Rkaa̱ 8:18 - Xo̱jo̱n eén Néná

¹⁸ Tsitsíjenjnúu̱ kótsꞌèn ndaꞌyájnú, ngatꞌa̱ xi ntꞌié ni xi bokoyá an, tsie ngase ko̱e̱ꞌeé nga ka̱makjiín, ta̱nga xi ntꞌiéjín, chja̱ꞌáxiín ngaskande ni chií xi tsꞌénkjó nga makjiín.

Rkaa̱ 8:18 ပူးပေါင်းရင်းမြစ်များ

Énkjínkón 14:12

Tjín ndi̱yà xí achichí kixi̱ maa̱ xotaa̱, ta̱nga nga fetꞌani, ndi̱ya̱à kjo̱a̱bo̱yaa̱ boá.

Matioo̱ 13:12

Ngatꞌa̱ ta̱ꞌyaní xi ntꞌié ni xi bokoyá an, tsie ngase ko̱e̱ꞌeé nga ka̱makjiín, kó ꞌniú ka̱makjiín, ta̱nga xi ntꞌiéjín, chja̱ꞌáxiín ngaskande ni xi chií makjiín.

Matioo̱ 25:29

Ngatꞌa̱ xi tjiín, ko̱e̱ꞌeé, kó tsie ngase kꞌuieé, kó xi jmíjiín, ngaskande ni xi tjiín xi chje̱ꞌéxiín.

Markoo̱ 13:14

Ta̱nga kjiꞌanga xcha̱jnú jún ngo ni xi ta̱nisién ꞌniú chꞌokjiꞌi xi tsíchji̱a̱ nda̱ chji̱ni̱e̱ꞌe̱én Néná xi ꞌmí Ndanii̱ nga ki̱a̱jín tikón nínga kꞌuijñá (xi sa̱ꞌínyà kui eén, ngatamakjiín), kósꞌe̱ kjiꞌá boá nga kui xota̱ xi síndo nangi Jundea̱ ngatanga ngi̱jin kꞌijñá jàn.

Rkaa̱ 19:26

Ta̱nga bi̱ katsó nda̱ ree̱: “An xiyàjnúꞌun nga ngayeje xi tjiín, ko̱e̱ꞌeé, ta̱nga xi jmíjiín, ngaskande ni xi tjiín xi chje̱ꞌéxiín.

Rkaa̱ 9:44

–Nda má tasiénijónjnúu̱ kui nii̱, kó nga niꞌánchíyájínjnú, ngatꞌa̱ ndií nda̱ xi̱ꞌii̱n ngi̱ya tsja xotaa̱ si̱ꞌankꞌasꞌien.

Juaa̱ 15:2

Ngayeje tjia xi tjiín yojona xi jmí to tsjájín, na̱ꞌmina kjo̱a̱ꞌáxín, kó ngayeje tjia xi tsjá to, sa̱ꞌíntsjie tsi̱ꞌe̱ nga kjín ngase to tsja.

Ni xi kamá 10:33

Kó kuíni nga tji̱e̱nmá katsangiya an nga kijíndyiseé, kó ji kiniꞌín ji kjo̱a̱nda nga kjindibé ji. Ngotꞌe̱ ꞌne̱ kꞌi̱e̱ tindyión xtín ngayeje ñá ngindyi̱ko̱n Néná, kó mejénjne̱ ko̱nda̱ꞌyájne̱ ngayeje ni xi je katsoó Néná nga kꞌuiyéjne̱.

Ni xi kamá 17:11

kó kui xota̱ jundíoo̱ nda ngase xota̱ kamá ta̱bo̱a̱jínnii̱ xi síndo na̱xi̱ńdáꞌniú Tesalónika̱, ngatꞌa̱ achichí tsja kamaá nga tsintꞌieé eén Néná, kó ndyiojón ndyiojón iskjítꞌoyà xo̱jo̱n eén Néná kui já jundíoo̱, ta̱ tsi̱ꞌe̱ nga sku̱i̱e̱ tsi kjeén nga ja̱koxi̱ én xí tjíꞌmíyaá.

Xota̱ Roma̱ 12:3

Kuí nii̱ xi xian an kjo̱a̱a̱ ngayeje kjo̱a̱nda xi katseꞌéna, míꞌájnúꞌun nga jejín ꞌnaxié ngasejnú yojojnú, ta̱sá ti̱ juún ti̱ꞌankjó cha̱n cha̱njnú xikó kjiꞌi kjo̱a̱sꞌijin xi katsjájnú Néná nga ngo nga ngojnú.

1 Xota̱ Korinto̱ 14:37

Tsi tjín xí tsꞌénkjó nga kui xi maa̱ nga ka̱tso̱yà én xí Néná tsjaá, ko̱jo tsi kui xi maa̱ nga A̱si̱énni̱xtjii̱n Néná xí katsjaá ngo kjo̱a̱nda, ta̱sá ngatamabe nga kjo̱a̱botíxomaa̱ Ndi̱a̱ná boá ni xi tjítsꞌenꞌindójnúꞌun kꞌi̱e̱e̱.

1 Xota̱ Korinto̱ 3:18

Ngata̱ ngojín xi ꞌboṉcha̱jo yojoo̱, tsi tjín ngi̱jinjnú ngo nda̱ xi nda̱ kjínkón kjimaa̱ yojoo̱, xikoó xota̱ kjínkoón kui nga̱sondiee̱, ta̱sá xikoó tsi ngo xota̱ xi jmí ni bejín nga tsꞌén yojoo̱, tsi̱ꞌe̱ nga ngo nda̱ xi kjínkón ja̱koxi̱ ka̱ma.

1 Xota̱ Korinto̱ 8:2

Kó tsi tjín xí tsꞌénkjó nga be ngo ni, kuí boá xi kji̱e̱ bejín xikótsꞌèn chjiéngá sku̱i̱e̱.

Xota̱ Filipo̱ 3:4

Ndatsi an tjínna ngo kjo̱a̱ nga ka̱ma ka̱maꞌniátakón an kui nii̱. Jmíjín ingo xi bo̱a̱ tsꞌén ka̱maꞌniátakón kui nii̱ xikoó an.

Xota̱ Ebreo̱ 2:1

Kuíni nga chjiéngá si̱ꞌansée̱n kuí én xí je kandaꞌyá, tsi̱ꞌe̱ nga kje̱ꞌejín ndi̱yà kongín.