Rkaa̱ 9:1 - Xo̱jo̱n eén Néná

¹ Kó Kjisoo̱ ngije ítikó nga tiejó xota̱ tsi̱ꞌe̱, katsjaá ngaꞌniú ko̱jo xá, tsi̱ꞌe̱ nga ka̱maa̱ kꞌo̱xié ngayeje to̱ko̱ya a̱si̱énni̱xtjii̱n xindajín, ko̱jo nga sa̱ꞌíndaya ngayeje xota̱ xi tjiín chiꞌin.

Rkaa̱ 9:1 ပူးပေါင်းရင်းမြစ်များ

Matioo̱ 16:19

Kó ji tsjaa yibii̱ nínga botíxomaa̱ Néná, kó ngayeje ni xi kuítꞌaꞌní jí tꞌanangii̱, si̱tꞌaꞌniú ndiꞌakꞌajmi jàn, kó ngayeje ni xi chjándé jí tꞌanangii̱ xtjóndó ndiꞌakꞌajmi jàn.

Matioo̱ 4:24

Kó ta̱jñàní nga kandaꞌyá ni xi katsꞌén Kjisoo̱, ngayeje ngi̱ndie xi chji̱a̱ni nangi Siria̱, kó tsangínjoo̱ ngayeje xota̱ xi tjiín ngo chiꞌin, ko̱jo ngayeje xi oo̱n, ko̱jo xi tjíjii̱n a̱siénni̱xtjin xi ndajín, ko̱jo xi tjiín kjo̱a̱ndasen, ko̱jo xi tjiín chiꞌin ꞌmeya, ko̱jo xi májín fí, kó Kjisoo̱ katsꞌéndaya kui xotaa̱.

Matioo̱ 8:9

Ngatꞌa̱ ti̱ bo̱a̱ ti̱ tsꞌén án, ti̱ tjínna ngo ngito̱ko̱ xi botixómána, kó ti̱ tjínna jájún xi botixomáa̱, kó tsi bi̱ xiáa̱n xi̱ꞌbi̱: Tꞌen ji, kó ko̱e̱je̱, kó tsi kje̱ꞌe xí ja̱bíꞌi̱n xiáa̱n, kó kji̱ndi̱bá, kó kjiꞌanga moso̱na tsangiya an nga sa̱ꞌín ngo ni, tsꞌénkjátjosónna.

Rkaa̱ 10:1

Jaskan ngije kamá kui nii̱, Ndi̱a̱ná bo̱a̱ ti̱ tsꞌén jaꞌájin ngi ichítié ko̱jo kan jó já, kó jó jó katsangiyatjón ngayeje na̱xi̱ńdá nínga ko̱e̱je̱ kui.

Rkaa̱ 10:19

Tsitsíjenjnú nga án boá xi tsꞌéntsjájnúꞌun ngaꞌniú tsi̱ꞌe̱ nga ka̱ma kongínjinjnú ye̱ ko̱jo cho̱ndáyá, ko̱jo tsi̱ꞌe̱ nga si̱ꞌánjnúu̱ ngayeje ngaꞌniuú kondraa̱, kó nga jmí ni ka̱májínjnú jún.

Juaa̱ 14:12

Ja̱koxi̱, ja̱koxi̱ ni xi xiánjnúꞌun: Xi sꞌijii̱n an, xá xí tsꞌen an sa̱ꞌín ndatsa kui nga, kó tsie ngase ni xi sa̱ꞌín, ngatꞌa̱ Na̱ꞌmii̱ tsꞌénfikóo̱n,

Ni xi kamá 1:8

ta̱nga kjiꞌanga kjo̱e̱ꞌe̱kónjnú A̱si̱énni̱xtjii̱n Néná, sa̱kójnú ngaꞌniuú, kó ka̱ma chistiko̱na ka̱majnú, kó jmí tsi ta̱ na̱xi̱ńdáꞌniú Jerusale̱n tsi, ko̱jo ngayeje nangi Jundea̱, ko̱jo nangi Samaria̱, ko̱jo ngaskande nínga fetꞌaa̱ tꞌanangii̱.

Ni xi kamá 3:16

Kó ta̱ngatꞌanii̱ nga sꞌijinjne̱ Kjisoo̱, nga kui nda̱ xi̱ꞌbi̱, kui xi ndyi̱yajnú, ko̱jo xi ja̱bo̱a̱ je yàjnú, kasakongaꞌniuú, kó ta̱ngatꞌanií nga sꞌijii̱n Kjisoo̱, kuíni nga kamándaya cha̱n cha̱n kui nda̱a̱ ngindyikónjnú.

Ni xi kamá 4:30

Tjienníjne̱ ndse̱, tsi̱ꞌe̱ nga ngaꞌniúu̱ ka̱mandayani xota̱ xi oo̱n, kó nga jaꞌeén Kjisoo̱, ndí xi tsjièe̱, ka̱makjién nga ka̱ma chi̱bo̱a̱ ko̱jo kjo̱a̱ndikón.

Ni xi kamá 9:34

Kó Peé, bi̱ katsoó: –Enea̱, Jesukristoo̱ xí tjítsꞌéndáyaá, ti̱sítji̱n ji, kó chja̱ꞌáꞌyé ji ṉcháa̱n. Kó Eneaa̱ tji̱e̱nmá jastjíe̱n.