Én xí nda xi ꞌniú tsjatsó ngasee̱ 1:5 - Xo̱jo̱n eén Néná

⁵ ¡Jún ínchjín xo̱ngo̱ò xí chji̱a̱ni na̱xi̱ńdáꞌniú Jerusalee̱n! Na̱ jmá boá an, kó tsjákjiꞌi an, na̱ jmá án, xikó maá ndiꞌańjño xi síndo nangi Kendaa̱r. Na̱ jmá án, xikó maá ńjño kortinaa̱ ndiꞌaa̱ re Salomoo̱.

Én xí nda xi ꞌniú tsjatsó ngasee̱ 1:5 ပူးပေါင်းရင်းမြစ်များ

Xo̱jo̱n Salmoo̱ 120:5

¡Xi̱xꞌi̱a̱n xò án! ¡Jmíjínna ngo na̱xi̱ńdá nínga chjiá an, ki̱a̱ tikónjìi̱n xota̱ xi síndo ngindie kꞌijñá jàn!

Xo̱jo̱n Salmoo̱ 149:4

Ngatꞌa̱ Néná achichí tjoó xota̱ na̱xi̱ńdaá, kó kjo̱a̱ꞌnaxiéꞌaá tsꞌénkjién nga tsjaá kjo̱a̱tsjakjiꞌi xota̱ xi ni̱ma̱kjo̱a̱ síndoo̱.

Xo̱jo̱n Salmoo̱ 45:9

Ngi̱jii̱n ínchjín xí ꞌniú tsjákón ngasee̱, ki̱a̱ síndojin ndí xí ínchjiín ree̱. Kó ki̱a̱ xtji̱e̱e̱n ndse̱ fojnií tikóntꞌa xi ka̱ma na̱ ree̱, xi yaꞌa ni to̱nsinié xi chji̱a̱ni na̱xi̱ńdáꞌniú Ofii̱r.

Xo̱jo̱n Salmoo̱ 90:17

Kó kuí kjo̱a̱tsjakjiꞌi xi tikoón Ndi̱a̱ná, kui xi Néná, kui nii̱ xi ngatjandibániéná, tꞌíyé ji nga bo̱a̱ kjiꞌi xá xí je katsꞌén ndsa̱jne̱. ¡Jo̱o̱n Ne, kui xá xí je katsꞌén ndsa̱jne̱, tꞌíyé ji nga bo̱a̱ kjiꞌi kui nii̱!

Én xí nda xi ꞌniú tsjatsó ngasee̱ 2:14

Ji ndí tójo xi tjóna, ji xi ki̱a̱ tindyinꞌmí ji ki̱a̱ ti̱xa̱a̱ ndi̱jo̱ yiꞌii̱, ki̱a̱ ngi̱ndyioó ndi̱jo̱ xi síndo nínga nkꞌaa̱, takéní kje̱n ji, te̱ꞌéndiè ji nga kuintꞌièe̱ nda̱a̱. ¡Achichí ixi ndaꞌyaá nda̱a̱! ¡Achichí tsjákjiꞌi kje̱n ji!

Én xí nda xi ꞌniú tsjatsó ngasee̱ 2:7

Jún ínchjín xo̱ngo̱ò xí chji̱a̱ni na̱xi̱ńdáꞌniú Jerusalee̱n, mejénna nga si̱ꞌankjatjosónjnúꞌun ngo ni, kó ta̱ngatꞌanii̱ ndí ndí ínchjiín ndi̱kꞌijñaá, nga si̱ꞌanxtijínjnúu̱ na̱ xi mejénna an, ti̱nde si̱ꞌankjaꞌájínjnúu̱ nga kjiꞌifé, ngaskande nga kui xi kjo̱a̱ꞌá soboaá.

Én xí nda xi ꞌniú tsjatsó ngasee̱ 3:10

Kó to̱ntiboa ikꞌíjñaá ngindiee̱, to̱nsinié ikꞌíjñaá nínga fotꞌa nga̱xtón, ńjño xi koán akjajon yáxíríee̱. Kó ínchjín xí chji̱a̱ni Jerusale̱n boá xi inda inda katsꞌénchoo̱n ngi̱yaa̱.

Én xí nda xi ꞌniú tsjatsó ngasee̱ 3:5

Jún ínchjín xo̱ngo̱ò xí chji̱a̱ni na̱xi̱ńdáꞌniú Jerusalee̱n, mejénna nga si̱ꞌankjatjosónjnúꞌun ngo ni, kó ta̱ngatꞌanii̱ ndí ndí ínchjiín ndi̱kꞌijñaá, nga si̱ꞌanxtijínjnúu̱ na̱ xi mejénna an, ti̱nde si̱ꞌankjaꞌájínjnúu̱ nga kjiꞌifé, ngaskande nga kui xi kjo̱a̱ꞌá soboaá.

Én xí nda xi ꞌniú tsjatsó ngasee̱ 4:3

Ndso̱ꞌbe ji iní, xikó maá ngo rixtó xi ꞌniú iní, kó achichí tsjá tsꞌén ndokjo̱e̱ ji. Kui tꞌanijin ji xi kjiꞌmani ńjñoxo̱ꞌba̱a̱, iní xikó maá to ngrananda̱ xi je tsakjanga.

Én xí nda xi ꞌniú tsjatsó ngasee̱ 5:16

Achichí ixi tsꞌoa, achichí tsjá mána kui. ¡Bo̱a̱ kjíꞌí kui xota̱ xi tjóna an, jún ínchjín xi chji̱a̱ni na̱xi̱ńdáꞌniú Jerusalee̱n! ¡Bo̱a̱ kjíꞌí kui xota̱ xi mejénna an!

Én xí nda xi ꞌniú tsjatsó ngasee̱ 5:8

Jún ínchjín xí chji̱a̱ni na̱xi̱ńdáꞌniú Jerusalee̱n, mejénna nga ko̱e̱ꞌéjnú ndso̱ꞌbájnú, nga tsi sa̱kójnú xota̱ xi tjóna, bo̱a̱ tꞌínjnúu̱ nga, ¡jè tjítsꞌénkꞌiénna kjo̱a̱tjoó!

Én xí nda xi ꞌniú tsjatsó ngasee̱ 6:4

Achichí tsjákjiꞌi ji na̱ xi tjóna, bo̱a̱ má kjiꞌi ji xikoó na̱xi̱ńdáꞌniú Tirsaa̱, achichí tsjákjiꞌi ji xikoó na̱xi̱ńdáꞌniú Jerusalee̱n, kui xi je ꞌniú tikón xikoó ngo xtín jájún xi je síndonda nga ndyi̱fí kjo̱a̱xchán.

Én xí nda xi ꞌniú tsjatsó ngasee̱ 8:4

Jún ínchjín xo̱ngo̱ò xí chji̱a̱ni na̱xi̱ńdáꞌniú Jerusalee̱n, mejénna nga si̱ꞌankjatjosónjnúꞌun ngo ni, nga si̱ꞌanxtijínjnúu̱ na̱ xi mejénna an, ti̱nde si̱ꞌankjaꞌájínjnúu̱ nga kjiꞌifé, ngaskande nga kui xi kjo̱a̱ꞌá soboaá.

Matioo̱ 10:25

Jè ndakjiꞌi tsi nda̱ xi tjibókoyaá ka̱ma xikoó mostro̱ xi akóyaá, ko̱jo tsi mosoo̱ ka̱ma xikoó ndi̱a̱ xi tsi̱ꞌe̱ xaá. Tsi nda̱ xi tsi̱ꞌe̱ ndiꞌaa̱, xindajín Belsebu̱ kiꞌmií, achichíra̱ ni xi kꞌuín ngasee̱ xota̱a̱ kui ndiꞌaa̱.

Matioo̱ 22:11

Ta̱nga nga tsꞌasꞌien nda̱ ree̱ tsi̱ꞌe̱ nga sku̱i̱e̱ ngayeje xota̱ xi jachó sꞌueé, kamábe nga ngo nda̱ xi tikónjii̱n xotaa̱ xi yajájín ńjño xi chajá nga ma ndiꞌibixan.

Rkaa̱ 13:34

¡Jún xota̱ na̱xi̱ńdáꞌniú Jerusale̱n, jún xota̱ na̱xi̱ńdáꞌniú Jerusale̱n, xi niꞌánkꞌiénjnú já chji̱ni̱e̱ꞌe̱én Néná, kó ndi̱jo̱ foyàjnú xota̱ xi nangiyajnú! ¡Kótjín ndi̱yà kamámejénna itikojnúꞌun, xikótsꞌèn ꞌbitíkó ndií xo̱nda̱na̱aa̱n ngindie nga̱a̱, kó kamámejénjínjnú!

Rkaa̱ 15:22

Ta̱nga na̱ꞌmii̱, bi̱ katsoó mosoo̱: “ꞌNa̱xiéjnú ngo ńjño xi tsjakjiꞌi, kó ti̱ꞌankajájnú ndína, kó tꞌíyájnúu̱ ngo sti̱ngaro tsja, ko̱jo tjayàjnúu̱ tji̱xíndié.

Xota̱ Roma̱ 13:14

Ta̱sá chja̱ꞌángíi̱ Ndi̱a̱ná Jesukristoo̱ xikoó tsi kui xi ka̱ma ńjño xi xcha̱já, kó ngata̱ niꞌánkjatjosónjínjnú ni xi mejeén yojojnú nga si̱ꞌánjnú.

2 Xota̱ Korinto̱ 5:21

Kristoo̱ nde ngo jé kisꞌiejiín, nganda tsa̱ñá boá nga Néná xikoó tsi xota̱ jé katsꞌén, tsi̱ꞌe̱ nga ñá xota̱ kixi̱ ka̱ma ngindyi̱ko̱n Néná, ta̱ngatꞌanii̱ ni xi katsꞌén Kristoo̱.

Xota̱ Ngalasia̱ 4:26

Na̱ Saraa̱ kuí boá xi xikónii̱ kjo̱a̱ꞌbínda tja̱tsi̱e̱ xi índa Néná, kuí xí na̱xi̱ńdáꞌniú Jerusale̱n xi chji̱a̱ni ndiꞌakꞌajmi jàn, tikónndé, kó ñá xi ndií.

Xota̱ Éfeso̱ 5:26

kui nii̱ xi katsꞌén nga katsꞌéntsi̱ꞌe̱. Eén katsꞌéntsjieni, kó ndáfoa aniéjónni,

1 Xo̱jo̱o̱n Juaa̱ 3:1

Tsitsíjenjnúu̱ kókjiꞌi tsie kjo̱a̱tjó xi tsꞌéntsjáná Néná xí Na̱ꞌmii̱, nga xotaa̱, ndií Néná tsóná ñá, kó ndií Néná boá ñá. Kuíni nga xotaa̱ kui nga̱sondiee̱ bejínná ñá, ngatꞌa̱ kui bejín Néná.