Én xí nda xi ꞌniú tsjatsó ngasee̱ 1:4 - Xo̱jo̱n eén Néná

⁴ ¡Tsáyè ji, kó tꞌenje̱ní nínga tindyin ji! ¡Tꞌenje̱ní ki̱a̱ ngi̱yaꞌmàa̱, re xi tsa̱ꞌa̱n! Tsjangatꞌiéná ji ko̱jo an, kó tsjá ngase ngatamana nga si̱ꞌinmejénní, ta̱bo̱a̱jiín binoo̱. ¡Ta̱ngatꞌanii̱ kui nii̱ nga ínchjín xo̱ngo̱ò, achichí mejeén ji!

Én xí nda xi ꞌniú tsjatsó ngasee̱ 1:4 ပူးပေါင်းရင်းမြစ်များ

Xo̱jo̱n Salmoo̱ 111:4

Néná achichí tjó ko̱jo ndaxota̱ tsꞌénjo̱ná ñá, kó kuí boá xi tsꞌén nga ngatsjéni̱xtjin si̱ꞌankjaꞌátsjien ni xi fíndikónná xí tsꞌén.

Xo̱jo̱n Salmoo̱ 119:32

Jè tsá sa̱ꞌinkjatjosón an, ngatꞌa̱ ji akasíke̱jení tsi̱ꞌe̱ nga kamákjínna.

Xo̱jo̱n Salmoo̱ 149:2

¡Tsja ngatamaa̱ xota̱ Israee̱l, kjo̱a̱a̱ Kui xi katsꞌénda kui xotaa̱! ¡Tsja ngatꞌieé xota̱ na̱xi̱ńdáꞌniú Sioo̱n, kjo̱a̱a̱ Ree̱!

Xo̱jo̱n Salmoo̱ 42:4

Kjiꞌanga foaꞌátsjienna kui nii̱, achichí ndasen mana, kó foaꞌátsjienna kjiꞌanga kijí an ndi̱yà xí fí na̱ngo̱xi̱i̱ nga kistsoꞌbátjóo̱n xota̱ kjiín, foaꞌátsjienna sꞌué xí ꞌniuú, ko̱jo nga na̱xi̱ńdáa̱ askjandáyátsjá má nga katsꞌéntsjaà.

Xo̱jo̱n Salmoo̱ 48:9

Jaꞌátsjienjne̱ kjo̱a̱ni̱ma̱takóo̱n ji Ne, ki̱a̱ ngamasiee̱n na̱ngo̱xi̱i̱.

Xo̱jo̱n Salmoo̱ 63:5

¡Nda stsi̱e̱é ini̱ma̱na xikó maá tsi yojo ko̱jo tsi xinié jè iskjinie! ¡Kó ndso̱ꞌba án achichí tsjá ka̱maa̱ nga sa̱ꞌíntsjaá!

Én xí nda xi ꞌniú tsjatsó ngasee̱ 3:4

Sꞌe̱ tsí kijíboaꞌá chií an, kó ta̱tra kasakona kui xota̱ xi achichí tjoó an. Janíkjá án, kó nde kintjuenjín an, ngaskande nga kijíjo̱ an ndiꞌaa̱ na̱anna, kó ki̱a̱ katsꞌenkꞌasꞌien an ki̱a̱ ngi̱yaꞌma nínga kamánda an.

Én xí nda xi ꞌniú tsjatsó ngasee̱ 4:10

¡Achichí tsjatsꞌèn niꞌíndajìnní, jí ndí ndíchja, jí ndí chjo̱onna! ¡Ixi ngase niꞌínje̱ní, ta̱bo̱a̱jiín xikótsꞌèn ixi binoo̱, kó sije̱n ngase ji, ta̱bo̱a̱jiín ngayeje ndásíje̱n xi tjiín!

Matioo̱ 25:10

Kó tji̱e̱nga kijíkꞌatsie ndátí kui ínchjiín, jachó nda̱ xi ku̱i̱xaa̱n, kó ínchjín xí je síndondaa̱ tsꞌasꞌien nínga kjima ndiꞌibixaa̱n, sꞌe̱ kisichjá nga̱ntjo̱a̱a̱.

Rkaa̱ 2:10

Kó kui ndítsjiee̱, bi̱ katsoó: —Ngata̱ ndakonjínmájnú, ngatꞌa̱ éntjatsi̱e̱ boá xi kjoéꞌe̱ xiyàjnúꞌun, tsi̱ꞌe̱ nga ngayeje xota̱ xi tsja ka̱maa̱:

Rkaa̱ 22:19

Ti̱ iskjíbé paa̱n nga, katsjaá ndokꞌóchjì Néná, akjángá, nga bi̱ katsó: –Kuí xi̱ꞌbi̱ xi yojona, kui xi si̱ꞌankꞌien ta̱ngatꞌanii̱ nga kjo̱tjoꞌajnú, ti̱ꞌánjnú kui nii̱, tsi̱ꞌe̱ nga kjo̱a̱ꞌátsjienjnú an.

Juaa̱ 12:32

Kó tsi an nkꞌa chjanínkꞌána kui tꞌanangii̱, ngayeje xotaa̱ xi kji̱ndi̱bákón tiñana.

Juaa̱ 6:44

Nde ngojín xota̱ xi ka̱maa̱ kjo̱e̱ꞌe̱kónna, tsi kuijín Na̱ꞌmi xi jeꞌejo̱na xi kjo̱e̱ꞌéjo̱, kó an sa̱ꞌinkjaꞌáꞌyáa̱ kui xotaa̱, nga kjo̱chó ni̱xtjin nga kju̱i̱e̱tꞌaa̱ kui nga̱sondiee̱.

Xota̱ Éfeso̱ 2:6

Kó Néná nijan katsꞌénkjaꞌáꞌyáná ko̱jo Kristoo̱, kó ki̱a̱ nijan katsꞌénkꞌíndoná ko̱jo Kristo̱ Kjisoo̱ ki̱a̱ ndiꞌakꞌajmii̱,

Xota̱ Éfeso̱ 6:24

Ngatꞌieé kjo̱a̱nda ngayeje xota̱ xi tjoó Ndi̱a̱ná Jesukristoo̱, ngo kjo̱a̱tjó xi fejín. Bo̱a̱ kjiꞌi.

Xota̱ Filipo̱ 3:3

Ngatꞌa̱ sirkunsisio̱n xi ndaa̱, kuí xí kichꞌiá ñá xi yandikón Néná xikótsꞌèn bokoyáná A̱si̱énni̱xtjii̱n, kó kjimaꞌniátakón ñá ni xi katsꞌén Kristo̱ Kjisoo̱, jmí tsi ni xi kiniꞌaán yojoná.

Xota̱ Filipo̱ 4:4

Tsja ngatamajnú ngatsjéni̱xtjin ngatꞌaa̱ Ndi̱a̱ná. Ingo ndi̱yà bo̱a̱ xian nginíjnúꞌun: ¡Tsja ngatamajnú!

Xota̱ Ebreo̱ 12:1

Achichí má xota̱ xi síndo nga ngo foaꞌatjiyajonná xí chistiko̱ nga bokóná xikótsꞌèn kisꞌijii̱n Néná, kuíni nga ñá xín kꞌuijñá ni xi tsꞌenníꞌínná ko̱jo kui jé xí mejeén kꞌo̱jmingíná, kó si̱ꞌanngaꞌniú nga kjuínrá nínga ndyi̱mongín.

1 Xo̱jo̱o̱n Peé 1:8

Jesukristoo̱ xí ndyi̱niꞌántjójnú ndatsi kamáyàjínjnú kó kisꞌie kje̱n, kó tjisꞌíjinjnú ndatsi ngotꞌe̱ yàjínjnú kje̱n, achichí kjo̱a̱tsja xi ꞌniú jè tjínjnú, kó ngaskande nde yàjín kótsꞌèn kꞌuiyá kuí nii̱,