Én xí nda xi ꞌniú tsjatsó ngasee̱ 4:6 - Xo̱jo̱n eén Néná

⁶ Ngaskande nga si̱si̱eén, kó ngaskande nga ko̱e̱je̱ tji̱nkꞌi̱e̱én jñoó, mejénna kjuín án ki̱a̱ na̱xi̱ nínga tjín nisijee̱n, mejénna kjuín án ki̱a̱ tji̱ngi̱ nínga tjín ndásíjee̱n.

Én xí nda xi ꞌniú tsjatsó ngasee̱ 4:6 ပူးပေါင်းရင်းမြစ်များ

Xo̱jo̱n Salmoo̱ 66:15

Cho̱yojo toro̱ xi ꞌniú yiꞌii̱ boá xi kjóchojo̱ an nga sa̱ꞌinkꞌasꞌiee̱n kjo̱a̱tjó, ko̱jo cho̱tsa̱nga̱ xi jaꞌatji ndi̱ja̱a̱ nijan kꞌuítií, sa̱ꞌinkjiesoón cho̱yojo xi̱ꞌin, ko̱jo tindso̱ xi̱ꞌin nga.

Éksondo̱ 20:24

»Kjiꞌanga si̱ꞌandajnú ngo ṉchandikón tsi̱ꞌe̱ nga an si̱ꞌandikónjnúꞌun, ńdie ti̱ꞌandajo̱jnú, kó ki̱a̱ ti̱ꞌankꞌiènjnú cho̱tsa̱nga̱ ko̱jo cho̱yojo xi̱ꞌin xi si̱ꞌankꞌasꞌienjnúꞌun. Ki̱a̱ tꞌíjñájnú nga̱soón kui ṉchaa̱n kui kjo̱a̱tjó xi si̱ꞌankꞌasꞌienjnú kjo̱a̱a̱ jeé xota̱ na̱xi̱ńdaá, ko̱jo kui kjo̱a̱tjó xi bokó nga mejénjnú nga kꞌuiéná kjo̱a̱xió jún ko̱jo an, ko̱jo jún ko̱jo xota̱ xi ngasee̱. An kji̱ndi̱bá an ngo ngi̱ndie xi kjoaꞌajin an tsi̱ꞌe̱ nga kjo̱a̱ꞌátsjienjnú an, kó án boá xi sa̱ꞌin an nga nda ka̱ma ngayeje ni xi si̱ꞌánjnú.

Éksondo̱ 30:8

Kó ti̱ bo̱a̱ ti̱ sa̱ꞌín nga kamángixoón, kjiꞌanga ku̱i̱ꞌítí ndiꞌí xí tsꞌentsíjee̱n. Kꞌi̱e̱ ku̱i̱ꞌítsꞌi̱yani kꞌi̱e̱e̱ nga ngatsjéni̱xtjin nga si̱ꞌan kui nii̱.

Éksondo̱ 37:29

Besalee̱l katsꞌénda isti̱ xi nanginjon xota̱ xi boeꞌéxaá ko̱jo nisije̱n xi kuí soboá soboaá. Kó bo̱a̱ tsꞌén katsꞌénda, xikótsꞌèn niꞌánda ndásíje̱n xi ꞌniú ndaa̱. Ngayeje kui nii̱ kamánda xi kótsꞌèn Néná atíxomaa̱ Moisee̱ nga ka̱manda.

Én xí nda xi ꞌniú tsjatsó ngasee̱ 2:17

Ndibéchin nginí ji xota̱ xi tjóna, tji̱e̱nga tsꞌéndibá tji̱nkꞌi̱e̱én, ko̱jo nga jè mejeén kjimajñoó. ¡Ti̱yi jí xikoó ngo ndi̱kꞌijñá xí mongajin tji̱ngi̱ Betee̱r!

Én xí nda xi ꞌniú tsjatsó ngasee̱ 3:6

Mí ni bo̱a̱ xi tsꞌéndibá ki̱a̱ nangi kixií xi ja̱kjiꞌi ngo yásé ṉdi̱ má kjiꞌi, xi kjifoaꞌándá sije̱n sije̱n xikoó mirraa̱, xikoó nisijee̱n, ko̱jo xikoó kjín to̱ko̱ya ndásíje̱n.

Én xí nda xi ꞌniú tsjatsó ngasee̱ 4:14

narndo̱ ko̱jo asafraa̱n, ko̱jo nde̱je sije̱n, ko̱jo tji̱bo̱a̱kanera̱, xikoó ngayeje yá xí tjiín nisijee̱n, mirra̱ ko̱jo aloe̱, ko̱jo ngayeje xka̱ sije̱n xi nda ngasee̱ nga.

Én xí nda xi ꞌniú tsjatsó ngasee̱ 8:14

¡Tsáyè ji, xota̱ xi tjóna an! ¡Ti̱yi jí xikoó ngo ndi̱kꞌijñá! ¡Ti̱yi jí xikoó ngo ndí chjo̱ón ngo ndi̱kꞌijñá, ki̱a̱ nga̱són na̱xi̱ nínga tjín xka̱ sije̱e̱n!

Rkaa̱ 1:78

Ngatꞌa̱ Néná kamáni̱ma̱a̱ ñá, nga kui xi jeꞌekónná ndeskande nkꞌa jàn,

2 Xo̱jo̱o̱n Peé 1:19

Kó bo̱a̱ tsꞌén nga jatjo kixi̱ én xí tsíchji̱a̱ já chji̱ni̱e̱ꞌe̱én Néná. Nda ndyi̱niꞌánjnú tsi ndyi̱bosiénnijonjnúu̱ kui eén, ngatꞌa̱ kuí boá xi kjima xikoó ngo ndiꞌí xí tsꞌentsíjen nga jñoó, ngaskande nga sisi̱én nga kamángindyiojón, kó ńño tsiee̱ kjo̱tjo tsi̱ꞌe̱ nga sa̱ꞌíntsijee̱n ini̱ma̱jnú.

1 Xo̱jo̱o̱n Juaa̱ 2:8

Ta̱nga tikónrií ngo ni xi tja̱tsi̱e̱ kui kjo̱a̱botíxoma xi tjítsꞌenꞌindójnúꞌun, ngatꞌa̱ xikó katsꞌén Kristoo̱ ko̱jo xikótsꞌèn tindyiónjnú jún tjiyá nga ja̱koxi̱ boá kui kjo̱a̱botíxomaa̱. Kjo̱a̱jñoó ni xi ndajín niꞌaán, je tjichájá, kó je tjítsꞌéntsíjen ndiꞌí xí ja̱koxi̱i̱.

Ni xi akakoo̱ 22:16

–An, Kjisoo̱, katsangiya an ndítsjiena tsi̱ꞌe̱ nga ka̱tso̱yaa̱ ngayeje kui nii̱ ngayeje xota̱ na̱ngo̱xi̱i̱. Án boá xi ja̱ma̱a̱ ko̱jo xi xota̱ tji̱e̱e̱ Ndabii̱, án boá xi ńño ꞌna̱ xi ꞌbíjñá nga ndibáꞌásie̱én.

Ni xi akakoo̱ 5:8

Kó ngije iskjíbé kui chꞌo̱ xo̱jo̱o̱n, nga nijón kui xi síndoo̱, ko̱jo nga kan nijón kui xota̱ xi xchaá, asiéntikoó kje̱n cho̱tsa̱nga̱a̱, kó ngayejee̱ nga ndyi̱yaꞌa ngo arpa̱, kó ndyi̱yaꞌa chi̱tsen xí to̱nsinié xi tjiín nisije̱n xi niꞌánkjién nga niꞌándikón Néná, kó kuí boá xi bokó nga xota̱ na̱xi̱ńdá tsjiee̱ Néná, ndyi̱chji̱a̱a̱ Néná.