Én xí nda xi ꞌniú tsjatsó ngasee̱ 2:8 - Xo̱jo̱n eén Néná

⁸ ¡Jè tsꞌéntꞌièe̱ nda̱a̱ xota̱ xi tjóna! ¡Tsitsíjenjnúu̱, jè tsꞌéndibá! ¡Jè tsꞌénkjínkꞌá ki̱a̱ ngi̱jin tji̱ngi̱i̱, jè tsꞌénkjínkꞌá ki̱a̱ ngi̱jin na̱xi̱i̱!

Én xí nda xi ꞌniú tsjatsó ngasee̱ 2:8 ပူးပေါင်းရင်းမြစ်များ

Én xí nda xi ꞌniú tsjatsó ngasee̱ 2:17

Ndibéchin nginí ji xota̱ xi tjóna, tji̱e̱nga tsꞌéndibá tji̱nkꞌi̱e̱én, ko̱jo nga jè mejeén kjimajñoó. ¡Ti̱yi jí xikoó ngo ndi̱kꞌijñá xí mongajin tji̱ngi̱ Betee̱r!

Én xí nda xi ꞌniú tsjatsó ngasee̱ 4:16

¡Ji tjo̱ xi ndibánií nínga ta̱ꞌin, ti̱sítji̱n ji! ¡Ja̱bíꞌi̱n tjo̱ xi ndibánií nínga na̱ngi! ¡Tjatsièe̱ nga̱soón ngi̱ndie nínga tjitji̱e̱na naxoó, kó ngatjaꞌándá sije̱n sije̱n! ¡Ja̱bíꞌi̱n ji xota̱ xi tjóna, kó chítꞌe ji kui to xi nda chiniee̱!

Én xí nda xi ꞌniú tsjatsó ngasee̱ 5:2

Jè kjiꞌifé an katsaki, ta̱nga tikón ini̱ma̱na, kó tsintꞌie an ngo nda̱. Nda̱a̱ xota̱ xi tjóna boá, kó bi̱ katsó nga tsíchji̱a̱ nga̱ntjo̱a̱a̱: «Chjéxꞌéní ji ndí ndíchja, ji ndí chjo̱onna, ji ndí tójo tsjakjiꞌina, na̱ xi jmíjiín ngo chi̱bo̱a̱ xi ndajín. Ngatꞌa̱ tokó án jè tjikítsie maá xoño, ¡kó tsja̱tokó án je tsꞌandyi̱ni stsé xí kjiboaꞌa nga jñoó!»

Rkaa̱ 6:23

Tsja ngatamajnú kui ni̱xtjin jàn, kó tsjangatꞌiéjnú, ngatꞌa̱ ta̱nisién je ni xi sa̱kójnú ndiꞌakꞌajmi jàn, ngatꞌa̱ bo̱a̱ ti̱ tsꞌén xota̱ xi xchaá kui xotaa̱, bo̱a̱ katsꞌénjo̱ já chji̱ni̱e̱ꞌe̱én Néná.

Juaa̱ 10:27

Cho̱tsa̱nga̱na ntꞌiérií nda̱na, kó be án kuí, kó fítji̱ngina,

Juaa̱ 3:29

Kjiꞌanga ma ngo ndiꞌibixan, kuí nda̱ xi ku̱i̱xaa̱n xi tsi̱ꞌe̱ ka̱ma na̱ xi ku̱i̱xaa̱n, ta̱nga nda̱ amingoo̱ nda̱ xi ku̱i̱xaa̱n xi tikóntꞌaa̱ ntꞌieé, kó ꞌniú tsja maá ni xi tsó nda̱ xi ku̱i̱xaa̱n, bo̱a̱ tsꞌén nga je kjimando̱jo kjo̱a̱tsjana ngotꞌe̱.

Ni xi kamá 14:10

kó Pabloo̱ ꞌniú tsíchji̱a̱jo kui nda̱a̱, nga bi̱ katsoó: –¡Ti̱sítji̱n, kó tꞌíjñí na̱xo̱ ndsa̱ki! Kó kui nda̱a̱ ta̱niján ma iskjínkꞌá, kó kasasienkixi̱, sꞌe̱ kamá kistsoꞌbá.

Ni xi kamá 3:8

kó nda̱ ni̱ma̱ see̱ iskjínkꞌá má nga kasasienkixi̱, kó tji̱e̱nmá kistsoꞌbá, sꞌe̱ tsꞌasꞌienjo̱ Peé ko̱jo Juaa̱ ngi̱ya na̱ngo̱xi̱i̱, kistsoꞌbá kó iskjínkꞌá iskjítsiña nga katsꞌéntsjaà Néná.

Ni xi akakoo̱ 3:20

Tsitsíjin, kꞌi̱e̱ tikòn an tꞌa nga̱ntjo̱a̱a̱ kó tsꞌénchji̱a̱ an, tsi tjín xí ku̱i̱ntꞌiè nda̱na, kó tsi skjíxꞌá nga̱ntjo̱a̱a̱, kꞌosꞌi̱e̱n an ndiꞌaa̱, kó an skjíni̱e̱jo an ṉño̱, kó kui skji̱ni̱e̱jona an.