Én xí nda xi ꞌniú tsjatsó ngasee̱ 4:10 - Xo̱jo̱n eén Néná

¹⁰ ¡Achichí tsjatsꞌèn niꞌíndajìnní, jí ndí ndíchja, jí ndí chjo̱onna! ¡Ixi ngase niꞌínje̱ní, ta̱bo̱a̱jiín xikótsꞌèn ixi binoo̱, kó sije̱n ngase ji, ta̱bo̱a̱jiín ngayeje ndásíje̱n xi tjiín!

Én xí nda xi ꞌniú tsjatsó ngasee̱ 4:10 ပူးပေါင်းရင်းမြစ်များ

Én xí nda xi ꞌniú tsjatsó ngasee̱ 1:12

Tji̱e̱nga ree̱ ki̱a̱ tjítsꞌénkjaꞌyátꞌa ki̱a̱ yámíxa̱a̱, ata̱ tsjatsꞌèn kjifoaꞌándá ndásíje̱nna.

Én xí nda xi ꞌniú tsjatsó ngasee̱ 3:6

Mí ni bo̱a̱ xi tsꞌéndibá ki̱a̱ nangi kixií xi ja̱kjiꞌi ngo yásé ṉdi̱ má kjiꞌi, xi kjifoaꞌándá sije̱n sije̱n xikoó mirraa̱, xikoó nisijee̱n, ko̱jo xikoó kjín to̱ko̱ya ndásíje̱n.

Én xí nda xi ꞌniú tsjatsó ngasee̱ 4:9

Jè kiniꞌíntse̱ ji ini̱ma̱na, jí ndí ndíchja, jí ndí chjo̱onna. Jè kiniꞌíntse̱ ji ini̱ma̱na, ndeskande koó nga kitsitsijìnní, xikoó tsi ki̱a̱ ikꞌítsakjájinní ngi̱jii̱n toꞌixkíi̱.

Én xí nda xi ꞌniú tsjatsó ngasee̱ 5:5

Jastjíe̱n an tsi̱ꞌe̱ nga skjíxꞌáa̱ xota̱ xi tjóna, ¡kó xtín ndsa̱ án kitín má ndásíje̱n mirraa̱, kó ki̱a̱ kitínsón ki̱cha̱ xi ꞌbíchjánii̱ nga̱ntjo̱a̱a̱!

Én xí nda xi ꞌniú tsjatsó ngasee̱ 7:6

¡Achichí tsjákjiꞌi ji, kó achichí ixi ndokjo̱e̱ ji! ¡Achichí tsjákjiꞌi nga tsꞌéntjó xkjín xotaa̱!

Xota̱ Ngalasia̱ 5:22

Ta̱nga ni xi ꞌbítji̱e̱jinná A̱si̱énni̱xtjii̱n Néná, kuí ni xi̱ꞌbi̱: kjo̱a̱tjó, ko̱jo kjo̱a̱tsja, ko̱jo kjo̱a̱xió, ko̱jo kjo̱a̱jekon, ko̱jo kjo̱a̱ni̱ma̱takón, ko̱jo kjo̱a̱ndaxota̱, ko̱jo kjo̱a̱sꞌijin,

Xota̱ Filipo̱ 4:18

Ngayeje ni xi kanangiyajnúꞌun je kiniꞌánkꞌasꞌienna, kó ngaskande tsꞌatio tjínna ngotꞌe̱. Epafronditoo̱ katsꞌénkꞌasꞌienna ni xi kanangiyajnúꞌun, kó kui nii̱ xi katsꞌéndo̱jò ni xi kamáchjiénna. Kuí nii̱ xi xikoó ngo kjo̱a̱nda xi tjiín nisije̱n, ngo kjo̱a̱tjó xi tsja maa̱ Néná nga kjíbé.

Ni xi akakoo̱ 5:8

Kó ngije iskjíbé kui chꞌo̱ xo̱jo̱o̱n, nga nijón kui xi síndoo̱, ko̱jo nga kan nijón kui xota̱ xi xchaá, asiéntikoó kje̱n cho̱tsa̱nga̱a̱, kó ngayejee̱ nga ndyi̱yaꞌa ngo arpa̱, kó ndyi̱yaꞌa chi̱tsen xí to̱nsinié xi tjiín nisije̱n xi niꞌánkjién nga niꞌándikón Néná, kó kuí boá xi bokó nga xota̱ na̱xi̱ńdá tsjiee̱ Néná, ndyi̱chji̱a̱a̱ Néná.