Én xí nda xi ꞌniú tsjatsó ngasee̱ 4:9 - Xo̱jo̱n eén Néná

⁹ Jè kiniꞌíntse̱ ji ini̱ma̱na, jí ndí ndíchja, jí ndí chjo̱onna. Jè kiniꞌíntse̱ ji ini̱ma̱na, ndeskande koó nga kitsitsijìnní, xikoó tsi ki̱a̱ ikꞌítsakjájinní ngi̱jii̱n toꞌixkíi̱.

Én xí nda xi ꞌniú tsjatsó ngasee̱ 4:9 ပူးပေါင်းရင်းမြစ်များ

Jenesii̱s 20:12

Kó nga ja̱koxi̱ ndichja án boá, ta̱nga katseꞌéndièna nga ixánjo̱ an, ngatꞌa̱ ndií na̱ꞌmina boá, ta̱nga kje̱ꞌe na̱an boá.

Jenesii̱s 41:42

Kósꞌe̱ jaskan nda̱ ree̱ jaꞌáxín sti̱ngaro xi tjiyaá tsja xi tsꞌénkjién nga beꞌeé xo̱jo̱n xi tsangiya, kó tsja Kosiee̱ íyaá. Sꞌe̱ katsjákjo̱a̱ nga katseꞌeé Kosiee̱ ńjño xi nda tsi̱ꞌe̱ nga ko̱a̱ja̱, kó ti̱ katsjaá ngo ni xi jmeyá kjásen xí to̱nsinié nga,

Xo̱jo̱n Salmoo̱ 45:9

Ngi̱jii̱n ínchjín xí ꞌniú tsjákón ngasee̱, ki̱a̱ síndojin ndí xí ínchjiín ree̱. Kó ki̱a̱ xtji̱e̱e̱n ndse̱ fojnií tikóntꞌa xi ka̱ma na̱ ree̱, xi yaꞌa ni to̱nsinié xi chji̱a̱ni na̱xi̱ńdáꞌniú Ofii̱r.

Énkjínkón 1:9

Ngatꞌa̱ kjo̱a̱bokoyaá xi xcháa̱, kuí boá xi xikónii̱ tsi ngo niꞌbíꞌátoko ka̱maa̱, ko̱jo tsi xikoó ngo ni xi jmeyá kjásen ji ka̱maa̱.

Énkjínkón 6:25

Ngata̱ tsꞌénmejénjín ini̱ma̱a̱ kjo̱a̱tsjakjiꞌii̱ kui chjo̱on, ti̱nde ngata̱ boeꞌéndièjín ji nga ta̱ngatꞌanii̱ xikótsꞌèn kotsijee̱n, nga tsja ka̱maa̱ kui.

Én xí nda xi ꞌniú tsjatsó ngasee̱ 1:10

¡Achichí tsjatsꞌèn ya tꞌanijin ji ki̱a̱ ngamasiee̱n tsja̱ni̱je̱e̱n! ¡Achichí tsjatsꞌèn ya kjásen ji nga yajáyaá ixkìꞌ!

Én xí nda xi ꞌniú tsjatsó ngasee̱ 1:15

¡Achichí tsjákjiꞌi ji, chjo̱on xí tsa̱ꞌa̱n, achichí tsjákjiꞌi ji! ¡Ndyikin ji bo̱a̱ má kón xikoó jó tójo!

Én xí nda xi ꞌniú tsjatsó ngasee̱ 3:11

¡Tja̱tjójnú ínchjín xí chji̱a̱ni na̱xi̱ńdáꞌniú Jerusalee̱n! ¡Ja̱bítsitsíjenjnúu̱ nda̱ re Salomoo̱! Tikón maá to̱ko̱ kui korona̱ xi katsꞌéndaa̱ na̱aa̱n ni̱xtjin nga ixán, ¡kui ni̱xtjin xi ꞌniú tsjá ngase kamaá nga kisꞌijña kui nga̱sondiee̱!

Én xí nda xi ꞌniú tsjatsó ngasee̱ 4:10

¡Achichí tsjatsꞌèn niꞌíndajìnní, jí ndí ndíchja, jí ndí chjo̱onna! ¡Ixi ngase niꞌínje̱ní, ta̱bo̱a̱jiín xikótsꞌèn ixi binoo̱, kó sije̱n ngase ji, ta̱bo̱a̱jiín ngayeje ndásíje̱n xi tjiín!

Én xí nda xi ꞌniú tsjatsó ngasee̱ 4:12

Jí boá xi xikoó ngo ngi̱ndie nínga tjitjíe̱ naxó, xi tjíchjáꞌyá, jí ndí ndíchja, jí ndí chjo̱onna. Jí boá xi xikoó ngo ndáńchꞌi̱ xi tjíchjáꞌyá, ¡jí boá xi xikoó ngo ndáńchꞌi̱ xi kji̱e̱ jmíjín xi tsꞌénjo̱!

Én xí nda xi ꞌniú tsjatsó ngasee̱ 6:12

Kó ngije kamákjínna, ini̱ma̱na ki̱a̱ kijíjo̱na, nínga tikón karroo̱ xota̱ xi tjóna an.

Én xí nda xi ꞌniú tsjatsó ngasee̱ 6:5

¡Ngiti̱ ánjín tsitsijìnní, ngatꞌa̱ ndyikin boá xi xikoó tsi tsꞌéntsobéna! Tsja̱taki ji bo̱a̱ má tsꞌén jmá, xikoó ngo xtín tindso̱ xi ndyi̱kjínkꞌatsja ki̱a̱ tji̱ngi̱i̱ na̱xi̱ Ngalaa̱nd.

Én xí nda xi ꞌniú tsjatsó ngasee̱ 7:10

Xota̱ xi tjóna kuí chji̱a̱ni an, kó achichí tsjá tsꞌénjo̱na.

Matioo̱ 12:50

Ngatꞌa̱ ngayeje xi sa̱ꞌínkjatjosón ni xi mejeén Na̱ꞌmina xi tikón ndiꞌakꞌajmi jàn, kuí xi̱ꞌba̱ xi ntsꞌié án, ko̱jo xi ndichja an, ko̱jo xi na̱ana.

Juaa̱ 3:29

Kjiꞌanga ma ngo ndiꞌibixan, kuí nda̱ xi ku̱i̱xaa̱n xi tsi̱ꞌe̱ ka̱ma na̱ xi ku̱i̱xaa̱n, ta̱nga nda̱ amingoo̱ nda̱ xi ku̱i̱xaa̱n xi tikóntꞌaa̱ ntꞌieé, kó ꞌniú tsja maá ni xi tsó nda̱ xi ku̱i̱xaa̱n, bo̱a̱ tsꞌén nga je kjimando̱jo kjo̱a̱tsjana ngotꞌe̱.

1 Xota̱ Korinto̱ 9:5

A jmíjínjne̱ kjo̱a̱nda nga kꞌuiéjne̱ chjo̱on xí sꞌijii̱n Néná, ko̱jo nga ka̱ma kongínjo̱jne̱ nínga ndyi̱mongínjne̱, xikó ndyi̱tsꞌèn já apostro̱ xi ngasee̱, ko̱jo já ntsꞌi̱e̱ Ndi̱a̱ná, ko̱jo Peé.

2 Xota̱ Korinto̱ 11:2

Ngatꞌa̱ kui kjo̱a̱chi̱ni̱ xi tjínna kjo̱a̱a̱ jún, Néná xí katsangiya. Ngatꞌa̱ an jè xikoó tsi katsjáa̱ jún, nga ta̱ ngo tsí xi̱ꞌin xi ku̱i̱xanjo̱jnú, kó kui xi̱ꞌii̱n kuí xí Kristoo̱. Mejénna nga xikoó ngo tsa̱kjìn xo̱ngò xí kji̱e̱ jmí xi̱ꞌin ꞌbéjiín, nga bo̱a̱ tsꞌén sa̱ꞌinkꞌasꞌienjnúꞌun.

Ni xi akakoo̱ 21:2

Kó kamábe an na̱xi̱ńdáꞌniú tsjiee̱, na̱xi̱ńdáꞌniú Jerusale̱n tja̱tsi̱e̱e̱, xi tsꞌénfotjajenni ndiꞌakꞌajmii̱ ngindyi̱ko̱n Néná, nga je tikónnda nga kiniꞌánchoo̱n xikó maá ngo na̱ xi ku̱i̱xan nga je tikónnda nga ku̱i̱xanjo̱ xi̱ꞌii̱n.