Én xí nda xi ꞌniú tsjatsó ngasee̱ 4:4 - Xo̱jo̱n eén Néná

⁴ Kjásen ji bo̱a̱ má kjiꞌi xikoó tarié xi katsꞌénda nda̱ re Ndabii̱, kui xi ata̱ tsjákón ndi̱jo̱ xi kiniꞌánchonnii̱ nga kamánda, kó achichí kjín mi̱ ni xi ꞌbíchjaá ni xi ndajín kjiyojotꞌaa̱, xi tsi̱ꞌe̱ xota̱ chꞌokon xi fíkján kjo̱a̱xcha̱án.

Én xí nda xi ꞌniú tsjatsó ngasee̱ 4:4 ပူးပေါင်းရင်းမြစ်များ

Xo̱jo̱n Salmoo̱ 144:12

Te̱ꞌéndiè ji nga nda ka̱maxchá xo̱ngò ndíjne̱, ꞌniú ngatama, kó nda ngatꞌíndo, xikó maá xka̱ xi ꞌbé ngo ngi̱ndie nínga ꞌbítji̱e̱ ni. Te̱ꞌéndiè ji nga ndí xi ínchjínjne̱ tsjakon ngatama, xikó maá yáseé ngo ndo̱bo̱a̱xa̱á.

Én xí nda xi ꞌniú tsjatsó ngasee̱ 1:10

¡Achichí tsjatsꞌèn ya tꞌanijin ji ki̱a̱ ngamasiee̱n tsja̱ni̱je̱e̱n! ¡Achichí tsjatsꞌèn ya kjásen ji nga yajáyaá ixkìꞌ!

Én xí nda xi ꞌniú tsjatsó ngasee̱ 7:4

Kjásen ji, ja̱kjiꞌi tarié xi ndi̱ja̱a̱ ki̱ña̱ má kamándani kjiꞌi. Ndyikin ji ja̱kon ndáńchꞌi̱ xi tjín nangi Esboo̱n má kón, xi síndotꞌa nga̱ntjo̱a̱a̱ na̱xi̱ńdáꞌniú Baa̱t-Rabii̱n. Ńtjen ji, ja̱kjiꞌi tarieé nangi Líbanoo̱ má kjiꞌi, kui xi tsꞌénkotsijen xtji̱e̱e̱n na̱xi̱ńdáꞌniú Ndamasko̱.

Én xí nda xi ꞌniú tsjatsó ngasee̱ 7:5

Taki ji, ja̱kjiꞌi na̱xi̱ Karmeloo̱ má kjiꞌi, kó tsja̱taki ji, ja̱kon ńchjón koán xi tjiín ńjño xi bótꞌa nga̱xto̱n nda̱ ree̱ má kón, ¡achichí tsjá kamaá nda̱ ree̱ nga kamábe tsja̱ni̱je̱e̱n!

Én xí nda xi ꞌniú tsjatsó ngasee̱ 8:10

¡Án boá xi xikoó ngo xó, kó chikina, kuí boá xi xikoó jó tarié! ¡Kuíni nga ngindyi̱ko̱n xota̱ xi tjóna an, án boá xi kasakona kjo̱a̱xioó!

Xota̱ Kolosa̱ 2:19

Jmí tsi ki̱a̱ ndyi̱fítji̱ngi kui xi tikóntjoón na̱ngo̱xi̱i̱, kui na̱ngo̱xi̱ xi yojoo̱ Kristoo̱. Kristoo̱ kuí boá xi tjitsꞌénngo kui yojoo̱, kó tsꞌéntsjángaꞌniuú nga kjiꞌiꞌniuú ngayeje to̱ko̱ya ni xi yaꞌajo̱ni, kó kjimaxchá kui yojoo̱ xikótsꞌèn mejeén Néná nga ka̱maxchá.

1 Xo̱jo̱o̱n Peé 1:5

Ngaꞌniuú tjítsꞌénkjién nga tsꞌénkoón jún, ta̱ngatꞌanii̱ nga sꞌijinjnú, tsi̱ꞌe̱ nga Néná kꞌo̱xiéꞌá kjin kjin xota̱ xi tsi̱ꞌe̱ xikótsꞌèn je tikónndaa̱ ni̱xtjin xi kjifetꞌaa̱.