Rkaa̱ 8:44 - Xo̱jo̱n eén Néná

⁴⁴ Kui xota̱chjo̱on kijíkóntiñaa̱ xtji̱e̱e̱n nga̱xto̱n Kjisoo̱, kó katsꞌénjo̱ nga̱ndee̱ ńjñoo̱, kó ti̱ kjiꞌa kixixió kui chi̱xójín xí koo̱n.

Rkaa̱ 8:44 ပူးပေါင်းရင်းမြစ်များ

Éksondo̱ 15:26

Kó bi̱ katsoó: «Án boá xi Nejnú. Án boá xi tsꞌendayajnúꞌun. Tsi jún nda ko̱si̱e̱nnijónjnúꞌun, kó tsi si̱ꞌankjatjosónjnúꞌun kui kjo̱a̱botíxomaa̱ ko̱jo kui kjo̱a̱kiti xi tsꞌéntsjájnúꞌun ngotꞌe̱, kó tsi ta̱soboá ni xi ndaa̱ xi si̱ꞌánjnú, sa̱ꞌinjéjínjnúꞌun xikó katsꞌenjo̱ an xota̱ Ejiptoo̱».

Matioo̱ 20:34

Kósꞌe̱ Kjisoo̱ kamáni̱ma̱a̱ kui jaá, katsꞌénjo̱ ndyi̱ko̱n, kó ti̱ kjiꞌa kamátsijee̱n, sꞌe̱ kui jaá kijítji̱ngii̱ Kjisoo̱ ngijee̱.

Matioo̱ 8:3

Sꞌe̱ Kjisoo̱ yejénnié tsja kó katsꞌénjo̱, nga bi̱ katsoó: –Mejénna, ngatamatsjiejón ji. Kó ti̱ kjiꞌa katjoꞌóxín chiꞌin xi koo̱n kui nda̱a̱.

Matioo̱ 9:20

Kó tji̱e̱nga ndyi̱fí, ngo xota̱chjo̱on xí tiejó nónií nga tjiín chi̱xójín kijíkóntiñaa̱ xtji̱e̱e̱n nga̱xto̱n Kjisoo̱, kó katsꞌénjo̱ nga̱ndee̱ ńjñoo̱,

Markoo̱ 6:56

Kó ngayeje ngi̱ndie nínga jachó Kjisoo̱, tsi ndí nangi xi̱xi̱, tsi na̱xi̱ńdáꞌniú ko̱jo tsi nínga jno̱, nínga síndo xi oo̱n, ngi̱ya ndi̱yàtié askoyaá, kó ꞌniú kichjiáꞌaá tsi̱ꞌe̱ nga ndeta̱ ńjñoo̱ xí si̱ꞌanjo̱, kó ngayeje xota̱ xi oo̱n xi katsꞌénjo̱ ńjñoo̱ Kjisoo̱ kamándaya.

Rkaa̱ 13:13

Kó Kjisoo̱ íjñasoón tsja kui xota̱chjo̱on, kó tji̱e̱nmá kisꞌijñakixi̱, kó kui xota̱chjo̱on ítsꞌi̱yanii̱ nga katsjaá kjo̱a̱je Néná.

Rkaa̱ 7:38

kó kisꞌijñando tꞌa se Kjisoo̱, askjandá, sꞌe̱ ítsꞌi̱yanii̱ nga ndándyíko̱n aniéjónni sé Kjisoo̱, kó tsja̱to̱ko̱ katsꞌénxíjónni, sꞌe̱ atíndsoꞌá sé, kósꞌe̱ katsangijon ndásíjee̱n.

Rkaa̱ 8:43

Kó ngo xota̱chjo̱on xí tiejó nónií nga tjiín chi̱xójín xi je katsꞌénkjié ngayeje to̱o̱n nga kijíkoón chji̱ni̱e̱ndiki, kó nde ngojín xi katsꞌéndaya.

Rkaa̱ 8:45

Kó Kjisoo̱, bi̱ katsó nga asíyá: –ꞌYání bo̱a̱ xi katsꞌénjo̱na. Kó xota̱ xi tsoꞌbájo̱ ji̱njín katsó, sꞌe̱ Peé, bi̱ katsó: –Mostro̱, xota̱ kjiín tsꞌénꞌbindyióꞌniuú, kó ndyi̱tsangińña kꞌi̱e̱ ndyi̱tsangińña jaán, kó bi̱ tꞌísé ji: “ꞌYání bo̱a̱ xi katsꞌénjo̱na.”

Juaa̱ 5:13

Kó nda̱ xi kamándayaa̱, kamábejín ꞌyání bo̱a̱ xi bo̱a̱ katsoó, ngatꞌa̱ Kjisoo̱ kichajájin ngi̱jii̱n kui xota̱ xi síndo kui ngi̱ndiee̱.

Ni xi kamá 19:12

ngaskande poñoo̱, ko̱jo ńjño xi katsꞌénkjién Pabloo̱ tsangínjoo̱ ngayeje xota̱ xi oo̱n, kó kamándaya ngayeje chiꞌin xi koo̱n, kó bo̱a̱ ti̱ tsꞌén a̱siénni̱xtjin xi ndajín xi kisꞌińdojii̱n yojoo̱ xotaa̱ jatjo.

Ni xi kamá 5:15

kó ngaskande ngi̱ya ndi̱yàtié kaꞌnaxié xota̱ xi oo̱n, nga akjajñasón ṉchan tsi̱ꞌe̱ nga, nga kjo̱a̱ꞌa Peé, ndeta̱ tji̱nkꞌi̱e̱én xí kjo̱a̱ꞌanié kui xota̱ xi oo̱n.

Ndeuteronomio̱ 22:12

»Ńjño xi fotꞌa nga̱xtón xi si̱ꞌankjiénjnú chjiéngá ńchjón kꞌuíndoo̱ nga nijón nijon.