Rkaa̱ 9:28 - Xo̱jo̱n eén Néná

²⁸ Kó mara̱ jin ni̱xtjin jaskan nga íni̱jmì kuí eén, Kjisoo̱ kijínijíngí ngo tji̱ngi̱ nínga kijíchji̱a̱a̱ Néná, kó nijan kijíjo̱ Peé, ko̱jo Sandiyaá, ko̱jo Juaa̱.

Rkaa̱ 9:28 ပူးပေါင်းရင်းမြစ်များ

Xo̱jo̱n Salmoo̱ 109:4

An chji̱a̱taꞌinna, ndatsi tjóna kui, kó chjiátje an.

Matioo̱ 14:23

Kó ngije kijí ngayeje xotaa̱, Kjisoo̱ kijínijíngí tji̱ngi̱i̱ nga tsíchji̱a̱ soboaá Néná, kó ngije kamájñoó ki̱a̱ kisꞌijña soboá.

Matioo̱ 5:1

Nga kamábe Kjisoo̱ nga achichí má xotaa̱, ngo tji̱ngi̱ kijínijíngí nínga kisꞌijñando, kó xota̱ tsi̱ꞌe̱ kijíkóntiñaa̱,

Markoo̱ 1:35

Ngo ndi̱yà nga achichí ta̱jñó, nga jñóyà ngasee̱, jastjíe̱n Kjisoo̱, kó kijí ngo ngi̱ndie tꞌaxín nga kijíchji̱a̱a̱ Néná.

Markoo̱ 6:46

Kó ngije kijí xotaa̱, Kjisoo̱ kijínijíngí tji̱ngi̱i̱ nga tsíchji̱a̱a̱ Néná.

Rkaa̱ 3:21

Kó ni̱xtjin nga ngayeje xota̱ na̱xi̱ńdaá jachókatíndá yojoo̱, ti̱ jachó Kjisoo̱ nga, kó ti̱ kastindá, kó nga tsꞌénchji̱a̱a̱ Néná, katjoxꞌá ndiꞌakꞌajmi jàn,

Rkaa̱ 5:16

Ta̱nga Kjisoo̱ tsangasendie nga kijítꞌaxín ngo ngi̱ndie nínga jmíjín xi tjín nga kijíchji̱a̱a̱ Néná.

Rkaa̱ 6:12

Kui ni̱xtjin jàn, Kjisoo̱ kijí ngo tji̱ngi̱ nga tsíchji̱a̱a̱ Néná, kó ki̱a̱ jaꞌaa̱ ngo ni̱xtji̱e̱n nga tsíchji̱a̱a̱ Néná.

Rkaa̱ 8:51

Kó nga jachó Kjisoo̱ ndiꞌaa̱ Jairoo̱, ta̱ꞌyajín xi nijan tsꞌasꞌienjo̱ ngase, ta̱ Peé, ko̱jo Sandiyaá, ko̱jo Juaa̱, ko̱jo na̱ꞌmii̱, ko̱jo na̱aa̱n kui tsa̱kjìnchií tsí.

Rkaa̱ 9:18

Kó ngo ndi̱yà nga Kjisoo̱ tsꞌénchji̱a̱tꞌaxiín Néná, kó xota̱ tsi̱ꞌe̱ nijan tikónjo̱, sꞌe̱ Kjisoo̱, bi̱ katsó nga asíyaá: –Kó tsó xotaa̱, ꞌyá xóní án.

Juaa̱ 6:3

Kó Kjisoo̱ kijínijíngí ngo tji̱ngi̱, kósꞌe̱ ki̱a̱ kisꞌijñando ko̱jo xota̱ tsi̱ꞌe̱.

2 Xota̱ Korinto̱ 13:1

Kuí bí xi̱ꞌbi̱, xi ma jaán ndi̱yà nga kjuínkátsijenjnúꞌun. Ngayeje ni xi ka̱mandajin chjiéngá tsi jó ko̱jo tsi ján chistiko̱ xi si̱ꞌankjién nga ku̱i̱chji̱a̱ ni xi be.

Xota̱ Ebreo̱ 5:7

Kó kjiꞌanga kisꞌijña Kristoo̱ kui nga̱sondiee̱, ꞌniú tsíꞌá kó achichí askjandá nga tsíchji̱a̱a̱ kui Néná xi ka̱maa̱ nga xín sa̱ꞌínkjaꞌàa̱ kjo̱a̱bo̱yaa̱, kó Néná tsintꞌieé, ta̱ngatꞌanii̱ nga kamábendikón Néná.

2 Xo̱jo̱o̱n Peé 1:16

Kjiꞌanga kiꞌmíyàjne̱ nga kji̱ndi̱bá nginí Ndi̱a̱ná Jesukristoo̱ nga kjo̱e̱ꞌéjo̱ ngaꞌniuú, jmí tsi én xchá maña̱ xi ta̱ kiniꞌánda xí tsangíntjingijne̱, ta̱sá kiꞌmíyàjne̱ ngatꞌa̱ ji̱n má xi kamáyàjne̱ ngaꞌniuú Ndi̱a̱ná.