Rkaa̱ 7:37 - Xo̱jo̱n eén Néná

³⁷ Kósꞌe̱ kjiꞌa má jachókoón ngo na̱ xi tjiín jé, xí chji̱a̱ni na̱xi̱ńdáꞌniuú, kó nga tsintꞌié nga Kjisoo̱ tikóntꞌa yámíxa̱ ndiꞌaa̱ nda̱ fariseoo̱, jachójo̱ ngo ndí ramita̱ ndásíje̱n,

Rkaa̱ 7:37 ပူးပေါင်းရင်းမြစ်များ

Matioo̱ 21:31

ꞌYání nga jó kui ndií xi katsꞌén ni xi katsoó na̱ꞌmii̱. –Xi tjón kanangiyaa̱. Katsó xota̱a̱ Kjisoo̱. Kó Kjisoo̱, bi̱ katsó: –Ja̱koxi̱ ni xi xiánjnúꞌun nga kui já xí foaꞌáꞌyá to̱n xi machjítjé nii̱ ko̱jo ínchjínmasieén, kuí xí tjón kꞌo̱sꞌien nínga botixómá Néná, ta̱bo̱a̱jiín jún.

Rkaa̱ 18:13

Ta̱nga nda̱ xi foaꞌáꞌyá to̱n xi machjítjé nii̱, kjin kisꞌijña, nde kamámejénjiín askotsijen ndiꞌakꞌajmi jàn, kó ta̱soboá tji̱ngo̱ yeꞌeé ni̱se̱e̱n, nga bi̱ katsoó Néná: “Na̱ꞌmi, ngatamani̱ma̱a̱ an, ngatꞌa̱ xota̱ jé án.”

Rkaa̱ 19:7

Kó nga kamábe ngayeje xotaa̱, bi̱ katsoó xkjín: Ndiꞌaa̱ ngo nda̱jé kꞌuijñá.

Rkaa̱ 5:30

Kó já chji̱ni̱e̱kjo̱a̱kitii̱ ko̱jo já fariseoo̱, tsíchji̱a̱taꞌin xota̱ tsi̱ꞌe̱ Kjisoo̱, nga bi̱ katsó: –Míkjo̱a̱a̱ nga jún ndyi̱chiniejo̱ ko̱jo ndyi̱ꞌyòjo̱jnú ni xota̱ xi foaꞌáꞌyá to̱n xi machjítjé ni ko̱jo xota̱ jé.

Rkaa̱ 5:32

Kó án jmí xota̱ xi kixi̱ jéꞌe̱chjiajáa̱n, xota̱ jé boá xí jéꞌe̱chjiáa̱, tsi̱ꞌe̱ nga sa̱ꞌínkꞌoyà yojoo̱.

Rkaa̱ 7:34

Jaskan jeꞌe ndií nda̱ xi̱ꞌii̱n, nda̱ xi iskjinie, ko̱jo xi katsꞌe, kó bi̱ kiꞌmíjnúu̱: Kui nda̱a̱, nda̱ xki̱ꞌá, nda̱ chꞌi̱, nda̱ amingoo̱ já xí foaꞌáꞌyá to̱n xi machjítjé ni ko̱jo xota̱ jé boá xi̱ꞌbi̱.

Rkaa̱ 7:36

Kó ngo nda̱ fariseo̱ tsíꞌáa̱ Kjisoo̱ tsi̱ꞌe̱ nga kijíkjiniejo̱ ṉño̱ ndiꞌaa̱, kó nga tsꞌasꞌien Kjisoo̱ ndiꞌaa̱ kui nda̱a̱, kisꞌijñatꞌa yámíxa̱a̱.

Juaa̱ 11:2

(Kuí na̱ Riyaa̱ xi ndichja Laá, nda̱ xi oo̱n, kui xi katsangijon ndásíje̱n se Ndi̱a̱a̱, kósꞌe̱ tsja̱to̱ko̱ katsꞌénxíjónni).

Juaa̱ 9:24

Sꞌe̱ kandokjo̱a̱ nginií nda̱ xi kamáti̱ka̱a̱ xi je kamándayaa̱, kó bi̱ kiꞌmií: –Te̱ꞌée̱ kjo̱a̱je Néná, ji̱n je yàjne̱ nga kui nda̱a̱ nda̱jé boá.

Juaa̱ 9:31

Kó ñá jè ya nga Néná ntꞌiéjiín xota̱ jé, ta̱nga tsi ngo xota̱ xi bendikón Néná, kó tsi tsꞌén ni xi mejeén Néná, kuí xi̱ꞌba̱ xi ntꞌieé.

Xota̱ Roma̱ 5:8

Ta̱nga Néná akó kjo̱a̱a̱ nga tjoó ñá, ngatꞌa̱ ndatsi xota̱ jé ñá, Kristoo̱ kꞌientjéná.

1 Timoo̱ 1:15

Én xí ma niꞌánsꞌijin boá xi̱ꞌbi̱, kó chjiéngá ngayeje xota̱ xi sa̱ꞌínsꞌijin: Nga Kristo̱ Kjisoo̱ jeꞌe kui nga̱sondiee̱, tsi̱ꞌe̱ nga kꞌo̱xiéꞌá xota̱ jé. Kó án boá xi tjón an ngi̱jii̱n kui xota̱jeé.

1 Timoo̱ 1:9

Kó ti̱ ya nga kjo̱a̱kitii̱ kuijín xota̱ xi kixi̱i̱ xi katseꞌeé tsi̱ꞌe̱ nga ka̱machji̱ni̱e̱. Kjo̱a̱kitii̱, kuí xota̱ xi̱ꞌbi̱ xi katseꞌeé tsi̱ꞌe̱ nga ka̱machji̱ni̱e̱: Xota̱ xi ndyi̱tsꞌèn ni xi ndajín, ko̱jo xota̱ xi ntꞌiéꞌénjín, ko̱jo xota̱ xi ndajín, ko̱jo xota̱ xi ndyi̱tsꞌèn jé, ko̱jo xota̱ xi ndyi̱bendikónjín Néná, ko̱jo xota̱ xi ndyi̱bendikónjín ni tsjie xi tsi̱ꞌe̱ Néná, ko̱jo xota̱ xi ndyi̱tsꞌènkꞌién na̱ꞌmii̱ ko̱jo na̱aa̱n, ko̱jo xota̱ xi ndyi̱tsꞌènkꞌién ini̱ma̱,

1 Xo̱jo̱o̱n Peé 4:18

Kó tsi niꞌin kjo̱tjoꞌa xota̱ xi kixi̱i̱, kókjiꞌi ni xi ka̱maa̱ xota̱ xi ꞌniú ndajiín, ko̱jo xota̱ jeé nga.