Én xí nda xi ꞌniú tsjatsó ngasee̱ 3:6 - Xo̱jo̱n eén Néná

⁶ Mí ni bo̱a̱ xi tsꞌéndibá ki̱a̱ nangi kixií xi ja̱kjiꞌi ngo yásé ṉdi̱ má kjiꞌi, xi kjifoaꞌándá sije̱n sije̱n xikoó mirraa̱, xikoó nisijee̱n, ko̱jo xikoó kjín to̱ko̱ya ndásíje̱n.

Én xí nda xi ꞌniú tsjatsó ngasee̱ 3:6 ပူးပေါင်းရင်းမြစ်များ

Éksondo̱ 30:34

Kó Néná bi̱ katsó ngasee̱ Moisee̱: «Kui nisije̱n xi kꞌuití nganda tsa̱ꞌa̱n, chjiéngá kui soboá soboá ngatama, kó ta̱ án tsí xi kꞌuitína. Kjiꞌanga si̱ꞌinde ji chjiéngá nisije̱n xi kui soboá soboá ko̱jo kje̱ꞌe xka̱ xi sije̱n ngase xi si̱ꞌinkjìn jí. Kui ndásíjee̱n chjiéngá nda si̱ꞌankꞌájin ngayeje ni xi ku̱i̱ndyiaa̱, kó ti̱ kuii̱ chi̱bo̱a̱ nga ngo nga ngo ni xi ku̱i̱ndyiaa̱. Kó chjiéngá nda sꞌió ngayeje kui nii̱. Ngije kamánda kui ndásíjee̱n, tꞌen ji ndiꞌandikoón, kó chjábé jí chiboa kui nisijee̱n, kó ki̱a̱ tꞌíjñí ji kje̱n nínga tikón koxa̱a̱ kjo̱a̱ꞌbíndaa̱. Kui nisijee̱n ꞌniú ndikón ka̱ma, kó ta̱ tsa̱ꞌa̱n tsí bo̱a̱, kó chjiéngá bo̱a̱ tsꞌén ka̱manda. Ka̱májín ngo xota̱ xi sa̱ꞌínda ingo nisije̱n xi ti̱ bo̱a̱ ti̱ tsꞌén kamánda xi kje̱ꞌe tsꞌén sa̱ꞌínkjién.

Énkjínkón 7:17

Ṉchanna achichí sije̱n katsꞌen an, nga indyiáa̱ ndásíje̱n mirra̱, ko̱jo aloe̱, ko̱jo tji̱bo̱a̱kanera̱.

Én xí nda xi ꞌniú tsjatsó ngasee̱ 1:13

Xota̱ xi tjóna an, xikó maá ndí stsa ndásíje̱n mirra̱ xi yaꞌa an ngi̱jin chikina kjimana kui,

Én xí nda xi ꞌniú tsjatsó ngasee̱ 1:3

Achichí sije̱n mana ji, xikó má je̱n ndásíjèe̱n, ngatꞌa̱ jaꞌée̱n, xikónií tsi ngo ¡ndásíje̱n xi katjon! ¡Kuíni nga ínchjín xo̱ngo̱ò, achichí mejeén ji!

Én xí nda xi ꞌniú tsjatsó ngasee̱ 3:7

¡Ṉchaa̱n nda̱ re Salomoo̱ boá! Kó ichítié ko̱jo tie jáchꞌokón ndyi̱koo̱n, ¡Kuí boá jájún xi chꞌokon ngase xi chji̱a̱ni Israee̱l!

Én xí nda xi ꞌniú tsjatsó ngasee̱ 4:6

Ngaskande nga si̱si̱eén, kó ngaskande nga ko̱e̱je̱ tji̱nkꞌi̱e̱én jñoó, mejénna kjuín án ki̱a̱ na̱xi̱ nínga tjín nisijee̱n, mejénna kjuín án ki̱a̱ tji̱ngi̱ nínga tjín ndásíjee̱n.

Én xí nda xi ꞌniú tsjatsó ngasee̱ 5:13

Tꞌanijon ja̱kon nínga ꞌbítji̱e̱ ni tjié má kón, nínga kjiꞌi xka̱ sije̱n, ko̱jo naxó sije̱n, tsꞌoa ja̱kon naxóndáfoa má kón xi fotjoo̱ tsie ndásíje̱n mirra̱.

Én xí nda xi ꞌniú tsjatsó ngasee̱ 5:5

Jastjíe̱n an tsi̱ꞌe̱ nga skjíxꞌáa̱ xota̱ xi tjóna, ¡kó xtín ndsa̱ án kitín má ndásíje̱n mirraa̱, kó ki̱a̱ kitínsón ki̱cha̱ xi ꞌbíchjánii̱ nga̱ntjo̱a̱a̱!

Én xí nda xi ꞌniú tsjatsó ngasee̱ 8:5

ꞌYá kuií bo̱a̱ xi̱ꞌbi̱ xi tsꞌéndibá xtji̱e̱e̱n nangi kixií, xi tjiaa̱ xota̱ xi tjoó kjitꞌaa̱ to̱ko̱. Ngindiee̱ ngo yámásana̱ katsꞌenkjaꞌaá jí. Ki̱a̱ boá nínga kisꞌiee̱ tsi̱ndi̱o̱ na̱áa̱n, ki̱a̱ boá nínga kisꞌiee̱ tsi̱ndi̱o̱ xota̱chjo̱on xí yeꞌeé.

Matioo̱ 2:11

Kó nga tsꞌasꞌien ngi̱yaa̱, kamábe ndí ndií ko̱jo na̱ Riya̱ na̱aa̱n ndií, kó asiéntikoó kui jaá, kó katsꞌéndikón, kó iskjíxꞌá koxa̱a̱, kó tsꞌaxié ni xi ndyi̱yaꞌaa̱ ndií: Ngo xi yaꞌaa̱ to̱nsinié, ngo xi yaꞌaa̱ nisije̱n xi niꞌánkjién nga niꞌándikón Néná, ko̱jo ngo xi yaꞌaa̱ ndásíje̱n chjí xí ꞌmí mirra̱.

Ndeuteronomio̱ 8:2

»Ngata̱chiíjín niꞌánchíyájnú xikó kamájnú ndeskande nga jatjonijnú nangi Ejipto̱, ngaskande nga jéꞌe̱jnú kui ngi̱ndiee̱. Kui xi yichán noó, Néna boá xi katsꞌén nga ikitjatiójnú kjo̱a̱ni̱ma̱, tsi̱ꞌe̱ nga sku̱i̱e̱ tsi kixi̱jnú ko̱jo tsi mejénjnú ko̱nda̱ꞌyáꞌénjnúu̱.

Xota̱ Filipo̱ 4:18

Ngayeje ni xi kanangiyajnúꞌun je kiniꞌánkꞌasꞌienna, kó ngaskande tsꞌatio tjínna ngotꞌe̱. Epafronditoo̱ katsꞌénkꞌasꞌienna ni xi kanangiyajnúꞌun, kó kui nii̱ xi katsꞌéndo̱jò ni xi kamáchjiénna. Kuí nii̱ xi xikoó ngo kjo̱a̱nda xi tjiín nisije̱n, ngo kjo̱a̱tjó xi tsja maa̱ Néná nga kjíbé.

Ni xi akakoo̱ 12:14

Kó kui naa̱ jó nga̱a̱ ja̱ xi ta̱nisién yiꞌi katseꞌeé, tsi̱ꞌe̱ nga kjo̱tji̱e̱n kje̱n kui ye̱e̱, nga ko̱e̱je̱ nínga tikón ngi̱ndiee̱ kui naa̱ ki̱a̱ nangi kixií, nínga ko̱e̱ꞌeé ni xi skji̱ni̱e̱ ján nó masien.

Ni xi akakoo̱ 12:6

Kó kui naa̱ tsanga nínga tikón nangi kixií, nínga Néná íjñandaa̱ ngo ngi̱ndie tsi̱ꞌe̱ nga ki̱a̱ ko̱e̱ꞌeé ni xi skji̱ni̱e̱ ngo mi̱ jó úchán ichítié ko̱jo tie ni̱xtjin.

Ni xi akakoo̱ 18:13

ko̱jo tji̱bo̱a̱kanera̱, ko̱jo tosije̱n, ko̱jo nisije̱n xi niꞌánkjién nga niꞌándikón Néná, ko̱jo ndásíje̱n chjí xi ꞌmí mirra̱, ko̱jo ndásíje̱n xi kje̱ꞌe, ko̱jo bino̱, ko̱jo isti̱, ko̱jo ndso̱ko̱a̱n ṉño̱ xi kixꞌi, ko̱jo to ndso̱ko̱a̱n ṉño̱pan, ko̱jo cho̱ xi ꞌbiñájanjo̱ chꞌià, ko̱jo cho̱tsa̱nga̱, ko̱jo ndi̱je̱, ko̱jo karro̱, ko̱jo ngaskande moso̱ xi stiñá, ko̱jo ini̱ma̱a̱ xota̱.

Ni xi akakoo̱ 5:8

Kó ngije iskjíbé kui chꞌo̱ xo̱jo̱o̱n, nga nijón kui xi síndoo̱, ko̱jo nga kan nijón kui xota̱ xi xchaá, asiéntikoó kje̱n cho̱tsa̱nga̱a̱, kó ngayejee̱ nga ndyi̱yaꞌa ngo arpa̱, kó ndyi̱yaꞌa chi̱tsen xí to̱nsinié xi tjiín nisije̱n xi niꞌánkjién nga niꞌándikón Néná, kó kuí boá xi bokó nga xota̱ na̱xi̱ńdá tsjiee̱ Néná, ndyi̱chji̱a̱a̱ Néná.