Én xí nda xi ꞌniú tsjatsó ngasee̱ 5:1 - Xo̱jo̱n eén Néná

¹ Jè jéꞌe̱ an ngi̱ndie nínga tjitji̱e̱na nii̱, ji ndí ndíchja, ji ndí chjo̱onna. Jè jaꞌatikó án mirraa̱ ko̱jo tosijee̱n, jè iskjíni̱e̱ an ntsjién xí ndyi̱a̱ ndo̱bo̱a̱ cho̱ndo̱ꞌo̱sieèn, jè katsꞌe an binoo̱, ko̱jo ntsjeén. ¡Yàjnú já amingo̱ xi tjóna, chi̱ni̱e̱jnú ko̱jo tꞌi̱o̱jnú ngaskande nga nda stsi̱e̱jnú!

Én xí nda xi ꞌniú tsjatsó ngasee̱ 5:1 ပူးပေါင်းရင်းမြစ်များ

Jenesii̱s 37:25

Kósꞌe̱ kui já ntsꞌi̱e̱ Kosiee̱ iskjinie ṉño̱. Kó kjiꞌá má kamábe nga ngo xtín xota̱ xi botiñá ni ndyi̱ndibá, xota̱ tji̱e̱e̱ Ismaee̱l boá xi kjindibáni nangi Ngalaa̱nd, kui jaá tjimájo̱ cho̱toꞌoyitsꞌe̱n xi ndyi̱yaꞌa ndásíje̱n xi nda ko̱jo xka̱ xi sije̱n xi ndyi̱fíjo̱ nangi Ejipto̱.

Xo̱jo̱n Salmoo̱ 147:11

Ni xi tsꞌénchjínií Néná, kuí boá nga xota̱ nga̱sondiee̱ ntꞌiéꞌeén, ko̱jo nga ma maꞌniátakón kjo̱a̱tjoó.

Xo̱jo̱n Salmoo̱ 16:3

Xota̱ tsjie ko̱jo xota̱ xi kixi̱ xi síndo nga̱sondiee̱, kuí boá xi tsjána kjo̱a̱tsja.

Énkjínkón 24:13

¡Ji ndí, chítꞌe ji ntsjieén, ngatꞌa̱ achichí nda! Kó achichí ixi ka̱maa̱ ndso̱ꞌbe ji.

Énkjínkón 9:5

ndibá chi̱ni̱e̱jnú ni chiniena, ndibá tꞌi̱o̱jnú bino̱ xi je tikónndana.

Eklesiastee̱ 2:5

katsꞌenda an ngi̱ndie nínga ꞌbítji̱e̱ ni tjié xi tsa̱ꞌa̱n, kó ki̱a̱ itji̱e̱ an ngayeje to̱ko̱ya yá xí tsjá to xi ma chinie.

Én xí nda xi ꞌniú tsjatsó ngasee̱ 1:13

Xota̱ xi tjóna an, xikó maá ndí stsa ndásíje̱n mirra̱ xi yaꞌa an ngi̱jin chikina kjimana kui,

Én xí nda xi ꞌniú tsjatsó ngasee̱ 4:16

¡Ji tjo̱ xi ndibánií nínga ta̱ꞌin, ti̱sítji̱n ji! ¡Ja̱bíꞌi̱n tjo̱ xi ndibánií nínga na̱ngi! ¡Tjatsièe̱ nga̱soón ngi̱ndie nínga tjitji̱e̱na naxoó, kó ngatjaꞌándá sije̱n sije̱n! ¡Ja̱bíꞌi̱n ji xota̱ xi tjóna, kó chítꞌe ji kui to xi nda chiniee̱!

Én xí nda xi ꞌniú tsjatsó ngasee̱ 4:8

¡Ndibéjáyéni ji na̱xi̱ Líbanoo̱! ¡Ja̱bíꞌi̱n na̱ xi mejénna an! ¡Ndibéjáyéni ji na̱xi̱ Líbanoo̱! Ndibéjáyéni ndeskande ki̱a̱ nga̱soón na̱xi̱ Amanaa̱, konginjáyá ñá, ndeskande ki̱a̱ nga̱soón na̱xi̱ Senii̱r ko̱jo na̱xi̱ Ermoo̱n, nínga síndo ti̱xa̱na̱xi̱ xi síndoyá xandi̱je̱e̱, ki̱a̱ na̱xi̱ nínga síndo xaꞌindoó.

Én xí nda xi ꞌniú tsjatsó ngasee̱ 6:11

Kijíjaya an nínga kjiꞌi yátjié xi tsjá to nuee̱s, tsi̱ꞌe̱ nga kijíkatsijèe̱n to xí tjín nangisoón, ko̱jo tsi̱ꞌe̱ nga skuie an tsi je kjiꞌbíńtsꞌién ńꞌniuú tostsi̱je̱è, ko̱jo tsi je tjitjó naxoó yángranandaa̱.

Én xí nda xi ꞌniú tsjatsó ngasee̱ 6:2

Xota̱ xi tjóna ki̱a̱ kijí nínga tjitjíe̱ xka̱ sije̱e̱n, ki̱a̱ kijítsꞌéntsjie ki̱a̱ nínga kjiꞌi naxoó, ko̱jo ki̱a̱ jachókatie naxóndáfoa.

Én xí nda xi ꞌniú tsjatsó ngasee̱ 8:1

¡Tsi jira xi ntsꞌié án má ji katsaki xi katsꞌénkí na̱an xi katsꞌénkína an nga! Kjiꞌanga sa̱kóna ji ndi̱tsén jàn, ka̱mara̱ tsjaa ngo ndsó, kó nde ngojín xi sa̱ꞌínchꞌóna.

Én xí nda xi ꞌniú tsjatsó ngasee̱ 8:13

Ji xi tindyin ji ki̱a̱ nínga tjitjíe̱ naxoó, xota̱ xi nda yaꞌaná ndyi̱ntꞌiè ndáa̱, ¡te̱ꞌéndièní nga kuintꞌièe̱!

Matioo̱ 25:40

Sꞌe̱ bi̱ ka̱tso̱o̱ kui nda̱ Ree̱ nga ku̱i̱chji̱a̱: «Ja̱koxi̱ ni xi xiánjnúꞌun nga ngayeje ni xi kiniꞌánjo̱jnú ngo nda̱ ntsꞌié án xi ꞌniú ni̱ma̱a̱, ja̱ án boá xi bo̱a̱ kiniꞌánjo̱jnúꞌun.»

Rkaa̱ 12:4

Ja̱ kuíni nga bi̱ xiánjnúꞌun já amingo̱, nga ngata̱ ndakonjínmájnú xi tsꞌenkꞌién yojoná, sꞌe̱ ngiti̱ jmí ni tsꞌénjín ngijee̱.

Juaa̱ 3:29

Kjiꞌanga ma ngo ndiꞌibixan, kuí nda̱ xi ku̱i̱xaa̱n xi tsi̱ꞌe̱ ka̱ma na̱ xi ku̱i̱xaa̱n, ta̱nga nda̱ amingoo̱ nda̱ xi ku̱i̱xaa̱n xi tikóntꞌaa̱ ntꞌieé, kó ꞌniú tsja maá ni xi tsó nda̱ xi ku̱i̱xaa̱n, bo̱a̱ tsꞌén nga je kjimando̱jo kjo̱a̱tsjana ngotꞌe̱.

Ni xi kamá 11:29

Kósꞌe̱ xota̱ xi je kisꞌijii̱n Kjisoo̱ xi chji̱a̱ni na̱xi̱ńdáꞌniú Antiokiya̱ bo̱a̱ katsó nga sa̱ngíyaá chji̱e̱ ntsꞌié xi síndo na̱xi̱ńdá Jundea̱, xikótsꞌèn kasakoo̱ nga ngo nga ngo nga tsja̱á kui chji̱e̱e̱,

Xota̱ Éfeso̱ 5:18

Ngata̱ niꞌánchꞌi̱jínjnú yojojnú, ngatꞌa̱ xaán xí tsꞌén nga niꞌán ta̱jmì niní, ta̱sá ngasꞌikitsienijnú A̱si̱énni̱xtjii̱n Néná,

Ni xi akakoo̱ 22:17

Kó A̱si̱énni̱xtjii̱n Néná, ko̱jo chjo̱ón cho̱tsa̱nga̱a̱, bi̱ tsó: –¡Ja̱bíꞌi̱n! Kó xi ku̱i̱ntꞌie̱é, bi̱ nga tsó: –¡Ja̱bíꞌi̱n! Kó xi xíndaá, ngatjandibá, kó xi mejeén, ta̱ ngatjeꞌekjaꞌá ndáfoaa̱ kjo̱a̱mindyioo̱n.