Rkaa̱ 9:44 - Xo̱jo̱n eén Néná

⁴⁴ –Nda má tasiénijónjnúu̱ kui nii̱, kó nga niꞌánchíyájínjnú, ngatꞌa̱ ndií nda̱ xi̱ꞌii̱n ngi̱ya tsja xotaa̱ si̱ꞌankꞌasꞌien.

Rkaa̱ 9:44 ပူးပေါင်းရင်းမြစ်များ

Matioo̱ 16:21

Ndeskande koó kjiꞌa ítsꞌi̱yanii̱ Kjisoo̱ nga katsóyaà xota̱ tsi̱ꞌe̱, nga chjiéngá ko̱e̱je̱ na̱xi̱ńdáꞌniú Jerusale̱n, kó nga chjiéngá tsie kjo̱a̱ni̱ma̱ kjo̱a̱ꞌatio ngi̱ya tsja já xchá ngito̱ko̱o̱ na̱xi̱ńdaá, ko̱jo já ngito̱ko̱o̱ chináꞌmii̱, ko̱jo já chji̱ni̱e̱kjo̱a̱kitii̱, kó katsóyà nga chjiéngá si̱ꞌankꞌien, kó nga xi ma jaán ni̱xtjin kjo̱a̱ꞌáꞌyaá.

Matioo̱ 26:2

–Ja̱ jè yàjnú nga ngi jó ni̱xtjin chaja nga ka̱ma sꞌué paskuaa̱, kó ndií nda̱ xi̱ꞌii̱n si̱ꞌankꞌasꞌien tsi̱ꞌe̱ nga kjótꞌa kro.

Markoo̱ 8:31

Kó Kjisoo̱ ítsꞌi̱yanii̱ nga akóyaá xotaa̱ nga ndií nda̱ xi̱ꞌii̱n chjiéngá tsie kjo̱a̱ni̱ma̱ kjo̱a̱ꞌatio, ko̱jo nga sa̱ꞌínchꞌó já xchá ngito̱ko̱o̱ na̱xi̱ńdaá, ko̱jo já ngito̱ko̱o̱ chináꞌmii̱, ko̱jo já chji̱ni̱e̱kjo̱a̱kitii̱, kó katsóyà nga chjiéngá si̱ꞌankꞌien, kó nga xi ma jaán ni̱xtjin kjo̱a̱ꞌáꞌyaá.

Markoo̱ 9:31

ngatꞌa̱ xota̱ tsi̱ꞌe̱ akóyaá, kó bi̱ katsoó: Ndií nda̱ xi̱ꞌii̱n ngi̱ya tsja xotaa̱ si̱ꞌankꞌasꞌien, kó sa̱ꞌínkꞌién, kó ngije kiniꞌánkꞌién, xi ma jaán ni̱xtjin kjo̱a̱ꞌáꞌyaá.

Rkaa̱ 1:66

Kó ngayeje xota̱ xi tsintꞌié kuí nii̱, katsꞌénkjó, kó bi̱ katsó nga asíyaá xkjín: —ꞌYání bo̱a̱ xi ka̱ma kui ndií nga kjo̱chó ni̱xtjin. Ngatꞌa̱ nga ja̱koxi̱ ngaꞌniuú Ndi̱a̱ná boá xi tikónjii̱n.

Rkaa̱ 18:31

Sꞌe̱ Kjisoo̱ tsíchji̱a̱jotꞌaxín já xí tiejoó, kó bi̱ katsoó: –Tsitsíjenjnúu̱ nga kꞌi̱e̱ ndyi̱mongínnijíngí xtji̱e̱e̱n na̱xi̱ńdáꞌniú Jerusale̱n, kó kjo̱tjosón ngayeje ni xi je katsꞌénꞌindó já chji̱ni̱e̱ꞌe̱én Néná kjo̱a̱a̱ ndií nda̱ xi̱ꞌii̱n.

Rkaa̱ 2:19

Ta̱nga na̱ Riyaa̱ ini̱ma̱a̱ íjin ngayeje kui ni xi kamaá, kó ta̱ kui ni katsꞌénkjó.

Rkaa̱ 2:51

Kó bo̱a̱ tsꞌén nijan kijíjo̱ nginí na̱xi̱ńdáꞌniú Nasaree̱t, kó Kjisoo̱ tsintꞌiéꞌén ngayeje ni xi kiꞌmií. Kó na̱aa̱n ndí nda̱chí Kjisoo̱ ngi̱jin ini̱ma̱a̱ jaꞌátjó ngayeje nii̱.

Rkaa̱ 24:44

Sꞌe̱ bi̱ katsoó kui jaá: –Kuí eén xi tsíchji̱a̱ an, kjiꞌanga ta̱kó tikónjo̱jnúꞌun: nga chjiéngá kjo̱tjosón ngayeje ni xi kjitꞌa kjo̱a̱a̱ an ngi̱ya kjo̱a̱kitii̱ Moisee̱, xo̱jo̱n xi katsꞌénꞌindó já chji̱ni̱e̱ꞌe̱én Néná ko̱jo xo̱jo̱n Salmoo̱.

Rkaa̱ 9:22

Kó bi̱ katsoó: –Ndií nda̱ xi̱ꞌii̱n chjiéngá tsie kjo̱a̱ni̱ma̱ kjo̱a̱ꞌatio, ko̱jo nga sa̱ꞌínchꞌó já xchá ngito̱ko̱o̱ na̱xi̱ńdaá, ko̱jo já ngito̱ko̱o̱ chináꞌmii̱, ko̱jo já chji̱ni̱e̱kjo̱a̱kitii̱. Kó katsóyà nga chjiéngá si̱ꞌankꞌien, kó nga xi ma jaán ni̱xtjin kjo̱a̱ꞌáꞌyaá.

Juaa̱ 16:31

Sꞌe̱ Kjisoo̱, bi̱ katsó: –A je sꞌijinjnú ngotꞌe̱ ꞌne̱.

Juaa̱ 16:4

Ta̱nga tsꞌénxiyàjnúꞌun kui nii̱, tsi̱ꞌe̱ nga, nga kjo̱chó chi̱bo̱a̱ kjo̱a̱ꞌátsjienjnú ni xi je kixian an. Kixiyajínjnúꞌun kui nii̱ nga ítsꞌi̱yanii̱, ngatꞌa̱ ki̱a̱ kisꞌijñajo̱jnúꞌun.

Juaa̱ 19:11

Sꞌe̱ Kjisoo̱, bi̱ katsó: –Nde ngo xájiín tsi̱ꞌe̱ nga si̱ꞌinjéní, tsi Nénájín xi katsjaá kui xaá, kó kuíni nga kui nda̱ xi ngi̱ya ndse̱ katsꞌénkꞌasꞌienna, tsie ngase jé tjiín.

Ni xi kamá 2:23

kuí nda̱a̱, xi kiniꞌánkꞌasꞌien nga ja̱bo̱a̱ je índa Néná nga bo̱a̱ ka̱maa̱, kui xi ikꞌítꞌaꞌniújnú ko̱jo xi kiniꞌánkꞌiénjnú, nga kiniꞌánkꞌasꞌienjnú ngi̱ya tsja xota̱ xi ndajín nga akjatꞌa kro,

Xota̱ Ebreo̱ 2:1

Kuíni nga chjiéngá si̱ꞌansée̱n kuí én xí je kandaꞌyá, tsi̱ꞌe̱ nga kje̱ꞌejín ndi̱yà kongín.