Rkaa̱ 8:14 - Xo̱jo̱n eén Néná

¹⁴ Kó kui xojmá xí ixó ngi̱jin ndaꞌyaá, kuí xí xikoó xota̱ xi ntꞌié eén Néná, ta̱nga chíchi̱ chíchi̱ ꞌbijñá kui eén, ngatꞌa̱ kjo̱a̱nda̱a̱ kjo̱a̱cho̱o̱n, ko̱jo kjo̱a̱tsja xi tjiín kuí nga̱sondiee̱, tsꞌénchájá, kó jmí to ꞌbéjiín nga maxchá.

Rkaa̱ 8:14 ပူးပေါင်းရင်းမြစ်များ

Matioo̱ 13:22

Kó kui xojmá xí ixó ngi̱jin ndaꞌyaá, kuí xí xikoó xota̱ xi ntꞌié eén Néná, ta̱nga ta̱soboá nda̱ kjimaa̱ ni xi tjiín kui nga̱sondiee̱, kó kjo̱a̱chꞌáṉchaa̱ kjo̱a̱cho̱o̱n tsꞌénxí eén Néná, kó kui nii̱ xi tsjandièjín nga boajaá to.

Markoo̱ 4:19

ta̱nga ta̱soboá nda̱ kjimaa̱ ni xi tjiín kui nga̱sondiee̱, kó kjo̱a̱chꞌáṉchaa̱ kjo̱a̱cho̱o̱n ko̱jo kjo̱a̱ndikonkoón nii̱ ꞌbosꞌieén, kó tsꞌénxí eén Néná, kó kui nii̱ xi tsjandièjín nga boajaá to.

Rkaa̱ 16:13

Nde ngojín moso̱ xi jó ndi̱a̱ sa̱ꞌínseén, ngatꞌa̱ ngo chꞌo ka̱maa̱, kó xi ingoo̱ tjó ka̱maa̱, ko̱jo tsi ngo ndasen ka̱maa̱, kó xi ingoo̱ ndasénjín ka̱maa̱. Ka̱májín mosoo̱ Néná ko̱jo mosoo̱ kjo̱a̱cho̱o̱n ka̱majnú.

Rkaa̱ 21:34

Chónjnúu̱ yojojnú, kó ngata̱ ꞌbíjinjínjnú ini̱ma̱jnú, kjo̱a̱xki̱ꞌaá, ko̱jo kjo̱a̱chꞌi̱i̱, ko̱jo ni nga̱sondiee̱, ngatꞌa̱ tsi ta̱ bi̱ má tji̱e̱n kjo̱chó kui ni̱xtjii̱n,

Rkaa̱ 8:13

Kó kui xojmá xí ixó nga̱són ndi̱jo̱o̱, kuí xí xikoó xota̱ xi ntꞌié eén Néná, kó tsja maa̱ nga kjíbé, ta̱nga nga jmí ja̱ma̱jiín, ta̱ ngotjón tsí sꞌijii̱n, kó nga fochó chi̱bo̱a̱ nga chjátꞌayákón tsꞌenkjié kjo̱a̱.

Rkaa̱ 8:15

Kó kui xojmá xí ixó tꞌanangi ndaa̱, kuí xí xikoó xota̱ xi kixi̱, ko̱jo xi ngayeje ini̱ma̱a̱ nga ntꞌié eén, ko̱jo nga tsꞌénkjátjosón ni xi tsó eén Néná, kó ꞌniú mindyia, kó nda to xi tsjá.

Rkaa̱ 8:7

Kó ingo tjín kuí xojmaá xi ixó ngi̱jin yándáꞌyaá, kó nga kamánkꞌá yándáꞌyaá nijan kamánkꞌá, kó katsꞌénxí.

Juaa̱ 15:6

Xi kꞌuijñájinjínna, bo̱a̱ ka̱maa̱ xikó maá ngo tjia xi jmí to tsjájín: Bichá, xí, chjaꞌáꞌyá, kó ngi̱jin ndiꞌií bichijmijin tsi̱ꞌe̱ nga tí.

1 Timoo̱ 6:17

Xota̱ cho̱o̱n kui nga̱sondiee̱ tatíxomée̱ nga jejín ꞌboxié yojoo̱, ti̱nde nga kjo̱a̱cho̱o̱njín xi ka̱maꞌniátakón, ngatꞌa̱ kjo̱a̱cho̱o̱n jmí tsi ngatsjéni̱xtjii̱n nga sꞌi̱jña, ta̱sá kui Néná xi tikoón xi ngatamaꞌniátakón, ngatꞌa̱ kuí boá xi tsjáná ngayeje ni xi machjiénná, tsi̱ꞌe̱ nga tsjatsꞌèn si̱ꞌankjién kuí nii̱.

2 Timoo̱ 4:10

ngatꞌa̱ Ndemaa̱, tjó ngase kamaá nii̱ kui nga̱sondiee̱, kó jè íjñámasienna nga kijí na̱xi̱ńdáꞌniú Tesalónika̱. Kresentee̱ je kijí nangi Ngalasia̱, kó Titoo̱ nangi Ndalmasia̱ kijí.

Xota̱ Ebreo̱ 6:1

Kó kuíni nga ta̱kó kongínra xtji̱e̱e̱n kje̱n ngaskande nga ka̱maxchá, kó ngiti̱ kuijín ni xi tjón akakoyána kjo̱a̱a̱ Kristoo̱ xi ko̱ndókjo̱a̱ nginí ñá, xikoó nga chjiéngá si̱ꞌankꞌoyá yojoná, ko̱jo nga kꞌuijñámasien ni xi niꞌán xi fíjo̱ná kjo̱a̱bo̱yaa̱, ko̱jo nga chjiéngá si̱ꞌansꞌijin Néná,