Rkaa̱ 8:12 - Xo̱jo̱n eén Néná

¹² kó kui xi ixó tꞌa ndi̱ya̱à, kuí xí xikoó xota̱ xi ntꞌié eén Néná, ta̱nga ta̱ tji̱ꞌni̱u̱ ndibá xindajín ndiabloo̱, kó foaꞌáxiín ngi̱jin ini̱ma̱a̱ kui eén, tsi̱ꞌe̱ nga sꞌi̱jinjiín, kó kjo̱tjoꞌajín.

Rkaa̱ 8:12 ပူးပေါင်းရင်းမြစ်များ

Énkjínkón 1:29

Ta̱ngatꞌanii̱ nga kiniꞌánchꞌójnú kjo̱a̱kjínkoón, kó kamámejénjínjnú nga kamáyàndikónjnú Néná,

Énkjínkón 4:5

ꞌNiú ngase kjínkón ti̱ꞌin ji yojòo̱, ko̱jo ꞌniú ngase ngatamakjíntakín ji, nga jmíni̱xtjin niꞌínchíyé ji kjo̱a̱bokoyána. ¡Nga jmíni̱xtjin xín niꞌínkjeꞌe ji ni xi tsꞌénchji̱a̱ an!

Matioo̱ 13:19

Kjiꞌanga ngo xi ntꞌié eén, kó makjínjiín xikótsꞌèn botixómá Néná, xikónií kui xojmá xi ixó tꞌa ndi̱ya̱à, ngatꞌa̱ ndibá xindajín, kó foaꞌáxiín ni xi je tjitjíe̱ nga̱són ini̱ma̱a̱.

Matioo̱ 13:4

Kó tji̱e̱nga ítji̱e̱ xojmaá, ngo tjín xí ixó tꞌa ndi̱ya̱à, kó kjindibá ni̱siee̱ sꞌe̱ iskjinie.

Markoo̱ 4:15

Kó kuí bí xota̱ xi xikoó xojmá xi ixó tꞌa ndi̱ya̱à: Kui xota̱ xi ngije ikꞌítji̱e̱jii̱n eén, ta̱nga ngije ntꞌié, ta̱ tji̱ꞌni̱u̱ ndibá xindajín Satanaa̱, kó foaꞌáxiín kui eén Néná xí je kamátji̱e̱ ngi̱jin ini̱ma̱a̱.

Rkaa̱ 8:11

Kuí nii̱ xi mejeén tsó kui énkjiín: Xojmaá, kuí xí eén Néná,

Rkaa̱ 8:13

Kó kui xojmá xí ixó nga̱són ndi̱jo̱o̱, kuí xí xikoó xota̱ xi ntꞌié eén Néná, kó tsja maa̱ nga kjíbé, ta̱nga nga jmí ja̱ma̱jiín, ta̱ ngotjón tsí sꞌijii̱n, kó nga fochó chi̱bo̱a̱ nga chjátꞌayákón tsꞌenkjié kjo̱a̱.

Rkaa̱ 8:5

–Ngo nda̱ xi ꞌbítji̱e̱, kijíkꞌítji̱e̱ xojmá. Kó nga ítji̱e̱ xojmaá, ngo tjín xí ixó tꞌa ndi̱ya̱à, kó xota̱ xi jaꞌaa̱ katsjánié, kó ni̱siee̱ iskjinie.

Ni xi akakoo̱ 12:9

Kó bo̱a̱ tsꞌén ikiyotji̱ngii̱ kui cho̱ tamá xí yito to̱koo̱ ki̱a̱ ndiꞌakꞌajmii̱, kui ye̱ xchaá xi ꞌmí xindajín ndiabloo̱ ko̱jo Satanaa̱, kui xi ꞌboṉcha̱jo ngayeje xotaa̱, kui cho̱o̱ ko̱jo ndítsjiee̱ ki̱a̱ akatítsojosón nga̱són tꞌanangii̱.