Rkaa̱ 9:48 - Xo̱jo̱n eén Néná

⁴⁸ kó bi̱ katsoó: –Ta̱ ꞌyání xi skjíbéní kui nda̱chií ngajona, ti̱ tsꞌénkjíbéna án nga, kó ta̱ ꞌyání xi tsꞌénkjíbéna, tsꞌénkjíbé kui Néná xi katsangiyana, ngatꞌa̱ kui xi ꞌniú chichí ngi̱jii̱n jún, kuí xi̱ꞌba̱ xi chjí ngasenii̱.

Rkaa̱ 9:48 ပူးပေါင်းရင်းမြစ်များ

Énkjínkón 18:12

Kjo̱a̱nkꞌakoo̱n tsꞌénchájáná, kó kjo̱a̱ni̱ma̱kjo̱a̱a̱ boá xi tsꞌén nga yandikónná.

Matioo̱ 18:10

Tsitsíjenjnúu̱ nga ngojín xi sa̱ꞌínchꞌó ngo kui ndí jákjíndií, ngatꞌa̱ xiyàjnúꞌun nga ndiꞌakꞌajmi jàn ndítsjiee̱ kui kotsijen síkijií kje̱n Na̱ꞌmina xi tikón ndiꞌakꞌajmi jàn.

Matioo̱ 18:14

Ti̱ bo̱a̱ ti̱ tsꞌén, Na̱ꞌmijnú xi tikón ndiꞌakꞌajmi jàn, mejénjiín nga ngo kui ndií xcha̱ja.

Matioo̱ 19:28

Kó Kjisoo̱, bi̱ katsó: –Ja̱koxi̱ ni xi xiánjnúꞌun nga, nga kjo̱chó ni̱xtjin nga ngayeje nii̱ ka̱matja̱tsi̱e̱ya, kjiꞌanga ndií nda̱ xi̱ꞌii̱n ko̱tíxoma nínga tikón kjo̱a̱jee̱, jún xi timatji̱ngijnúꞌun, ki̱a̱ ku̱i̱ndyionsónjnú nga tiejó yáxíríe̱ nínga botíxomaa̱, tsi̱ꞌe̱ nga bo̱a̱ kꞌuínjnú tsi tjiín ko̱jo tsi jmíjiín jé nga tiejó tji̱e̱e̱ xota̱ xi chji̱a̱ni Israee̱l.

Matioo̱ 25:40

Sꞌe̱ bi̱ ka̱tso̱o̱ kui nda̱ Ree̱ nga ku̱i̱chji̱a̱: «Ja̱koxi̱ ni xi xiánjnúꞌun nga ngayeje ni xi kiniꞌánjo̱jnú ngo nda̱ ntsꞌié án xi ꞌniú ni̱ma̱a̱, ja̱ án boá xi bo̱a̱ kiniꞌánjo̱jnúꞌun.»

Matioo̱ 25:45

Kósꞌe̱ bi̱ ka̱tso̱o̱ nda̱ ree̱: «Ja̱koxi̱ ni xi xiánjnúꞌun nga ngayeje ni xi kiniꞌánjínjnúu̱ ngo nda̱ ntsꞌié án xí ꞌniú ni̱ma̱a̱, ja̱ ti̱nde an kiniꞌánjínjnúꞌun kui nii̱.»

Markoo̱ 9:37

–Ta̱ ꞌyání xi skjíbéní ngajona ngo nda̱chí xikoó xi̱ꞌbi̱, ti̱ tsꞌénkjíbéna án nga, kó xi tsꞌénkjíbéna án, jmí tsi an xi tsꞌénkjíbéna, kuí Néná xi katsangiyana xi tsꞌénkjíbé.

Rkaa̱ 10:16

Kui xi ku̱i̱ntꞌièjnú jún, ndyi̱ntꞌièna án nga, kó xi sa̱ꞌínchꞌójnú jún, ti̱ tjítsꞌénchꞌóna an nga, kó xi tjítsꞌénchꞌóna an, tjítsꞌénchꞌó kui Néná xí katsangiyana nga.

Rkaa̱ 14:11

Ngatꞌa̱ ta̱ꞌyaní xi je kꞌo̱xié yojoo̱, ni̱ma̱kjo̱a̱ si̱ꞌanjo̱, kó xi ni̱ma̱kjo̱a̱ kꞌo̱xié yojoo̱, kuí xí je ko̱ꞌna̱xié.

Rkaa̱ 22:26

Ta̱nga jún nga bo̱a̱jín niꞌánjnú, ta̱sá xi nkꞌa xaá, chjiéngá xikoó tsi ngo xi ngindie xaá sa̱ꞌín yojoo̱, kó kui xi ngito̱ko̱jnú, chjiéngá kuí xi ka̱ma xi sa̱ꞌínseén xotaa̱.

Rkaa̱ 22:30

tsi̱ꞌe̱ nga xi̱ni̱e̱jnú ko̱jo sꞌi̱o̱jnú tꞌa yámíxa̱ kjiꞌanga kotixoma an, ko̱jo tsi̱ꞌe̱ nga ko̱ti̱xomájnú nga bo̱a̱ kꞌuínjnú tsi tjiín ko̱jo tsi jmíjiín jé nga tiejó tji̱e̱e̱ xota̱ xi chji̱a̱ni Israee̱l.

Rkaa̱ 7:28

Tsꞌénxiyàjnúꞌun nga kꞌi̱e̱ kui nga̱sondiee̱ kji̱e̱ tsenjín ingo nda̱ chji̱ni̱e̱ꞌén xi nkꞌa ngase xaá xikoó Jua̱ xi botíndaá, ta̱nga kui nda̱ xi ꞌniú chichí ngase xaá nínga botíxomaa̱ Néná, nkꞌa ngase xaá ta̱bo̱a̱jiín Juaa̱.

Juaa̱ 13:20

Ja̱koxi̱, ja̱koxi̱ ni xi xiánjnúꞌun: Nga tsi tjín xí sa̱ꞌínkjaꞌa ngi̱ya ndiꞌaa̱ xi sangiya an, án boá xi tjítsꞌénkjáꞌana, kó xi tjítsꞌénkjáꞌana an, ti̱ tjítsꞌénkjáꞌá kui Néná xí katsangiyana nga.

Juaa̱ 14:21

Xi tikoón kjo̱a̱botíxomana, kó sa̱ꞌínkjatjosón, kuí xi̱ꞌba̱ xi tjoó an, kó xi tjoó an, ti̱ sa̱ꞌíntjó Na̱ꞌmina, kó an sa̱ꞌíntjó an, kó kokòo̱ ꞌyání án.

1 Xota̱ Tesalónika̱ 4:8

Kó kuíni nga, kui xota̱ xi ꞌbijñátꞌaxín kui ni xi tjibókoyaá, jmí tsi xotaa̱ xi ꞌbijñátꞌaxín, Néná boá xi ꞌbijñátꞌaxín, kui Néná xi je katsjájnú A̱si̱énni̱xtjii̱n.

1 Xo̱jo̱o̱n Peé 5:6

Kuíni nga ni̱ma̱kjo̱a̱ ti̱ꞌánjnú yojojnú ngindie ngaꞌniú jee̱ Néná, tsi̱ꞌe̱ nga kui skjinínkꞌájnú kjiꞌá má nga kjo̱chó chi̱bo̱a̱.

Ni xi akakoo̱ 21:14

Kó xoó kui na̱xi̱ńdáꞌniuú tiejó ndi̱jo̱ kisꞌijña ngindiee̱, kó ki̱a̱ kisitꞌa jaꞌeén nga tiejó já apostroo̱ cho̱tsa̱nga̱a̱.

Ni xi akakoo̱ 3:21

Kui xi sa̱ꞌiín, ngo ngi̱ndie tsjàa̱ nínga tsꞌénbotixoma an, kó ki̱a̱ kꞌuijñátꞌana, xikótsꞌèn je katsꞌen an, kó kꞌi̱e̱ tikóntꞌáa̱ an Na̱ꞌmina nínga tsꞌénbotixómá.