Én xí nda xi ꞌniú tsjatsó ngasee̱ 1:7 - Xo̱jo̱n eén Néná

⁷ Tꞌíyéní jí, ji xi ngayejení ini̱ma̱na nga tjóna, ñání ꞌmije̱ ji nga fíkjién xtín cho̱tsa̱nga̱ xi tse̱. Kó nga ma ndisꞌueé, ñání tsꞌénkjaꞌyá. Chjiénjín nga kjótsoꞌbásón an, nga ki̱a̱ kongasee ngi̱jii̱n xtín cho̱tsa̱nga̱a̱ amingo̱o̱.

Én xí nda xi ꞌniú tsjatsó ngasee̱ 1:7 ပူးပေါင်းရင်းမြစ်များ

Jenesii̱s 37:16

Kó bi̱ katsó Kosiee̱: —Já ntsꞌié án tsꞌénmongase an, ngo kjo̱a̱nda míꞌaá, tꞌíyéchiíni nínga síndo nga ndyi̱koo̱n cho̱tsa̱nga̱ ye.

Xo̱jo̱n Salmoo̱ 116:1

Tjóna Néna, ngatꞌa̱ ntꞌiéna kjiꞌanga ꞌniú chjiáa̱.

Xo̱jo̱n Salmoo̱ 18:1

¡Ji Ne, achichí tjóna ji, ngatꞌa̱ jí boá xi boeꞌéní ngaꞌniú!

Xo̱jo̱n Salmoo̱ 28:1

Ji Ne, jí boá xi tsꞌénchji̱a̱a̱, ji xi xikoó ngo ndi̱jo̱je ji, ngata̱ xiójín mindyin ji, nga kuichjiaá, ngatꞌa̱ tsita̱ ngiti̱ si̱ꞌinsénjínní, kósꞌe̱ bo̱a̱ kon ka̱ma an xikoó xota̱ xi je jesoón.

Xo̱jo̱n Salmoo̱ 80:1

Ji Ne xi koo̱n xota̱ Israee̱l, ndaꞌyé ji: Ji xi xi tińtje̱tjée̱n xota̱ tji̱e̱e̱ Kosiee̱, xikoó tsi ngo xtín cho̱tsa̱nga̱, ji xi ki̱a̱ botíxome ji ngi̱jii̱n keruu̱b: ¡Take ji ngaꞌniúu̱!

Én xí nda xi ꞌniú tsjatsó ngasee̱ 2:16

Án tsa̱ꞌa̱n xota̱ xi tjoò an, kó án, kuí chji̱a̱ni an kui, ki̱a̱ koo̱n cho̱tsa̱nga̱a̱ ki̱a̱ tꞌa nínga tjín naxóndáfoaa̱.

Én xí nda xi ꞌniú tsjatsó ngasee̱ 2:3

Xota̱ xi tjóna, ngi̱jii̱n i̱xti xo̱ngo̱ò, kuí boá xi xikoó ngo yá masana̱, ngi̱jii̱n yá xí ꞌbé ngi̱jin kꞌijñaá. ¡Achichí tsjá kjimana nga je ki̱a̱ kotíjña̱ngi an tji̱nkꞌi̱e̱én, tsi̱ꞌe̱ nga skjíni̱e̱ an to nda chinie xi yajaá!

Én xí nda xi ꞌniú tsjatsó ngasee̱ 5:10

Xota̱ xi tjóna achichí tsjákjiꞌi, kó tiboayojó boá, nde niꞌínjín ka̱mana nga skuie an kui, ndatsi ngi̱jii̱n tie mi̱ xota̱.

Én xí nda xi ꞌniú tsjatsó ngasee̱ 5:16

Achichí ixi tsꞌoa, achichí tsjá mána kui. ¡Bo̱a̱ kjíꞌí kui xota̱ xi tjóna an, jún ínchjín xi chji̱a̱ni na̱xi̱ńdáꞌniú Jerusalee̱n! ¡Bo̱a̱ kjíꞌí kui xota̱ xi mejénna an!

Én xí nda xi ꞌniú tsjatsó ngasee̱ 5:8

Jún ínchjín xí chji̱a̱ni na̱xi̱ńdáꞌniú Jerusalee̱n, mejénna nga ko̱e̱ꞌéjnú ndso̱ꞌbájnú, nga tsi sa̱kójnú xota̱ xi tjóna, bo̱a̱ tꞌínjnúu̱ nga, ¡jè tjítsꞌénkꞌiénna kjo̱a̱tjoó!

Én xí nda xi ꞌniú tsjatsó ngasee̱ 6:2

Xota̱ xi tjóna ki̱a̱ kijí nínga tjitjíe̱ xka̱ sije̱e̱n, ki̱a̱ kijítsꞌéntsjie ki̱a̱ nínga kjiꞌi naxoó, ko̱jo ki̱a̱ jachókatie naxóndáfoa.

Én xí nda xi ꞌniú tsjatsó ngasee̱ 6:3

Xota̱ xi tjoò an, kuí chji̱a̱ni an, kó án tsa̱ꞌa̱n kui, ki̱a̱ koo̱n cho̱tsa̱nga̱a̱, ki̱a̱ tꞌa naxóndáfoaa̱.

Én xí nda xi ꞌniú tsjatsó ngasee̱ 8:13

Ji xi tindyin ji ki̱a̱ nínga tjitjíe̱ naxoó, xota̱ xi nda yaꞌaná ndyi̱ntꞌiè ndáa̱, ¡te̱ꞌéndièní nga kuintꞌièe̱!

Matioo̱ 10:37

Ngayeje xota̱ xi ꞌniú ngase tjoó na̱ꞌmii̱ ko̱jo na̱aa̱n ta̱bo̱a̱jiín án, ka̱májín xota̱ tsa̱ꞌa̱n ka̱ma. Ngayeje xi ꞌniú mején ngasee̱ ndí xi̱ꞌii̱n ko̱jo tsi ndí chjo̱ón ta̱bo̱a̱jiín án, ti̱ ka̱májín xota̱ tsa̱ꞌa̱n ka̱ma nga,

Juaa̱ 10:11

Án boá kui nda̱ nda xi koo̱n cho̱tsa̱nga̱a̱, kó kui nda̱ nda xi koo̱n cho̱tsa̱nga̱a̱, tsja̱a yojoo̱ ta̱ngatꞌanii̱ cho̱tsa̱nga̱a̱,

Juaa̱ 21:17

Sꞌe̱ xi ma jaán ndi̱yà Kjisoo̱ asíyá nginií Ximo̱ Peé, nga bi̱ katsó: –Ximoo̱, ndií Jonaa̱, a tjoó án. Sꞌe̱ Peé ndasen kamaá nga xi ma ján ndi̱yà nga Kjisoo̱, bi̱ katsó: –A tjoó án. Kó bi̱ katsó Peé: –Ndi̱a̱, ji jè yé ji ngayeje nii̱, kó ja̱ jè yé ji nga tjóna ji. Sꞌe̱ Kjisoo̱, bi̱ katsó: –Chíi̱n cho̱tsa̱nga̱na.

1 Xo̱jo̱o̱n Peé 1:8

Jesukristoo̱ xí ndyi̱niꞌántjójnú ndatsi kamáyàjínjnú kó kisꞌie kje̱n, kó tjisꞌíjinjnú ndatsi ngotꞌe̱ yàjínjnú kje̱n, achichí kjo̱a̱tsja xi ꞌniú jè tjínjnú, kó ngaskande nde yàjín kótsꞌèn kꞌuiyá kuí nii̱,

1 Xo̱jo̱o̱n Peé 2:7

Jún xi je sꞌijinjnú Ndi̱a̱ná, achichí chjínií májnú jún, ta̱nga xota̱ xi sꞌijinjiín kui, ki̱a̱ boá nga fotjosón ni xi tsó xo̱jo̱n eén Néná: Kui ndi̱jo̱ xi katsꞌénchꞌó já chji̱ni̱e̱xo̱ó, kuí boá xi ndi̱jo̱ xi sꞌi̱tjatsꞌennii̱ ndiꞌaa̱ kamá.

1 Xo̱jo̱o̱n Juaa̱ 2:19

Kui já boá, kꞌi̱e̱ jatjojinná, ta̱nga nga ja̱koxi̱ xota̱nájín bo̱a̱, ngatꞌa̱ tsi xota̱ná kamá, nijan síndojo̱na tsobo̱a̱, ta̱nga bo̱a̱ kamá tsi̱ꞌe̱ nga xcha̱ cha̱n cha̱n nga tjín xota̱ xi jmí tsi xota̱ xi tsa̱ñá boá.

Ni xi akakoo̱ 7:17

ngatꞌa̱ kui cho̱tsa̱nga̱ kui xi botixómaá, kuí boá xi nda̱ xi koo̱n cho̱tsa̱nga̱a̱ ka̱ma, kó kuí boá xi kjo̱jo nínga tjitjó ndáfoaa̱ kjo̱a̱mindyioo̱n, kó Néná sa̱ꞌínxíjón ngayeje ndándyíkon xi kjo̱tjoo̱ ndyi̱ko̱n.

Na̱ Ruu̱t 2:21

Kó na̱ Ruu̱t, bi̱ katsó ngase: —Kui xotaa̱ jè bo̱a̱ katsóna, nga ka̱ma xò ki̱a̱ nijan sa̱ꞌinxájo̱ an ínchjín mosoo̱, ngaskande nga kju̱i̱e̱ cha̱a̱n sebandaa̱.