Rkaa̱ 8:15 - Xo̱jo̱n eén Néná

¹⁵ Kó kui xojmá xí ixó tꞌanangi ndaa̱, kuí xí xikoó xota̱ xi kixi̱, ko̱jo xi ngayeje ini̱ma̱a̱ nga ntꞌié eén, ko̱jo nga tsꞌénkjátjosón ni xi tsó eén Néná, kó ꞌniú mindyia, kó nda to xi tsjá.

Rkaa̱ 8:15 ပူးပေါင်းရင်းမြစ်များ

Xo̱jo̱n Salmoo̱ 51:10

Ji Ne, ngo ini̱ma̱ xi tsjie ti̱ꞌindení, kó ngo a̱siénni̱xtjin xi kixi̱ tꞌíjñijìnní.

Énkjínkón 3:1

Ji ndí ngata̱ niꞌínchíyéjín ji kjo̱a̱kitina, kó tjajintakín ji kjo̱a̱botíxomana,

Matioo̱ 24:13

Ta̱nga xi sa̱ꞌínchíkjo̱a̱ ngaskande nga kju̱i̱e̱tꞌa, kuí xi̱ꞌba̱ xi kjo̱tjoꞌa.

Rkaa̱ 11:28

Kó Kjisoo̱, bi̱ katsoó: –¡Ta̱sá tjón mára achichíra̱tsjaa̱ xota̱ xi ntꞌié eén Néná, kó tsꞌénkjátjosón ni xi tsó!

Rkaa̱ 6:45

Nda̱ xi ndaa̱, ni xi nda ꞌboxié xi tikónjii̱n ngi̱jin ini̱ma̱a̱, kó nda̱ xi ndajiín, ni xi ndajín ꞌboxié xi tikónjii̱n ngi̱jin ini̱ma̱a̱. Ngatꞌa̱ ni tsie xi tjíjii̱n ngi̱jin ini̱ma̱a̱ xotaa̱, kuí ni xi chji̱a̱ tsꞌoa.

Rkaa̱ 8:14

Kó kui xojmá xí ixó ngi̱jin ndaꞌyaá, kuí xí xikoó xota̱ xi ntꞌié eén Néná, ta̱nga chíchi̱ chíchi̱ ꞌbijñá kui eén, ngatꞌa̱ kjo̱a̱nda̱a̱ kjo̱a̱cho̱o̱n, ko̱jo kjo̱a̱tsja xi tjiín kuí nga̱sondiee̱, tsꞌénchájá, kó jmí to ꞌbéjiín nga maxchá.

Rkaa̱ 8:16

Ngojín xota̱ xi ku̱i̱ꞌítí ngo ndiꞌí xí tsꞌentsíjenná, tsi̱ꞌe̱ nga jaskan skjíbé ngo ti̱jì xí ku̱i̱ꞌíꞌmáni, ko̱jo tsi ngindie ngo ṉchan ku̱i̱ꞌíjñá, a mí tsí ta̱sá nínga ꞌbítíyá ndiꞌí xí tsꞌentsíjee̱n ku̱i̱ꞌíjñá, tsi̱ꞌe̱ nga sa̱ꞌíntsijee̱n xota̱ xi kꞌo̱sꞌien ngi̱ya ndiꞌaa̱.

Juaa̱ 14:15

Tsi tjójnú án, chjiéngá si̱ꞌankjatjosónjnú kjo̱a̱botíxomana.

Juaa̱ 15:10

Tsi si̱ꞌankjatjosónjnú kjo̱a̱botíxomana, kjo̱a̱tjóna ku̱i̱ndyionjinjnú, xikótsꞌèn tjítsꞌenkjatjosóo̱n kjo̱a̱botíxomaa̱ Na̱ꞌmina, kó kjo̱a̱tjó tsi̱ꞌe̱ tikónjìi̱n.

Xota̱ Roma̱ 2:7

Kjo̱a̱mindyion ngatsjéni̱xtjin tsja̱á xota̱ xi ndyi̱koyakjo̱a̱ nga ta̱ngongá ni xi nda ndyi̱tsꞌèn, kó nga ndyi̱mongase nga sa̱ko̱ó kjo̱a̱je, ko̱jo kjo̱a̱yandikón, ko̱jo nga kꞌuíndo ngatsjéni̱xtjin.

Xota̱ Roma̱ 6:22

Ta̱nga ngotꞌe̱ ꞌne̱ ngije xín kiniꞌánkjaꞌajnúu̱ yojojnú jeé, kó ngije mosoo̱ Néná jè kamájnú, tikónjnú ngo ni xi tsi̱ꞌe̱ kjo̱a̱tsjiee̱, kó nga kju̱i̱e̱tꞌa sa̱kójnú kjo̱a̱mindyion ngatsjéni̱xtjii̱n.

Xota̱ Roma̱ 7:18

Kó jè be an nga ngi̱jinna, ngi̱jin yojona, jmíjiín ni xi nda, ngatꞌa̱ ndatsi mejénna nga ni xi nda sa̱ꞌin an, ta̱nga tsꞌénjín an.

Xota̱ Roma̱ 7:4

Ti̱ bo̱a̱ ti̱ tsꞌén jún ntsꞌie, nga je kiniꞌángojo̱jnú yojojnú Kristoo̱, jè jesónjnú ngi̱yaa̱ kjo̱a̱kitii̱. Tsi̱ꞌe̱ nga ka̱mangojo̱jnú kui xi jaꞌáꞌyaá ngi̱jii̱n xota̱ xi je jesoón, kó nga ni xi nda xi tsi̱ꞌe̱ Néná xí si̱ꞌánjnú.

Xota̱ Roma̱ 8:25

Ta̱nga tsi ngo ni xi yà jàn xí xchiyá, xchiyá sakon sakoo̱n.

1 Xota̱ Korinto̱ 7:19

Ngatꞌa̱ jmí ni chjíjiín tsi kiniꞌánná ko̱jo tsi kiniꞌánjínná sirkunsisioo̱n, nga si̱ꞌankjatjosón kjo̱a̱botíxomaa̱ Néná kuí ni xi xi̱ꞌba̱ xi chjínií.

Xota̱ Éfeso̱ 2:8

Ngatꞌa̱ ta̱ngatꞌanii̱ kjo̱a̱ndaa̱ Néná nga jún je jatjoꞌajnú ngatꞌa̱ kisꞌijinjnú, kó kui nii̱ jmí tsi ngo ni xi jún kasako so̱bo̱a̱jnú, kjo̱a̱nda xi tsi̱ꞌe̱ Néná boá.

Ndeuteronomio̱ 30:6

Néná boá xi sa̱ꞌín nga xchi̱yàjnú nga ni xi ndajín si̱ꞌánjnú. Kósꞌe̱ jún ko̱jo xota̱ tji̱e̱jnú si̱ꞌantjójnú Néná, kó ko̱nda̱ꞌyáꞌénjnúu̱ ngayeje kjo̱a̱kjínkónjnú, ko̱jo ngayeje kjo̱a̱mindyionjnú, kó jmí tsi kjo̱a̱ꞌniú nga bo̱a̱ si̱ꞌánjnú. Kó bo̱a̱ tsꞌén nga kjín nó ka̱majnú nga ku̱i̱ndyionjnú nga̱sondie.

Xota̱ Filipo̱ 1:11

Kui ni̱xtjii̱n ko̱kójnú jún kjín to̱ko̱ya ni xi kixi̱ xi kiniꞌánjnú, ni xi katsjájnú Jesukristoo̱ nga si̱ꞌánjnú, tsi̱ꞌe̱ nga xotaa̱ tsja̱á kjo̱a̱je, kó sa̱ꞌíntsjaá Néná.

Xota̱ Kolosa̱ 1:10

Bo̱a̱ ngatama tsi̱ꞌe̱ nga nda si̱ꞌánjnú xikó tsꞌén xota̱ xi tsi̱ꞌe̱ Ndi̱a̱ná, ko̱jo nga si̱ꞌánjnú ni xi tsja maa̱ Néná, ko̱jo nga si̱ꞌánjnú ngayeje to̱ko̱ya ni xi nda, ko̱jo nga nda ngase xcha̱jnú kókón Néná.

Xota̱ Kolosa̱ 1:6

Kui éntjatsi̱e̱ xi kandaꞌyájnú, jè tjíꞌbíni̱jmì ngayeje són nga̱sondiee̱, kó nda tjítsꞌeén xotaa̱, xikó kamá ngi̱jinjnú ni̱xtjin nga kamáyà ja̱koxi̱jnú kjo̱a̱ndaa̱ Néná.

Xota̱ Ebreo̱ 10:36

Chjiéngá kꞌuiéjnú kjo̱a̱chiyákjo̱a̱, tsi̱ꞌe̱ nga si̱ꞌánjnú ni xi mejeén Néná, kó bo̱a̱ tsꞌén nga sa̱kójnú ni xi katsóyàtjón nga tsja̱á.

Xota̱ Ebreo̱ 2:1

Kuíni nga chjiéngá si̱ꞌansée̱n kuí én xí je kandaꞌyá, tsi̱ꞌe̱ nga kje̱ꞌejín ndi̱yà kongín.

Xo̱jo̱o̱n Sandiyaá 1:4

Kó bo̱a̱ tsꞌén kjiꞌanga ndyi̱niꞌánchíkjo̱a̱jnú, ndyi̱boeꞌéndièjnúu̱ kui kjo̱a̱chiyákjo̱a̱a̱ nga sa̱ꞌín ndo̱jò xaá ngi̱jin ini̱ma̱jnú, tsi̱ꞌe̱ nga ka̱majnú jún xi chjiéngá ka̱majnú, kó nga ka̱ma xcha̱ nda ndajnú ngi̱yaa̱ kjo̱a̱sꞌijii̱n Néná, kó nga ngojín ni xcha̱jàjnú.

1 Xo̱jo̱o̱n Juaa̱ 2:3

Tsi ndyi̱niꞌánkjatjosón kjo̱a̱botíxomaa̱ Néná, kuí nii̱ xi bokó nga je yà Néná.