Rkaa̱ 9:11 - Xo̱jo̱n eén Néná

¹¹ Ta̱nga ngije kamábe xota̱ kjiín kijítji̱ngii̱ nínga kijí Kjisoo̱, kó Kjisoo̱ katsꞌénseén nga íni̱jmi̱ì kjo̱a̱a̱ nínga botixómá Néná, ko̱jo katsꞌéndaya xota̱ xi oo̱n.

Rkaa̱ 9:11 ပူးပေါင်းရင်းမြစ်များ

Matioo̱ 12:15

Ta̱nga Kjisoo̱ kamákjiín kui nii̱, kó xín kijí, kó achichí má xota̱ xi kijítji̱ngii̱, kó ngayeje xota̱ xi oo̱n katsꞌéndaya,

Matioo̱ 14:14

Kó ngije jachó Kjisoo̱, nga jatjajen tjotso jee̱ achichí má xota̱ xi kamábe, kó ni̱ma̱ kamaá, kó katsꞌéndaya xi oo̱n.

Matioo̱ 21:31

ꞌYání nga jó kui ndií xi katsꞌén ni xi katsoó na̱ꞌmii̱. –Xi tjón kanangiyaa̱. Katsó xota̱a̱ Kjisoo̱. Kó Kjisoo̱, bi̱ katsó: –Ja̱koxi̱ ni xi xiánjnúꞌun nga kui já xí foaꞌáꞌyá to̱n xi machjítjé nii̱ ko̱jo ínchjínmasieén, kuí xí tjón kꞌo̱sꞌien nínga botixómá Néná, ta̱bo̱a̱jiín jún.

Matioo̱ 21:43

Ja̱ kuíni nga tsꞌénxiyàjnúꞌun nga nínga botixómá Néná chja̱ꞌáxínjnú jún, kó xota̱ na̱xi̱ńdá xí tsjá to xí ko̱e̱ꞌeé.

Rkaa̱ 1:53

Xota̱ xi bojoó katsjaá nichinie, kó xota̱ xi cho̱o̱n katsꞌénkjítiya.

Rkaa̱ 5:31

Kó Kjisoo̱, bi̱ katsoó: –Xota̱ xi oo̱n xí chjieén chji̱ni̱e̱ndiki, jmí tsi xota̱ xi ndaa̱.

Rkaa̱ 8:1

Kó jaskan ngije kamá kui nii̱, Kjisoo̱ kijí ngayeje na̱xi̱ńdáꞌniú ko̱jo ndí nangi, nga katsóyà éntjatsi̱e̱e̱ kjo̱a̱a̱ nínga botixómá Néná. Nga tiejó xota̱ tsi̱ꞌe̱ ki̱a̱ nijan kistsoꞌbájo̱,

Rkaa̱ 8:10

Kó Kjisoo̱, bi̱ katsó: –Jún jè kiꞌmíyàjnú ni xi tjiꞌmaá xikótsꞌèn botixómá Néná, ta̱nga xota̱ xi ngasee̱ énkjín xí tjindókjo̱a̱jo, tsi̱ꞌe̱ nga ndatsi skotsíjen, sku̱i̱e̱jín, kó ndatsi ku̱i̱ntꞌiè, ka̱makjínjiín.

Rkaa̱ 9:10

Kó ngije jachó nginí já apostroo̱, íni̱jmi̱ì Kjisoo̱ ngayeje ni xi katsꞌén. Kó Kjisoo̱ kijíjo̱tꞌaxín kui jaá ngo ngi̱ndie kjiꞌitiya tiñaa̱ na̱xi̱ńdáꞌniú Betsainda̱.

Rkaa̱ 9:12

Kó nga je mején kjimaꞌña̱, jachókoón Kjisoo̱ nga tiejó xota̱a̱, kó bi̱ katsoó: –Ti̱ꞌinkjí kui xotaa̱ ꞌne̱, tsi̱ꞌe̱ nga ko̱e̱je̱ nínga jno̱o̱ ko̱jo ndí nangi xi síndo tiñaa̱, tsi̱ꞌe̱ nga kꞌo̱tsie chií ni xi skji̱ni̱e̱, ngatꞌa̱ kjiꞌitiya kuí ngi̱ndiee̱.

Rkaa̱ 9:2

Kó katsangiya tsi̱ꞌe̱ nga ku̱i̱ꞌíni̱jmì kjo̱a̱a̱ nínga botixómá Néná, ko̱jo tsi̱ꞌe̱ nga sa̱ꞌíndaya xota̱ xi oo̱n.

Juaa̱ 4:34

Ta̱nga Kjisoo̱, bi̱ katsó: –Ni chiniena, kuí boá nga chjiéngá sa̱ꞌinkjatjosón an ni xi mejeén xi katsangiyana, kó nga ka̱mando̱jo ni xi mejeén sa̱ꞌín kuí.

Juaa̱ 6:37

Ngayeje xota̱ xi je jaꞌájin Na̱ꞌmina, kji̱ndi̱bákónna, kó xi kji̱ndi̱bákónna sa̱ꞌinchꞌójín an,

Ni xi kamá 28:31

kó nde jmíjín xi katsꞌénniꞌii̱n nga íni̱jmì eén kjo̱a̱a̱ xikótsꞌèn ko̱tíxoma Néná, ko̱jo nga akóyá kjo̱a̱a̱ Ndi̱a̱ná Jesukristoo̱.

Xota̱ Roma̱ 10:14

Ta̱nga, kótsꞌèn sa̱ꞌínkaxoma jaꞌeén Néná kui xota̱ xi kji̱e̱ sꞌijinjiín Néná. Kó kótsꞌèn sꞌi̱jii̱n Néná tsi kji̱e̱ ntꞌiéjín ꞌyání xi Néná. Kó kótsꞌèn ku̱i̱ntꞌiè tsi jmíjín xi ku̱i̱ꞌíni̱jmi̱ì.

Xota̱ Roma̱ 10:17

Kuíni nga sꞌijinná Néná, kjiꞌanga ndaꞌyá eén, nga ꞌbíni̱jmìná kjo̱a̱a̱ Jesukristoo̱.

Xota̱ Roma̱ 15:3

Ngatꞌa̱ Kristoo̱ jmí tsi ni xi tsjaa̱ kui xi tsangase, ta̱sá bo̱a̱ kiniꞌánjo̱ xikótsꞌèn kjitꞌa xo̱jo̱n eén Néná: “Én chꞌo tsó xi katsoó jí xotaa̱, an kasatiena.”

2 Timoo̱ 4:2

nga tꞌíni̱jmìi̱ xotaa̱ kui eén, bo̱a̱ ti̱ꞌin ji nga ka̱ma, ko̱jo nga ka̱májín, ti̱ꞌinꞌindakon ji tsi̱ꞌe̱ nga sku̱i̱e̱ tsi ndajínkjiꞌi ni xi katsꞌén, ti̱ꞌinchji̱ni̱ ji ko̱jo te̱ꞌéngaꞌníi̱, kó takoyèe̱ nga bi̱ tsiee̱ ka̱ma takín.

Xota̱ Ebreo̱ 4:16

Si̱ꞌantiñáa̱ yojoná tsobo̱a̱, kó si̱ꞌanꞌniátakón Néná xi botixómáná, ko̱jo xi tsjáná kjo̱a̱ndaa̱, tsi̱ꞌe̱ nga sa̱kóná kjo̱a̱ni̱ma̱takoón, kó sa̱kóná kjo̱a̱ndaa̱ kjiꞌá má nga ka̱machjiénná kuí.