Én xí nda xi ꞌniú tsjatsó ngasee̱ 6:10 - Xo̱jo̱n eén Néná

¹⁰ ꞌYání bo̱a̱ xi kjifotjokjà xikó maá nga ndibáꞌásie̱én, achichí tsjákjiꞌi xikó maá saá, tikón ꞌna̱ ꞌna̱ xikó maá tsꞌueé, ꞌniú tikón xikoó ngo xtín jájún xi je síndonda nga ndyi̱fí kjo̱a̱xchán.

Én xí nda xi ꞌniú tsjatsó ngasee̱ 6:10 ပူးပေါင်းရင်းမြစ်များ

Joo̱b 11:17

Achichí tsjatsꞌèn ku̱i̱ndyin ji, kó tsijen ngase ka̱maa̱, ta̱bo̱a̱jiín nga ndisꞌueé. Kó ndatsi je kamájñoó, xikónií tsi ta̱jñó ka̱ma.

Joo̱b 31:26

Jmíni̱xtjin nga askotsijèe̱n ndiꞌií tsꞌueé, ko̱jo tsi xikótsꞌèn kijí saá,

Xo̱jo̱n Salmoo̱ 14:5

Ki̱a̱ boá nínga kjo̱tsièndíkón májnú, ngatꞌa̱ Néná kjo̱a̱ndaa̱ xota̱ xi kixi̱i̱ boá xi tikón.

Énkjínkón 4:18

»Ta̱nga ndi̱yà xí tjimáyà xota̱ xi kixi̱i̱, ꞌna̱ ma xikoó nda̱a̱ ndiꞌí xí ya nga ndibáꞌásie̱én: kó saꞌniú sáꞌniú ngase ma ꞌna̱, ngaskande nga ma ndisꞌueé.

Én xí nda xi ꞌniú tsjatsó ngasee̱ 1:15

¡Achichí tsjákjiꞌi ji, chjo̱on xí tsa̱ꞌa̱n, achichí tsjákjiꞌi ji! ¡Ndyikin ji bo̱a̱ má kón xikoó jó tójo!

Én xí nda xi ꞌniú tsjatsó ngasee̱ 3:6

Mí ni bo̱a̱ xi tsꞌéndibá ki̱a̱ nangi kixií xi ja̱kjiꞌi ngo yásé ṉdi̱ má kjiꞌi, xi kjifoaꞌándá sije̱n sije̱n xikoó mirraa̱, xikoó nisijee̱n, ko̱jo xikoó kjín to̱ko̱ya ndásíje̱n.

Én xí nda xi ꞌniú tsjatsó ngasee̱ 6:4

Achichí tsjákjiꞌi ji na̱ xi tjóna, bo̱a̱ má kjiꞌi ji xikoó na̱xi̱ńdáꞌniú Tirsaa̱, achichí tsjákjiꞌi ji xikoó na̱xi̱ńdáꞌniú Jerusalee̱n, kui xi je ꞌniú tikón xikoó ngo xtín jájún xi je síndonda nga ndyi̱fí kjo̱a̱xchán.

Én xí nda xi ꞌniú tsjatsó ngasee̱ 8:5

ꞌYá kuií bo̱a̱ xi̱ꞌbi̱ xi tsꞌéndibá xtji̱e̱e̱n nangi kixií, xi tjiaa̱ xota̱ xi tjoó kjitꞌaa̱ to̱ko̱. Ngindiee̱ ngo yámásana̱ katsꞌenkjaꞌaá jí. Ki̱a̱ boá nínga kisꞌiee̱ tsi̱ndi̱o̱ na̱áa̱n, ki̱a̱ boá nínga kisꞌiee̱ tsi̱ndi̱o̱ xota̱chjo̱on xí yeꞌeé.

Matioo̱ 13:43

Kósꞌe̱ ngayeje xota̱ xi kixi̱i̱ kꞌuieé ndiꞌí xikoó tsꞌueé ki̱a̱ nínga botixómá Na̱ꞌmii̱. Xi tjín tji̱bo̱a̱nijon nga ku̱i̱ntꞌiè, ngatasiénníjón kui eén.

Matioo̱ 17:2

kó ngindyi̱ko̱n kui jaá kje̱ꞌe kisꞌie Kjisoo̱, kó kje̱n ꞌna̱ kamá xikó maá tsꞌueé, kó ńjño xi yajá tiboa xó xó kamá.

Xota̱ Roma̱ 8:37

Ta̱nga ngi̱jii̱n ngayeje ni xi̱ꞌbi̱, jè kiniꞌán, kó tsie ngase ni xi si̱ꞌán ngatꞌaa̱ kui xi katsꞌéntjóná.

Xota̱ Éfeso̱ 5:27

tsi̱ꞌe̱ nga xota̱ na̱ngo̱xi̱i̱ kꞌuieé kjo̱a̱je nga kjo̱chó ngindyi̱ko̱n Kristoo̱, kó nga kꞌuiéjiín ni xi ndándí, ko̱jo ni xi chꞌo tsꞌén xcha̱, ngatꞌa̱ Kristoo̱ mejeén nga tsjie ko̱jo nga ndo̱jò kjin kjin ka̱ma xota̱ na̱ngo̱xi̱i̱.

Ni xi akakoo̱ 1:16

ngi̱ya tsja kixi̱ tsꞌényaꞌa yito ńño, kó ngi̱ya tsꞌoa jatjo ngo ki̱cha̱ xi yojó nga jó ngoboaá, kó kje̱n bo̱a̱ má kjiꞌi xikó maá nga ꞌniú tíngá ndoboaá.

Ni xi akakoo̱ 10:1

Kó kamábe an ingo ndítsjie xi tjiín ngaꞌniú, xi tsꞌéndibájèn ndiꞌakꞌajmii̱ nga tikónjin ngo ṉdi̱, kó ngo ndi̱ꞌya̱ tikoón nga̱són to̱ko̱, kó kje̱n ꞌna̱ kamá xikó maá tsꞌueé, kó ti̱ꞌmi̱í ja̱ kon yásé xi tjítí má kón,

Ni xi akakoo̱ 12:1

Kó kamáyà ndiꞌakꞌajmi jàn ngo chi̱bo̱a̱ xi ta̱nisién je: Ngo na̱ xi tjítsakjájón tsꞌueé xikoó tsi chi̱nga̱a̱, kó saá ngindie se kui naa̱ kisꞌijña, kó ngo korona̱ xi tjiín tiejó ńño kisꞌijñaa̱ to̱ko̱,

Ni xi akakoo̱ 21:23

Kó kui na̱xi̱ńdáꞌniuú jmí tsꞌué ti̱nde jmí sá chjiénjiín xi sa̱ꞌíntsijee̱n, ngatꞌa̱ ndiꞌií kjo̱a̱jee̱ Néná xí tjítsꞌéntsíjee̱n, kó cho̱tsa̱nga̱a̱ boá xi ndiꞌí xí tsꞌentsíjee̱n.

Ni xi akakoo̱ 22:16

–An, Kjisoo̱, katsangiya an ndítsjiena tsi̱ꞌe̱ nga ka̱tso̱yaa̱ ngayeje kui nii̱ ngayeje xota̱ na̱ngo̱xi̱i̱. Án boá xi ja̱ma̱a̱ ko̱jo xi xota̱ tji̱e̱e̱ Ndabii̱, án boá xi ńño ꞌna̱ xi ꞌbíjñá nga ndibáꞌásie̱én.

Ni xi akakoo̱ 22:5

Kó kui ngi̱ndiee̱ nginijánjín ka̱majñó, kó xi kꞌuíndo ki̱a̱a̱, ngiti̱ ka̱machjiénjiín ndiꞌí xí tsꞌentsíjen ko̱jo tsi ndiꞌií tsꞌueé, ngatꞌa̱ Néná kui xi Ndi̱a̱ná tsja̱á ndiꞌií, kó kuí xota̱ xi̱ꞌba̱ xi ko̱tíxoma ngatsjéni̱xtjii̱n.