Én xí nda xi ꞌniú tsjatsó ngasee̱ 5:2 - Xo̱jo̱n eén Néná

² Jè kjiꞌifé an katsaki, ta̱nga tikón ini̱ma̱na, kó tsintꞌie an ngo nda̱. Nda̱a̱ xota̱ xi tjóna boá, kó bi̱ katsó nga tsíchji̱a̱ nga̱ntjo̱a̱a̱: «Chjéxꞌéní ji ndí ndíchja, ji ndí chjo̱onna, ji ndí tójo tsjakjiꞌina, na̱ xi jmíjiín ngo chi̱bo̱a̱ xi ndajín. Ngatꞌa̱ tokó án jè tjikítsie maá xoño, ¡kó tsja̱tokó án je tsꞌandyi̱ni stsé xí kjiboaꞌa nga jñoó!»

Én xí nda xi ꞌniú tsjatsó ngasee̱ 5:2 ပူးပေါင်းရင်းမြစ်များ

Jenesii̱s 29:20

Kó bo̱a̱ tsꞌén Jakoo̱b yito nó katsꞌénxá kjo̱a̱nda ta̱ngatꞌanii̱ na̱ Rakee̱l, kó ta̱sasá jaꞌa kui ni̱xtjii̱n, ngatꞌa̱ achichí kamámejeén na̱ Rakee̱l.

Xo̱jo̱n Salmoo̱ 119:1

Ji Ne, jí boá xi niꞌínchikonñí xota̱ xi tjimá ndi̱yà xí ndaa̱, xota̱ xi ngayeje ini̱ma̱a̱ nga tjimátji̱ngi kjo̱a̱bokoyáa̱.

Xo̱jo̱n Salmoo̱ 81:10

Án boá xi Nejnú má an, án boá xi tsꞌaxiéjnúꞌun ki̱a̱ nangi Ejipto̱. ¡Chjáxꞌájnú ndso̱ꞌbájnú, kó an tsjajnúꞌun ni xi xi̱ni̱e̱jnú!

Énkjínkón 23:26

Ji xi̱ꞌin, an ti̱ꞌinkꞌasꞌinní ini̱ma̱a̱, kó tsjangatamaa̱ ndyikin ji nga ki̱a̱ kꞌuíntjíngí ji ndi̱yàna.

Én xí nda xi ꞌniú tsjatsó ngasee̱ 1:16

¡Achichí tsjákjiꞌi ji, xota̱ xi tjóna! ¡Achichí tsjá mána ni xi niꞌínje̱ní! Xka̱ xi sa̱si̱e̱e̱ boá xi ka̱ma ṉchan nínga tsjayójo,

Én xí nda xi ꞌniú tsjatsó ngasee̱ 2:10

Xota̱ xi tjóna, bi̱ katsóna: «Tꞌenje̱ní jí chjo̱on xí tjóna, ¡ja̱bíꞌi̱n na̱ tsjakjiꞌi!

Én xí nda xi ꞌniú tsjatsó ngasee̱ 2:14

Ji ndí tójo xi tjóna, ji xi ki̱a̱ tindyinꞌmí ji ki̱a̱ ti̱xa̱a̱ ndi̱jo̱ yiꞌii̱, ki̱a̱ ngi̱ndyioó ndi̱jo̱ xi síndo nínga nkꞌaa̱, takéní kje̱n ji, te̱ꞌéndiè ji nga kuintꞌièe̱ nda̱a̱. ¡Achichí ixi ndaꞌyaá nda̱a̱! ¡Achichí tsjákjiꞌi kje̱n ji!

Én xí nda xi ꞌniú tsjatsó ngasee̱ 2:8

¡Jè tsꞌéntꞌièe̱ nda̱a̱ xota̱ xi tjóna! ¡Tsitsíjenjnúu̱, jè tsꞌéndibá! ¡Jè tsꞌénkjínkꞌá ki̱a̱ ngi̱jin tji̱ngi̱i̱, jè tsꞌénkjínkꞌá ki̱a̱ ngi̱jin na̱xi̱i̱!

Én xí nda xi ꞌniú tsjatsó ngasee̱ 3:1

Kjiꞌanga je jñoó, ki̱a̱ nga̱són ṉchanna mongase an kui xota̱ xi tjoó an, tsangase an, ta̱nga kasakojínna.

Én xí nda xi ꞌniú tsjatsó ngasee̱ 4:7

¡Achichí tsjákjiꞌi ji, na̱ xi mejénna an! ¡Jmíjiín ngo chi̱bo̱a̱ xi ndajín!

Én xí nda xi ꞌniú tsjatsó ngasee̱ 4:9

Jè kiniꞌíntse̱ ji ini̱ma̱na, jí ndí ndíchja, jí ndí chjo̱onna. Jè kiniꞌíntse̱ ji ini̱ma̱na, ndeskande koó nga kitsitsijìnní, xikoó tsi ki̱a̱ ikꞌítsakjájinní ngi̱jii̱n toꞌixkíi̱.

Én xí nda xi ꞌniú tsjatsó ngasee̱ 5:11

Ja̱kjiꞌi to̱nsinié má kjiꞌi to̱ko̱, ngaskande yó má tsja̱a̱, kó jmá tsja̱to̱ko̱ xikoó ngo ni̱sie kuerbo̱.

Én xí nda xi ꞌniú tsjatsó ngasee̱ 5:6

Jastjíe̱n an, kó iskjíxꞌáa̱ nga̱ntjo̱a̱ xota̱ xi tjóna, ta̱nga ja̱bo̱a̱ jè kijí, ja̱bo̱a̱ jè jaꞌa. Kó nga tsíchji̱a̱ kui, mejeén kꞌien an katsaki. Tsangase an, ta̱nga ngiti̱ kasakojínna, tsíchji̱a̱ ngasèe̱, ta̱nga ngiti̱ katsꞌénsénjínna.

Én xí nda xi ꞌniú tsjatsó ngasee̱ 6:9

ta̱nga ta̱ ngo tsí má xi tójona, kui na̱ xi tikón ndo̱jò ndójo̱ò, ta̱kuítsí bo̱a̱ xi ndí ngototoo̱ kui xota̱chjo̱on xí yeꞌeé jí. Nga kamábe ínchjín xo̱ngo̱ò, achichíra̱tsjaa̱ kui naa̱ katsó, ínchjín ree̱ ko̱jo ínchjín xí je tjiín xi̱ꞌii̱n achichí katsꞌéntsjaà.

Én xí nda xi ꞌniú tsjatsó ngasee̱ 7:9

kó ngi̱yaa̱ ndso̱ꞌbe ji ngatama xikoó bino̱ xi ndaa̱, kui xi inda inda ꞌbi xota̱ xi tjóna, kui xi inda inda mongajon tsꞌoa ko̱jo ṉꞌni̱u̱.

Én xí nda xi ꞌniú tsjatsó ngasee̱ 8:7

Ngayeje ndáfoaa̱ ndáchíkón xi tjiín, ka̱májiín sa̱ꞌínkꞌó ndiꞌií kjo̱a̱tjoó, ti̱nde ka̱májiín sa̱ꞌínkꞌó ngayeje ndáfoaa̱ ndejèꞌ xi tjiín. Tsi tjín xí sa̱ꞌínkꞌasꞌien ngayeje ni xi tjiín, kjo̱a̱a̱ kui kjo̱a̱tjoó, ta̱ ko̱jno̱cha tsí.

Matioo̱ 7:8

Ngatꞌa̱ ngayeje xota̱ xi ku̱i̱ꞌa, ko̱e̱ꞌeé, kó xi ko̱ngase, sa̱ko̱ó, kó xi ku̱i̱chji̱a̱ tꞌa ngo nga̱ntjo̱a̱, xchjáxꞌaá.

Matioo̱ 8:17

Kui nii̱ kamá tsi̱ꞌe̱ nga jatjosón ni xi katsó nda̱ chji̱ni̱e̱ꞌe̱én Néná xi ꞌmí Isayaa̱, nga bi̱ katsó: «Kuí xí iskjíbé chiꞌinná, kó kijíjo̱ ngayeje xi so xi ndakjanná.»

Markoo̱ 1:35

Ngo ndi̱yà nga achichí ta̱jñó, nga jñóyà ngasee̱, jastjíe̱n Kjisoo̱, kó kijí ngo ngi̱ndie tꞌaxín nga kijíchji̱a̱a̱ Néná.

Rkaa̱ 22:44

Kó kjiꞌanga achichí nda̱ kamaá Kjisoo̱, ta̱sá má ꞌniú ngase tsíchji̱a̱a̱ Néná, kó ndándóboaá kitín xikó maá tsi jín xí tjítín nga̱són tꞌanangii̱.

Rkaa̱ 6:12

Kui ni̱xtjin jàn, Kjisoo̱ kijí ngo tji̱ngi̱ nga tsíchji̱a̱a̱ Néná, kó ki̱a̱ jaꞌaa̱ ngo ni̱xtji̱e̱n nga tsíchji̱a̱a̱ Néná.

Rkaa̱ 9:32

Ta̱nga Peé ko̱jo já xí nijan tjimájo̱, achichí je ńjñaá ta̱nga kisꞌiyojoféjín, kó kamábe kjo̱a̱jee̱ Kjisoo̱, ko̱jo nga jó já xí nijan tikónjo̱.

Juaa̱ 10:4

Kó ngije tsꞌaxié ngayeje cho̱tsa̱nga̱ xi tsi̱ꞌe̱, fí tjoón, kó cho̱tsa̱nga̱a̱ fítji̱ngii̱, ngatꞌa̱ jè be nda̱a̱,

Xota̱ Ngalasia̱ 2:20

Jè kꞌien an ngatꞌa̱ je akjatꞌajo̱na kro Kristoo̱, je ngiti̱ ánjín xi tikón ngase an, Kristoo̱ boá xi tikónjinna, kó bo̱a̱ tsꞌén tikón ngase an nga̱sondiee̱ ta̱ngatꞌanii̱ kjo̱a̱a̱ nga sꞌijinna ndií Néná, kui xi katsꞌéntjóna, ko̱jo katsjá yojoo̱ nga kiniꞌánkꞌién ta̱ngatꞌanii̱ an.

Xota̱ Éfeso̱ 5:14

Kuíni nga bi̱ tsꞌén tjítꞌa xo̱jo̱n eén Néná: Ti̱ꞌinkjeꞌée̱ yojòo̱, ji xi titsjafé ji, kó ti̱sítji̱n ji ngi̱jii̱n xota̱ xi je jesoón, tsi bo̱a̱ si̱ꞌin ji, Kristoo̱ xí sa̱ꞌíntsijeen.

Ni xi akakoo̱ 14:4

Kuí bí xota̱ xi katsꞌéndándíjín yojoo̱ tsi ínchjín kisꞌiee̱, ngatꞌa̱ síndo xo̱ngò boá. Kuí bí xi kijítji̱ngii̱ cho̱tsa̱nga̱a̱ ta̱ nínga kijí. Kuí bí xi ikꞌíchjítjé nga kaꞌnaxiéꞌá ngi̱jii̱n jáxíꞌín xi xikoó tsi ngo ni xi tjón xi kiniꞌánkꞌasꞌiee̱n Néná ko̱jo cho̱tsa̱nga̱a̱,

Ni xi akakoo̱ 3:20

Tsitsíjin, kꞌi̱e̱ tikòn an tꞌa nga̱ntjo̱a̱a̱ kó tsꞌénchji̱a̱ an, tsi tjín xí ku̱i̱ntꞌiè nda̱na, kó tsi skjíxꞌá nga̱ntjo̱a̱a̱, kꞌosꞌi̱e̱n an ndiꞌaa̱, kó an skjíni̱e̱jo an ṉño̱, kó kui skji̱ni̱e̱jona an.

Ni xi akakoo̱ 3:4

Ta̱nga ki̱a̱ Sarndii̱ tjiín chiboa xota̱ xi kji̱e̱ tsꞌéndándíjín ńjñoo̱, kuí boá kui xotaa̱ xi kjótsoꞌbájo̱na nga ko̱a̱ja̱ ńjño tiboaa̱, ngatꞌa̱ tsoboárií nga bo̱a̱ sa̱ꞌín.