Rkaa̱ 9:2 - Xo̱jo̱n eén Néná

² Kó katsangiya tsi̱ꞌe̱ nga ku̱i̱ꞌíni̱jmì kjo̱a̱a̱ nínga botixómá Néná, ko̱jo tsi̱ꞌe̱ nga sa̱ꞌíndaya xota̱ xi oo̱n.

Rkaa̱ 9:2 ပူးပေါင်းရင်းမြစ်များ

Matioo̱ 10:5

Nga tiejó kui xotaa̱ xi katsangiya Kjisoo̱, kó bi̱ katsoó ngindiee̱ nga ko̱e̱je̱: –Ngata̱ mongínjínjnú nínga síndo xota̱ xi jundío̱jín, ti̱nde ngata̱ bitjasꞌi̱e̱njínjnú ngo na̱xi̱ńdá nínga síndo xota̱ xi chji̱a̱ni nangi Samaria̱,

Matioo̱ 13:19

Kjiꞌanga ngo xi ntꞌié eén, kó makjínjiín xikótsꞌèn botixómá Néná, xikónií kui xojmá xi ixó tꞌa ndi̱ya̱à, ngatꞌa̱ ndibá xindajín, kó foaꞌáxiín ni xi je tjitjíe̱ nga̱són ini̱ma̱a̱.

Matioo̱ 24:14

Kó kꞌuiyáni̱jmì kui éntjatsi̱e̱e̱ nínga botixómá Néná ngayeje nga̱sondiee̱, tsi̱ꞌe̱ nga sku̱i̱e̱ ngayeje na̱xi̱ńdá, kó kjiꞌa ꞌne̱ nga kju̱i̱e̱ nga̱sondiee̱.

Matioo̱ 3:2

nga bi̱ katsó: –Ti̱ꞌankꞌoyàjnú yojojnú kjo̱a̱a̱ ni xi ndajínkjiꞌi xi ndyi̱niꞌánjnú, ngatꞌa̱ Néná jè ko̱tíxoma.

Markoo̱ 16:15

Kó bi̱ katsoó: –Tangínjnú ngayeje són nga̱sondiee̱ kó tꞌíni̱jmìjnúu̱ éntjatsi̱e̱e̱ Néná ngayeje xota̱ xi tjiín.

Markoo̱ 6:12

Kó kijí xota̱ tsi̱ꞌe̱ Kjisoo̱ nga kijíkꞌini̱jmi̱ì xotaa̱ nga sa̱ꞌínkꞌoyà yojoo̱ kjo̱a̱a̱ jé xí ndyi̱tsꞌèn.

Rkaa̱ 10:1

Jaskan ngije kamá kui nii̱, Ndi̱a̱ná bo̱a̱ ti̱ tsꞌén jaꞌájin ngi ichítié ko̱jo kan jó já, kó jó jó katsangiyatjón ngayeje na̱xi̱ńdá nínga ko̱e̱je̱ kui.

Rkaa̱ 10:11

“Ngaskande xa̱a̱ ńdie xi tjín kui na̱xi̱ńdájnú xi tsajájón ndsa̱kojne̱, ꞌbítsaniejne̱ kondra̱ tsa̱jún. Ta̱nga ngatamayajnú kui nii̱, nga jè tsá ko̱tíxomájnú Néná.”

Rkaa̱ 10:9

kó ti̱ꞌandayajnú xota̱ xi oo̱n xi síndo kui ngi̱ndiee̱, kó bi̱ tꞌínjnúu̱: “Jè tsá ko̱tíxomájnú Néná.”

Rkaa̱ 16:16

Kjo̱a̱kitii̱ ko̱jo ni xi katsꞌénꞌindó já chji̱ni̱e̱ꞌe̱én Néná jetꞌani ngaskande nga kisꞌijña Jua̱ xi botíndaá, kó ndeskande koó kjiꞌa tjíꞌbíni̱jmì éntjatsi̱e̱e̱ nínga botixómá Néná, kó ngayeje xotaa̱ xi tsꞌén ngo kjo̱a̱ꞌniú, tsi̱ꞌe̱ nga kꞌo̱sꞌien kui ngi̱ndiee̱.

Rkaa̱ 9:11

Ta̱nga ngije kamábe xota̱ kjiín kijítji̱ngii̱ nínga kijí Kjisoo̱, kó Kjisoo̱ katsꞌénseén nga íni̱jmi̱ì kjo̱a̱a̱ nínga botixómá Néná, ko̱jo katsꞌéndaya xota̱ xi oo̱n.