoón kui cho̱tsa̱nga̱a̱.

Juaa̱ 9:7

kó bi̱ katsoó: –Tꞌenkaníjín ndyikin nínga tikón ti̱xa̱ je xi ndyi̱a̱ ndáfoa xi tikón Siloe̱ (xi kanangiyaa̱, tsó kui eén nga én arameo̱). Kijí kui nda̱a̱, kó aniéjón ndyi̱ko̱n, kó nga jachó nginí, je kamátsijee̱n.

Xota̱ Roma̱ 3:29

Kó Néná ata̱ Nee̱ xota̱ jundío̱ tsí. A mí tsí ko̱jo Nee̱ xota̱ na̱xi̱ńdá xí ngasee̱ boá nga. Bo̱a̱ kjíꞌí, ko̱jo Ne tsi̱ꞌe̱ xota̱ na̱xi̱ńdá xí ngasee̱ boá nga.

Xota̱ Roma̱ 7:23

Ta̱nga be an nga ngi̱jin yojona tikón kje̱ꞌe kjo̱a̱kiti xi kjánjo̱ kjo̱a̱kitii̱ kjo̱a̱kjíntakónna, kó kuí boá xi fíjo̱na ngi̱yaa̱ kjo̱a̱kitii̱ jeé xi tikónjinna.

Xota̱ Ngalasia̱ 5:17

Ngatꞌa̱ ni xi mejeén yojojnú kondra̱ tikónnii̱ ni xi mejeén A̱si̱énni̱xtjii̱n Néná, kó ni xi mejeén A̱si̱énni̱xtjii̱n Néná kondra̱ tikónnii̱ ni xi mejeén yojojnú, kó nga jó kui nii̱ satíkjo, kuí nii̱ xi tsjandièjín nga chje̱ꞌéjin ni xi ndaa̱ ndatsi mejénná si̱ꞌán.

2 Xota̱ Tesalónika̱ 1:10

Bo̱a̱ ka̱ma ni̱xtjin nga kjo̱e̱ꞌe Ndi̱a̱ná, tsi̱ꞌe̱ nga xota̱ tsjiee̱ tsja̱á kjo̱a̱je, kó ngayeje xota̱ xi je kisꞌijii̱n kui, tsja ka̱maa̱ nga sku̱i̱e̱. Ngi̱jii̱n kui xotaa̱ je tindyiónjnú jún, ngatꞌa̱ jè kisꞌijinjnú ni xi je kiꞌmíyàjne̱ ko̱jo ni xi kiniꞌánjne̱ ji̱n.

Xota̱ Ebreo̱ 7:2

kó Abraa̱n katsꞌénkꞌasꞌiee̱n kui nda̱ ree̱, tie nga úchán ngayeje ni xi kasakoo̱ xi katsꞌén kui kjo̱a̱xcha̱án. Jaꞌeén Melkisendee̱k, “nda̱ Re xi kixi̱” tsó, ko̱jo Ree̱ nangi Salee̱n, kó kui jaꞌeén “Re xi tjiín kjo̱a̱xió” tsó.