Én xí nda xi ꞌniú tsjatsó ngasee̱ 5:16 - Xo̱jo̱n eén Néná

¹⁶ Achichí ixi tsꞌoa, achichí tsjá mána kui. ¡Bo̱a̱ kjíꞌí kui xota̱ xi tjóna an, jún ínchjín xi chji̱a̱ni na̱xi̱ńdáꞌniú Jerusalee̱n! ¡Bo̱a̱ kjíꞌí kui xota̱ xi mejénna an!

Én xí nda xi ꞌniú tsjatsó ngasee̱ 5:16 ပူးပေါင်းရင်းမြစ်များ

Xo̱jo̱n Salmoo̱ 119:103

Achichí kjo̱a̱kjíntakón boeꞌéní, nga ngaskande je kamáchꞌona kjo̱a̱ndisoo̱. ¡Ée̱n ixi ngase mana, ta̱bo̱a̱jiín ntsjieén!

Xo̱jo̱n Salmoo̱ 148:13

¡Ti̱ꞌantsjàjnúu̱ jaꞌeén Néná, ngatꞌa̱ ta̱kuítsí jaꞌeén xi jmíjín xi kjo̱chótji̱ngi! Kjo̱a̱botíxomaa̱ Néná nkꞌa ngase tikón ta̱bo̱a̱jiín nkꞌajmii̱ ko̱jo tꞌanangii̱.

Xo̱jo̱n Salmoo̱ 19:10

ꞌNiú ngase niꞌánmején ta̱bo̱a̱jiín to̱nsinieé, ta̱bo̱a̱jiín kjín to̱nsinié, kó ixi ngase ta̱bo̱a̱jiín ntsjieén, kui tín ntsjién xí fotjoo̱ ndo̱bo̱a̱a̱ cho̱ndo̱ꞌo̱sieèn.

Xo̱jo̱n Salmoo̱ 45:2

Jí boá ngo nda̱ xi ꞌniú tsjákjiꞌi ngase ngi̱jii̱n ndií xota̱ nga̱sondiee̱, achichí kjo̱a̱nda tjiín én xí ndokjo̱e̱ ji. Ngatsjéni̱xtjin nga tjítsꞌénchíkonñeé Néná.

Xo̱jo̱n Salmoo̱ 89:6

ngatꞌa̱, ꞌyání xi tjín ki̱a̱ nkꞌajmii̱ xi xikoó ji Ne. ꞌYá ne xi tjiín xi xikoó ji.

Én xí nda xi ꞌniú tsjatsó ngasee̱ 1:16

¡Achichí tsjákjiꞌi ji, xota̱ xi tjóna! ¡Achichí tsjá mána ni xi niꞌínje̱ní! Xka̱ xi sa̱si̱e̱e̱ boá xi ka̱ma ṉchan nínga tsjayójo,

Én xí nda xi ꞌniú tsjatsó ngasee̱ 1:2

¡Ai, xi̱ꞌin xi tsa̱ꞌa̱n, achichí mejénna nga ko̱ti̱ndseꞌéní katsaki! Tsja ma ngasena nga si̱ꞌindajìnní, to̱bo̱a̱jínnii̱ tsi bino̱ kꞌuí an.

Én xí nda xi ꞌniú tsjatsó ngasee̱ 1:5

¡Jún ínchjín xo̱ngo̱ò xí chji̱a̱ni na̱xi̱ńdáꞌniú Jerusalee̱n! Na̱ jmá boá an, kó tsjákjiꞌi an, na̱ jmá án, xikó maá ndiꞌańjño xi síndo nangi Kendaa̱r. Na̱ jmá án, xikó maá ńjño kortinaa̱ ndiꞌaa̱ re Salomoo̱.

Én xí nda xi ꞌniú tsjatsó ngasee̱ 2:1

Án boá xi xikoó ngo naxórsa̱ xi chji̱a̱ni nangi Saroo̱n, án boá xi xikoó ngo naxóndáfoa xi chji̱a̱ni nangi soón.

Én xí nda xi ꞌniú tsjatsó ngasee̱ 2:16

Án tsa̱ꞌa̱n xota̱ xi tjoò an, kó án, kuí chji̱a̱ni an kui, ki̱a̱ koo̱n cho̱tsa̱nga̱a̱ ki̱a̱ tꞌa nínga tjín naxóndáfoaa̱.

Én xí nda xi ꞌniú tsjatsó ngasee̱ 2:3

Xota̱ xi tjóna, ngi̱jii̱n i̱xti xo̱ngo̱ò, kuí boá xi xikoó ngo yá masana̱, ngi̱jii̱n yá xí ꞌbé ngi̱jin kꞌijñaá. ¡Achichí tsjá kjimana nga je ki̱a̱ kotíjña̱ngi an tji̱nkꞌi̱e̱én, tsi̱ꞌe̱ nga skjíni̱e̱ an to nda chinie xi yajaá!

Én xí nda xi ꞌniú tsjatsó ngasee̱ 4:3

Ndso̱ꞌbe ji iní, xikó maá ngo rixtó xi ꞌniú iní, kó achichí tsjá tsꞌén ndokjo̱e̱ ji. Kui tꞌanijin ji xi kjiꞌmani ńjñoxo̱ꞌba̱a̱, iní xikó maá to ngrananda̱ xi je tsakjanga.

Én xí nda xi ꞌniú tsjatsó ngasee̱ 6:3

Xota̱ xi tjoò an, kuí chji̱a̱ni an, kó án tsa̱ꞌa̱n kui, ki̱a̱ koo̱n cho̱tsa̱nga̱a̱, ki̱a̱ tꞌa naxóndáfoaa̱.

Én xí nda xi ꞌniú tsjatsó ngasee̱ 7:9

kó ngi̱yaa̱ ndso̱ꞌbe ji ngatama xikoó bino̱ xi ndaa̱, kui xi inda inda ꞌbi xota̱ xi tjóna, kui xi inda inda mongajon tsꞌoa ko̱jo ṉꞌni̱u̱.

Xota̱ Ngalasia̱ 2:20

Jè kꞌien an ngatꞌa̱ je akjatꞌajo̱na kro Kristoo̱, je ngiti̱ ánjín xi tikón ngase an, Kristoo̱ boá xi tikónjinna, kó bo̱a̱ tsꞌén tikón ngase an nga̱sondiee̱ ta̱ngatꞌanii̱ kjo̱a̱a̱ nga sꞌijinna ndií Néná, kui xi katsꞌéntjóna, ko̱jo katsjá yojoo̱ nga kiniꞌánkꞌién ta̱ngatꞌanii̱ an.

Xota̱ Filipo̱ 3:8

Kó kjénní nga xikoó tsi ngo ni xi je kichajá kjimana kui nii̱, nga ndse̱je̱n tsꞌén ꞌbijñá an xikó kjiꞌi ꞌniú nda ngase nga be an Kristo̱ Kjisoo̱, Ndi̱a̱na. Ta̱ngatꞌanii̱ Kristoo̱ nga je ijñámasien an ngayeje nii̱, kó xikónií tsi xtjié kjimána kui nii̱, tsi̱ꞌe̱ nga sa̱ꞌin an Kristoo̱,

Xo̱jo̱o̱n Sandiyaá 2:23

Kó bo̱a̱ tsꞌén jatjosón ni xi kjitꞌa xo̱jo̱n eén Néná nínga bi̱ tsoó: “Abraa̱n kisꞌijii̱n Néná, kó kui nii̱ xi katsꞌénchjínií Néná nga nda̱ xi kixi̱ kamá.” Kó Abraa̱n amingoo̱ Néná kiꞌmií.

Xo̱jo̱o̱n Sandiyaá 4:4

¡Jún xota̱ xi jmí tsi kixi̱ timatji̱ngijnú Néná! A yàjínjnú jún nga xota̱ xi ndyi̱tsꞌèntjó nii̱ kui nga̱sondiee̱, kondraa̱ Néná síndoni. Ta̱ꞌya xota̱ní xi mejeén nga amingoo̱ kui nga̱sondiee̱ ka̱ma, kondraa̱ Néná tjítsꞌén yojoo̱.