Rkaa̱ 9:60 - Xo̱jo̱n eén Néná

⁶⁰ Kó Kjisoo̱, bi̱ katsoó: –Te̱ꞌéndièe̱ nga xota̱ xi xikoó tsi je jesoón nga kui ko̱ónijín xotaa̱ xi je jesoón, kó ji tꞌenkꞌíni̱jmì ta̱jñàní kjo̱a̱a̱ nínga botixómá Néná.

Rkaa̱ 9:60 ပူးပေါင်းရင်းမြစ်များ

Matioo̱ 4:23

Kó Kjisoo̱ kijí ngayeje na̱xi̱ńdá xí chji̱a̱ni nangi Ngalilea̱, nga akóyá éntjatsi̱e̱e̱ Néná ki̱a̱ ndiꞌa nínga ndokjo̱a̱ eén Néná, kó íni̱jmì kjo̱a̱a̱ nínga botixómá Néná, ko̱jo katsꞌéndaya ngayeje xota̱ xi tjiín ngo chiꞌin, ko̱jo xi oo̱n.

Matioo̱ 8:22

Ta̱nga Kjisoo̱, bi̱ katsoó: –Ndibétji̱ngíní, kó te̱ꞌéndièe̱ nga xota̱ xi xikoó tsi je jesoón nga kui ko̱ónijín xota̱a̱ xi je jesoón.

Rkaa̱ 15:24

ngatꞌa̱ kui ndína xi̱ꞌbi̱ kꞌien katsaki, kó jaꞌáꞌyaá, kichajá katsaki, kó je kasakona.” Kó ítsꞌi̱yanii̱ nga katsꞌén sꞌué.

Rkaa̱ 15:32

Ta̱nga chjiéngá katsꞌen an kui sꞌueé, tsi̱ꞌe̱ nga tsja kamána, ngatꞌa̱ ntsꞌie, jè kꞌien katsaki, ta̱nga ngotꞌe̱ ꞌne̱ jè jaꞌáꞌyaá, kichajá katsaki, ta̱nga ngotꞌe̱ ꞌne̱ jè kasakona.”

1 Xota̱ Korinto̱ 9:16

Tsi tsꞌénꞌbini̱jmì án éntjatsi̱e̱e̱ Kristoo̱, jmí tsi kui ni nga je kꞌo̱xié an yojona, ta̱ kjo̱a̱a̱ nga tikónna ngo kjo̱a̱ꞌniú nga bo̱a̱ sa̱ꞌin an, ¡xi̱xꞌi̱a̱n xò án tsi xiyàjín an éntjatsi̱e̱e̱ Kristoo̱!

Xota̱ Éfeso̱ 2:1

Néná katsjájnú kjo̱a̱mindyion kjiꞌanga jún, xota̱ xi je jesón kamájnú ta̱ngatꞌanii̱ kjo̱a̱a̱ ni xi ndajín xi kiniꞌánjnú, ko̱jo kjo̱a̱a̱ jéjnú,

Xota̱ Éfeso̱ 2:5

kó ndatsi je akayà ngi̱jii̱n jéná, nijan katsjáná kjo̱a̱mindyion ko̱jo Kristoo̱. Ta̱ngatꞌaa̱ kjo̱a̱ndaa̱ Néná nga jún je ta̱ jatjoꞌa kjo̱a̱nda tsíjnú.

1 Timoo̱ 5:6

Ta̱nga kui xota̱chjo̱on kꞌán xi je kꞌien xi̱ꞌii̱n xi tsꞌenkꞌásꞌieén yojoo̱ kjo̱a̱tsjaa̱ nga̱sondiee̱, jè kꞌien tikón xi̱ꞌba̱.

2 Timoo̱ 4:2

nga tꞌíni̱jmìi̱ xotaa̱ kui eén, bo̱a̱ ti̱ꞌin ji nga ka̱ma, ko̱jo nga ka̱májín, ti̱ꞌinꞌindakon ji tsi̱ꞌe̱ nga sku̱i̱e̱ tsi ndajínkjiꞌi ni xi katsꞌén, ti̱ꞌinchji̱ni̱ ji ko̱jo te̱ꞌéngaꞌníi̱, kó takoyèe̱ nga bi̱ tsiee̱ ka̱ma takín.

2 Timoo̱ 4:5

Ta̱nga ji, ta̱jmì niní xi si̱ꞌin ji, nda tsꞌén tꞌíjñí ji kjo̱a̱kjíntakóo̱n, ko̱jo ti̱ꞌinchíkjo̱e̱ ji kjo̱a̱ni̱ma̱ xi ku̱i̱tja̱tí, ko̱jo tꞌíni̱jmì ji éntjatsi̱e̱e̱ Néná, kó nda ti̱ꞌinkjatjosén ji xáa̱.

Ni xi akakoo̱ 3:1

Bi̱ tsꞌén ti̱ꞌinꞌindée̱ ndítsjiee̱ xota̱ na̱ngo̱xi̱i̱ Sarndii̱: “Kuí nii̱ xi tsó kui xi tikoón nga yito A̱si̱énni̱xtjii̱n Néná, ko̱jo xi tikoón nga yito ńñoo: An jè be an ngayeje ni xi niꞌín ji, kó jè be an nga tikoón jaꞌén nga tindyin ji, ta̱nga jè kꞌien ji.