Én xí nda xi ꞌniú tsjatsó ngasee̱ 1:3 - Xo̱jo̱n eén Néná

³ Achichí sije̱n mana ji, xikó má je̱n ndásíjèe̱n, ngatꞌa̱ jaꞌée̱n, xikónií tsi ngo ¡ndásíje̱n xi katjon! ¡Kuíni nga ínchjín xo̱ngo̱ò, achichí mejeén ji!

Én xí nda xi ꞌniú tsjatsó ngasee̱ 1:3 ပူးပေါင်းရင်းမြစ်များ

Xo̱jo̱n Salmoo̱ 133:2

Achichí tsjákjiꞌi nga yà kuí nii̱, bo̱a̱ fóyanii̱ xikó maá kui ndásíje̱n nda xi botiéjón to̱ko̱ já chináꞌmii̱, kui xi ndibajénni ndeskande to̱ko̱, kó fochó ngaskande se.

Xo̱jo̱n Salmoo̱ 45:14

Kó kui ńjño chji̱ni̱e̱ xi to̱nsinieé yajá nga kongínjo̱ ngindyi̱ko̱n ree̱, kó ínchjín xo̱ngo̱ò ko̱e̱je̱tji̱ngii̱, kó ínchjín xkjín kji̱ndi̱bájo̱o̱ ji.

Éksondo̱ 33:12

Kó Moisee̱ bi̱ katsoó Néná: —Jí boá xi bo̱a̱ kasení nga an xi kjuíntjóo̱n kui xota̱ na̱xi̱ńdaá, ta̱nga kiꞌmíyéjínní ꞌyání xi ko̱síko̱jona. Kó ti̱ bo̱a̱ ti̱ kasení nga tjoó an, ko̱jo nga ka̱maꞌnítakínní.

Éksondo̱ 33:19

Ta̱nga Néná bi̱ katsoó: —Achichí nda tsꞌenjo̱ an xota̱ xi mejénna nga nda sa̱ꞌínjo̱ an. Kuíni nga kokóo̱ ngayeje kjo̱a̱je xi tjínna, kó ti̱ xiyaá jaꞌénna nga.

Énkjínkón 27:9

Ndásíjee̱n ko̱jo ni xi nangijon yojoná tsjatsꞌèn tsꞌénkꞌijñá ini̱ma̱ná, kó ngo amingo̱ xi nda ko̱tíxománá, kuí boá xi tsjáná kjo̱a̱tsja.

Eklesiastee̱ 7:1

Chjí ngasenii̱ kjo̱a̱yandikoón, ta̱bo̱a̱jiín ndásíje̱n xi nda ngasee̱. Chjí ngasenii̱ ni̱xtjin nga mayá, ta̱bo̱a̱jiín ni̱xtjin nga tsen.

Én xí nda xi ꞌniú tsjatsó ngasee̱ 3:6

Mí ni bo̱a̱ xi tsꞌéndibá ki̱a̱ nangi kixií xi ja̱kjiꞌi ngo yásé ṉdi̱ má kjiꞌi, xi kjifoaꞌándá sije̱n sije̱n xikoó mirraa̱, xikoó nisijee̱n, ko̱jo xikoó kjín to̱ko̱ya ndásíje̱n.

Én xí nda xi ꞌniú tsjatsó ngasee̱ 4:10

¡Achichí tsjatsꞌèn niꞌíndajìnní, jí ndí ndíchja, jí ndí chjo̱onna! ¡Ixi ngase niꞌínje̱ní, ta̱bo̱a̱jiín xikótsꞌèn ixi binoo̱, kó sije̱n ngase ji, ta̱bo̱a̱jiín ngayeje ndásíje̱n xi tjiín!

Én xí nda xi ꞌniú tsjatsó ngasee̱ 5:13

Tꞌanijon ja̱kon nínga ꞌbítji̱e̱ ni tjié má kón, nínga kjiꞌi xka̱ sije̱n, ko̱jo naxó sije̱n, tsꞌoa ja̱kon naxóndáfoa má kón xi fotjoo̱ tsie ndásíje̱n mirra̱.

Én xí nda xi ꞌniú tsjatsó ngasee̱ 5:5

Jastjíe̱n an tsi̱ꞌe̱ nga skjíxꞌáa̱ xota̱ xi tjóna, ¡kó xtín ndsa̱ án kitín má ndásíje̱n mirraa̱, kó ki̱a̱ kitínsón ki̱cha̱ xi ꞌbíchjánii̱ nga̱ntjo̱a̱a̱!

Én xí nda xi ꞌniú tsjatsó ngasee̱ 6:8

Ka̱mara̱ kꞌuié ichítié ko̱jo tie ínchjín re, ko̱jo tsi ichítié ko̱jo kantié ínchjín xí je tjiín xi̱ꞌin, ko̱jo kjín ínchjín xo̱ngò,

Matioo̱ 25:1

Nínga botíxomaa̱ Néná xikónií tie ínchjín xo̱ngò xí iskjíbé ndiꞌíxoò, sꞌe̱ kijí nínga kjo̱chó nda̱ xi ku̱i̱xaa̱n.

Juaa̱ 12:3

kósꞌe̱ na̱ Riyaa̱ iskjíbé masien litro̱ ndásíje̱n soboá xi chjií, xi naxó narndo̱ kamándani, sꞌe̱ katsangijon se Kjisoo̱, kó tsja̱to̱ko̱ kui naa̱ katsꞌénxíjónni, sꞌe̱ ngayeje ndiꞌaa̱ kamásije̱n.

2 Xota̱ Korinto̱ 11:2

Ngatꞌa̱ kui kjo̱a̱chi̱ni̱ xi tjínna kjo̱a̱a̱ jún, Néná xí katsangiya. Ngatꞌa̱ an jè xikoó tsi katsjáa̱ jún, nga ta̱ ngo tsí xi̱ꞌin xi ku̱i̱xanjo̱jnú, kó kui xi̱ꞌii̱n kuí xí Kristoo̱. Mejénna nga xikoó ngo tsa̱kjìn xo̱ngò xí kji̱e̱ jmí xi̱ꞌin ꞌbéjiín, nga bo̱a̱ tsꞌén sa̱ꞌinkꞌasꞌienjnúꞌun.

Xota̱ Filipo̱ 4:18

Ngayeje ni xi kanangiyajnúꞌun je kiniꞌánkꞌasꞌienna, kó ngaskande tsꞌatio tjínna ngotꞌe̱. Epafronditoo̱ katsꞌénkꞌasꞌienna ni xi kanangiyajnúꞌun, kó kui nii̱ xi katsꞌéndo̱jò ni xi kamáchjiénna. Kuí nii̱ xi xikoó ngo kjo̱a̱nda xi tjiín nisije̱n, ngo kjo̱a̱tjó xi tsja maa̱ Néná nga kjíbé.

Ni xi akakoo̱ 14:4

Kuí bí xota̱ xi katsꞌéndándíjín yojoo̱ tsi ínchjín kisꞌiee̱, ngatꞌa̱ síndo xo̱ngò boá. Kuí bí xi kijítji̱ngii̱ cho̱tsa̱nga̱a̱ ta̱ nínga kijí. Kuí bí xi ikꞌíchjítjé nga kaꞌnaxiéꞌá ngi̱jii̱n jáxíꞌín xi xikoó tsi ngo ni xi tjón xi kiniꞌánkꞌasꞌiee̱n Néná ko̱jo cho̱tsa̱nga̱a̱,