Rkaa̱ 7:6 - Xo̱jo̱n eén Néná

⁶ Kó Kjisoo̱ kijíjo̱ kui xota̱ xi xchaá. Ta̱nga ngije makjachó má ndiꞌaa̱, kui nda̱ ngito̱ko̱o̱ katsangiya kaꞌa já amingoo̱, xi bi̱ katsoó Kjisoo̱: –Ndi̱a̱, mejénjínna sa̱ꞌinxtií, ngatꞌa̱ nde tsoboájínna nga ku̱i̱tjásꞌi̱n ji ndiꞌana,

Rkaa̱ 7:6 ပူးပေါင်းရင်းမြစ်များ

Jenesii̱s 32:10

Achichí nda niꞌínje̱ní, ndatsi tsoboájínna nga ko̱si̱ke̱jení, ngatꞌa̱ an boá xi moso̱ tse̱, kjiꞌanga jaꞌatio an ndejèꞌ Jorndaa̱n, jmí ni kisꞌiejínna ngasꞌe̱, ta̱ ngo tsí yánísié tsaꞌa an, kó ngotꞌe̱ ꞌne̱ ngaskande jó tjín xota̱ ko̱jo cho̱ xi síndona.

Énkjínkón 29:23

Xota̱ xi nkꞌakoo̱n ni̱ma̱kjo̱a̱ si̱ꞌankꞌijñá, kó xota̱ xi ni̱ma̱kjo̱a̱a̱ kuí boá xi si̱ꞌandikón.

Matioo̱ 20:28

xikó maá nga ndií nda̱ xi̱ꞌii̱n, jmí tsi jeꞌe kui nga̱sondiee̱ tsi̱ꞌe̱ nga si̱ꞌansee̱n, ta̱sá jeꞌe tsi̱ꞌe̱ nga kui xi sa̱ꞌínseén xotaa̱, ko̱jo tsi̱ꞌe̱ nga tsja̱á yojoo̱ tsi̱ꞌe̱ nga ku̱i̱ꞌíchjítáꞌín kjín xota̱.

Matioo̱ 3:11

An, nga ja̱koxi̱, ndáfoa xí botindá án tsi̱ꞌe̱ nga si̱ꞌankꞌoyájnú yojojnú kjo̱a̱a̱ xikótsꞌèn tindyiónjnú, ta̱nga xi jaskan an ndibá, tjín ngasee̱ ngaꞌniú, kó nde tsoboájínna nga an kjuínjòo̱ tji̱xíndieé, kó kuí boá xi A̱si̱énni̱xtjii̱n Néná ko̱jo ndiꞌí xí ko̱tíndánijnú.

Markoo̱ 5:24

Kósꞌe̱ Kjisoo̱ kijíjo̱ Jairoo̱, kó achichí xota̱ nijan kijíjo̱ xi ngaskande ndyi̱ꞌbindyióꞌniú má.

Rkaa̱ 5:8

Kó ngije kamábe kui nii̱ nda̱ xi ꞌmí Ximo̱ Peé, asiéntꞌaa̱tikoó Kjisoo̱, kó bi̱ katsoó: –¡Tji̱taxíntꞌení Ndi̱a̱, ngatꞌa̱ xota̱ jé án!

Rkaa̱ 7:4

Kó kui xota̱ xi xchaá jachókoón Kjisoo̱, kó ꞌniú tsíꞌaá, nga bi̱ katsoó: –Nda ini̱ma̱a̱ kui nda̱a̱, tsoboárií nga ko̱si̱ke̱je ji,

Rkaa̱ 7:5

ngatꞌa̱ tjórií na̱xi̱ńdájne̱, kó ngaskande ngo ndiꞌa nínga ndokjo̱a̱ eén Néná katsꞌéndajne̱.

Rkaa̱ 7:7

kuíni nga ngaskande kamájín nga án má xi kijíkjaꞌaa̱, ta̱nga ndókjo̱e̱ ji ngo én, kó ka̱mandaya moso̱na.

Rkaa̱ 8:49

Ti̱ tsꞌénchji̱a̱ ngase Kjisoo̱, nga jachó ngo nda̱ xi kjindibáni ndiꞌaa̱ nda̱ ngito̱ko̱o̱ ndiꞌa nínga ndokjo̱a̱ eén Néná, nga bi̱ katsoó: –Jè kꞌien tsa̱kjìnchíi̱, ngiti̱ niꞌínxtíjíi̱n Mostroo̱.

Ni xi kamá 10:38

ko̱jo nga Néná katsjaá ngaꞌniú ko̱jo A̱si̱énni̱xtjii̱n Néná kui Kjiso̱ xi chji̱a̱ni Nasaree̱t, kó kuí Kjisoo̱ xi kistsoꞌbá nga katsꞌén ni xi nda, ko̱jo nga katsꞌéndaya ngayeje xota̱ xi tsie kjo̱a̱ni̱ma̱ ndyi̱foaꞌa, xi kjimaniꞌii̱n ta̱ngatꞌanii̱ xindajín ndiabloo̱, ngatꞌa̱ Kjisoo̱ Néná kistsoꞌbájo̱,

Xo̱jo̱o̱n Sandiyaá 4:10

Ni̱ma̱kjo̱a̱ ti̱ꞌánjnú yojojnú ngindyi̱ko̱n Ndi̱a̱ná, kó kuí boá xi skjinínkꞌájnú.

Xo̱jo̱o̱n Sandiyaá 4:6

Néná tsie ngase kjo̱a̱nda xi tsjáná, kuíni nga bi̱ tsó xo̱jo̱n eén Néná: “Néná kondra̱ maá xota̱ xi je ꞌboxié yojoo̱, ta̱nga xota̱ xi ni̱ma̱kjo̱a̱a̱ tsjaá kjo̱a̱nda.”