Én xí nda xi ꞌniú tsjatsó ngasee̱ 1:13 - Xo̱jo̱n eén Néná

¹³ Xota̱ xi tjóna an, xikó maá ndí stsa ndásíje̱n mirra̱ xi yaꞌa an ngi̱jin chikina kjimana kui,

Én xí nda xi ꞌniú tsjatsó ngasee̱ 1:13 ပူးပေါင်းရင်းမြစ်များ

Jenesii̱s 43:11

Kósꞌe̱ na̱ꞌmii̱ kui jaá ja̱chon nga katsꞌénjo̱ꞌo kui nii̱, nga bi̱ katsó: —Ja̱ tsi jmíjín ngase ingo ni xi ka̱ma si̱ꞌán, ja̱ tangínjo̱jnú ntsꞌiejnú tsobo̱a̱ nínga tikón kui nda̱a̱, ta̱nga ingo ni ti̱ꞌánjnú. Tꞌíkitsiejnú koxta̱jnú ni nda xi tjínná kꞌi̱e̱e̱, kó chꞌi̱a̱jnúu̱ kui nda̱a̱, xikoó balsamo̱, chií ntsjién, ndásíje̱n, nisije̱n, to pistacho̱ ko̱jo to almendra̱. Kó ti̱ chꞌi̱a̱jnúu̱ jó bo̱a̱ kjiꞌi to̱n xikó kjiꞌi kichꞌiájnú tsie ꞌne̱, ngatꞌa̱ chjiéngá si̱ꞌankꞌasꞌienjnú kui to̱n xi kichꞌiáꞌoyá nginíjnú, ngatꞌa̱ tsi ta̱ kamátsobéjii̱n nga ki̱a̱ íyá koxta̱jnú.

Xo̱jo̱n Salmoo̱ 45:8

Ngi̱jin ńjñoo̱ foaꞌándá sije̱n sije̱n mirraa̱, ko̱jo aloee̱, ko̱jo kasiaa̱, kó ndeskande ki̱a̱ ndo̱bo̱a̱xa̱á xí ndi̱ja̱a̱ ki̱ña̱ kamándanii̱, ndaꞌyánii̱ soó arpa̱ xi ꞌbikítsie maá kjo̱a̱tsja.

Én xí nda xi ꞌniú tsjatsó ngasee̱ 2:7

Jún ínchjín xo̱ngo̱ò xí chji̱a̱ni na̱xi̱ńdáꞌniú Jerusalee̱n, mejénna nga si̱ꞌankjatjosónjnúꞌun ngo ni, kó ta̱ngatꞌanii̱ ndí ndí ínchjiín ndi̱kꞌijñaá, nga si̱ꞌanxtijínjnúu̱ na̱ xi mejénna an, ti̱nde si̱ꞌankjaꞌájínjnúu̱ nga kjiꞌifé, ngaskande nga kui xi kjo̱a̱ꞌá soboaá.

Én xí nda xi ꞌniú tsjatsó ngasee̱ 3:5

Jún ínchjín xo̱ngo̱ò xí chji̱a̱ni na̱xi̱ńdáꞌniú Jerusalee̱n, mejénna nga si̱ꞌankjatjosónjnúꞌun ngo ni, kó ta̱ngatꞌanii̱ ndí ndí ínchjiín ndi̱kꞌijñaá, nga si̱ꞌanxtijínjnúu̱ na̱ xi mejénna an, ti̱nde si̱ꞌankjaꞌájínjnúu̱ nga kjiꞌifé, ngaskande nga kui xi kjo̱a̱ꞌá soboaá.

Én xí nda xi ꞌniú tsjatsó ngasee̱ 3:6

Mí ni bo̱a̱ xi tsꞌéndibá ki̱a̱ nangi kixií xi ja̱kjiꞌi ngo yásé ṉdi̱ má kjiꞌi, xi kjifoaꞌándá sije̱n sije̱n xikoó mirraa̱, xikoó nisijee̱n, ko̱jo xikoó kjín to̱ko̱ya ndásíje̱n.

Én xí nda xi ꞌniú tsjatsó ngasee̱ 4:14

narndo̱ ko̱jo asafraa̱n, ko̱jo nde̱je sije̱n, ko̱jo tji̱bo̱a̱kanera̱, xikoó ngayeje yá xí tjiín nisijee̱n, mirra̱ ko̱jo aloe̱, ko̱jo ngayeje xka̱ sije̱n xi nda ngasee̱ nga.

Én xí nda xi ꞌniú tsjatsó ngasee̱ 4:16

¡Ji tjo̱ xi ndibánií nínga ta̱ꞌin, ti̱sítji̱n ji! ¡Ja̱bíꞌi̱n tjo̱ xi ndibánií nínga na̱ngi! ¡Tjatsièe̱ nga̱soón ngi̱ndie nínga tjitji̱e̱na naxoó, kó ngatjaꞌándá sije̱n sije̱n! ¡Ja̱bíꞌi̱n ji xota̱ xi tjóna, kó chítꞌe ji kui to xi nda chiniee̱!

Én xí nda xi ꞌniú tsjatsó ngasee̱ 4:6

Ngaskande nga si̱si̱eén, kó ngaskande nga ko̱e̱je̱ tji̱nkꞌi̱e̱én jñoó, mejénna kjuín án ki̱a̱ na̱xi̱ nínga tjín nisijee̱n, mejénna kjuín án ki̱a̱ tji̱ngi̱ nínga tjín ndásíjee̱n.

Én xí nda xi ꞌniú tsjatsó ngasee̱ 5:1

Jè jéꞌe̱ an ngi̱ndie nínga tjitji̱e̱na nii̱, ji ndí ndíchja, ji ndí chjo̱onna. Jè jaꞌatikó án mirraa̱ ko̱jo tosijee̱n, jè iskjíni̱e̱ an ntsjién xí ndyi̱a̱ ndo̱bo̱a̱ cho̱ndo̱ꞌo̱sieèn, jè katsꞌe an binoo̱, ko̱jo ntsjeén. ¡Yàjnú já amingo̱ xi tjóna, chi̱ni̱e̱jnú ko̱jo tꞌi̱o̱jnú ngaskande nga nda stsi̱e̱jnú!

Én xí nda xi ꞌniú tsjatsó ngasee̱ 5:13

Tꞌanijon ja̱kon nínga ꞌbítji̱e̱ ni tjié má kón, nínga kjiꞌi xka̱ sije̱n, ko̱jo naxó sije̱n, tsꞌoa ja̱kon naxóndáfoa má kón xi fotjoo̱ tsie ndásíje̱n mirra̱.

Én xí nda xi ꞌniú tsjatsó ngasee̱ 5:5

Jastjíe̱n an tsi̱ꞌe̱ nga skjíxꞌáa̱ xota̱ xi tjóna, ¡kó xtín ndsa̱ án kitín má ndásíje̱n mirraa̱, kó ki̱a̱ kitínsón ki̱cha̱ xi ꞌbíchjánii̱ nga̱ntjo̱a̱a̱!

Juaa̱ 19:39

Kó ti̱ jachó nda̱ xi ꞌmí Nikondemoo̱ xi ngo ndi̱yà jachókoón Kjisoo̱ nga jñoó, jachó kui ngi̱ndiee̱, kó yaꞌa mara̱ tsi ta̱ kantié kilo̱ nisije̱n xi ꞌmí mirra̱ ko̱jo aloe̱.

Xota̱ Éfeso̱ 3:17

Tsi̱ꞌe̱ nga Kristoo̱ ngatꞌíjñajin ini̱ma̱jnú, ngatꞌa̱ nga sꞌijinjnú kuí. Kó nga jún kꞌuiéjnú tsie kjo̱a̱tjó xikoó ngo yá xí na̱nga̱ kijí ja̱ma̱a̱ ko̱jo nga ꞌniú ku̱i̱ndyionjnú.