Rkaa̱ 7:16 - Xo̱jo̱n eén Néná

¹⁶ Kó ngayeje xotaa̱ katsakjónní, sꞌe̱ katsjaá kjo̱a̱je Néná, nga bi̱ katsó: –Ngo nda̱ chji̱ni̱e̱ꞌe̱én Néná xí ꞌniú nkꞌa xaá jatjojinná. Kó tjín xi bi̱ katsó: –Néná jè kjoeꞌekoón xota̱ na̱xi̱ńdá xí tsi̱ꞌe̱.

Rkaa̱ 7:16 ပူးပေါင်းရင်းမြစ်များ

Xo̱jo̱n Salmoo̱ 65:9

Jí boá xi tichìi̱n tꞌanangii̱: achichí tsie ndáfoa niꞌínkꞌandyi̱ni ji, kó bosíndée̱ nínga kjiꞌi ni tjieé, tsi̱ꞌe̱ nga kjín to tsja̱á. Stseé boá xi mindyiekaxeni ji tꞌanangii̱, kó ꞌbíjñinde ji tsi̱ꞌe̱ nga sitji̱e̱ ni. ꞌBíkitsieni ji ndáfoa xo̱ngàndántꞌié xi yiꞌii̱, kó jí boá xi niꞌínkjatje ngasèe̱ tjia yaá. Kó bo̱a̱ tsꞌén ꞌbíjñinde ji kꞌijñaá, tsi̱ꞌe̱ nga ngayejejne̱ kꞌuiéjne̱ to ndso̱ko̱a̱n ṉño̱pan.

Éksondo̱ 4:31

Kó xota̱ Israee̱l katsꞌénsꞌijii̱n Moisee̱, kó nga tsintꞌié nga Néná ko̱síko̱jo kui xotaa̱, asiéntikoó ngaskande nga kisitꞌaa̱ xtjien tꞌanangii̱, kó katsꞌéntsjaà Néná.

Matioo̱ 15:31

ngaskande kijíndikón maá xota̱ kjiín nga kamábe nga tsíchji̱a̱ xi ni̱ma̱a̱, ko̱jo nga kamándaya xi ni̱ma̱ tsjaa̱, ko̱jo nga kamándaya xi kamájín kijií, ko̱jo nga kamátsijee̱n xota̱ xi ti̱ka̱a̱, kó ngayeje xotaa̱ nga katsjaá kjo̱a̱je Nee̱ Israee̱l.

Matioo̱ 21:11

Kó xota̱ kjiín, bi̱ katsó: –¡Kjisoo̱, nda̱ chji̱ni̱e̱ꞌe̱én Néná boá, nda̱ xi chji̱a̱ni na̱xi̱ńdáꞌniú Nasaree̱t, nangii̱ Ngalilea̱!

Matioo̱ 28:8

Kósꞌe̱ kui ínchjiín tsá jatjo nga̱tsjo̱ó, kó katsakjónní ko̱jo ꞌniú tsjá kamaá, tsanga má nga kijítsáyaá kui eén xota̱ tsi̱ꞌe̱ Kjisoo̱. Kó tji̱e̱nga ndyi̱fítsáyaá xota̱ tsi̱ꞌe̱ Kjisoo̱,

Matioo̱ 9:8

Kó nga kamábe kui nii̱ xotaa̱, achichí kijíndikoón kó katsjaá kjo̱a̱je Néná, ngatꞌa̱ kuí boá Néná xí katsjaá xotaa̱ kui ngaꞌniú xi̱ꞌba̱.

Rkaa̱ 1:65

Kó ngayeje xota̱ tꞌa ndiꞌaa̱ katsakjónní ni xi kamá, ko̱jo ngayeje xota̱ xi síndo na̱xi̱ xi chji̱a̱ni nangi Jundea̱, ta̱soboá kuí nii̱ tsíchji̱a̱.

Rkaa̱ 1:68

¡Nganiꞌántsjaá Ndi̱a̱ná, Néná xí tsi̱ꞌe̱ Israee̱l, ngatꞌa̱ jè jeꞌekoón, kó jè íchjítjé nga tsꞌaxiéꞌá xota̱ na̱xi̱ńdaá!

Rkaa̱ 19:44

kó kꞌo̱jmii ji ko̱jo ndíi̱ ngi̱yaa̱ xó xí tjíchjáꞌyáni ji, kó nde ngojín ndi̱jo̱ ku̱i̱ꞌíndo xi sꞌi̱ńdosoón xkjín, ngatꞌa̱ kamáyèjín ji ni̱xtjin nga jeꞌekoón Néná.

Rkaa̱ 2:20

Kó kui já xí koo̱n cho̱tsa̱nga̱a̱ nga kijíꞌoyá nginí nínga kjindibá, katsjaá kjo̱a̱je Néná kjo̱a̱a̱ ngayeje ni xi tsintꞌié ko̱jo ni xi kamábe, ngatꞌa̱ jatjosón ngayeje ni xi kiꞌmií.

Rkaa̱ 24:19

Kó Kjisoo̱, bi̱ katsoó kui jaá: –Mí ni xi kamá. Sꞌe̱ bi̱ katsó kui jaá: –Kjo̱a̱a̱ Kjisoo̱, nda̱ xi chji̱a̱ni na̱xi̱ńdáꞌniú Nasaree̱t, nda̱ chji̱ni̱e̱ꞌe̱én Néná, xi nkꞌa kamá xaá kjo̱a̱a̱ ngayeje ni xi katsꞌén, ko̱jo ni xi akóyá, kó kamáyàndikón ngindyi̱ko̱n Néná ko̱jo ngindyi̱ko̱n ngayeje xota̱ na̱xi̱ńdaá,

Rkaa̱ 5:26

Kó ngayeje xotaa̱ kijíndikoón, kó katsjaá kjo̱a̱je Néná, kó achichí katsakjónní, nga bi̱ katsoó xkjín: –¡Ngotꞌe̱ ꞌne̱ nga je kamáyà ngo ni xi ta̱nisién ꞌniú fíndikónná!

Rkaa̱ 5:8

Kó ngije kamábe kui nii̱ nda̱ xi ꞌmí Ximo̱ Peé, asiéntꞌaa̱tikoó Kjisoo̱, kó bi̱ katsoó: –¡Tji̱taxíntꞌení Ndi̱a̱, ngatꞌa̱ xota̱ jé án!

Rkaa̱ 7:15

Kó kui nda̱ xi kꞌiee̱n, tji̱e̱nmá kisꞌijñando, sꞌe̱ tsíchji̱a̱, kó Kjisoo̱ kijíjo̱ kui nda̱a̱ nínga tikón na̱aa̱n.

Rkaa̱ 7:39

Nga kamábe kui nii̱ nda̱ fariseoo̱, bi̱ tsꞌén katsꞌénkjó: “Tsi ja̱koxi̱ nga kui nda̱a̱ xi nda̱ chji̱ni̱e̱ꞌe̱én Néná, kamákjínrií ꞌyá naa̱ bo̱a̱ xi tjítsꞌénjo̱, ngatꞌa̱ na̱ xi tjiín jé boá.”

Rkaa̱ 8:37

Kósꞌe̱ ngayeje xota̱ xi chji̱a̱ni nangi Jerasa̱, ꞌniú tsíꞌáa̱ Kjisoo̱ tsi̱ꞌe̱ nga kjo̱tjoni kui nangii̱, ngatꞌa̱ achichí katsakjónní kjo̱a̱a̱ kui ni xi kamaá. Kó Kjisoo̱ tsꞌasꞌien ngi̱ya tjotso jee̱, sꞌe̱ kijí.

Rkaa̱ 9:19

Kó kui jaá, bi̱ katsoó: –Tjín xí Jua̱ xi botíndaá xò jí tsó, kje̱ꞌe xí Eliyaa̱ xò jí tsó, kó ti̱ tjín xí ngo xò nda̱ chji̱ni̱e̱ꞌén xchaá Néná xi je jaꞌáꞌyaá xò jí tsó.

Juaa̱ 1:21

Kó bi̱ kiꞌmií nga akasíyaá: –Ja̱, a jí xí Eliyaa̱ ji tsobo̱a̱. Kó bi̱ katsó Juaa̱: –Jmí, ánjín bo̱a̱. Sꞌe̱ bi̱ tsꞌén akasíyá nginií: –A jí xí chji̱ni̱e̱ꞌe̱én Néná jí. Sꞌe̱ bi̱ katsó. –Jmí.

Juaa̱ 1:25

Kó asíyaá Juaa̱, nga bi̱ katsoó: –Ja̱ kó míkjo̱a̱a̱ nga botíndé jí, tsi jijín xi Kristoo̱, tsi jijín xi Eliyaa̱, ti̱nde jijín xi ngo nda̱ chji̱ni̱e̱ꞌe̱én Néná xi kjo̱e̱ꞌe̱é.

Juaa̱ 4:19

Sꞌe̱ bi̱ katsó kui xota̱chjo̱on: –Ndi̱a̱, bee̱ko̱n an nga xota̱ chji̱ni̱e̱ꞌe̱én Nénárá ji.

Juaa̱ 6:14

Kósꞌe̱ nga kamábe kui jaá kui chi̱bo̱a̱ xi katsꞌén Kjisoo̱, bi̱ katsó: –Ja̱koxi̱ boá nga kui nda̱a̱ xi nda̱ chji̱ni̱e̱ꞌe̱én Néná kui xi kjo̱e̱ꞌe kuí nga̱sondiee̱.

Juaa̱ 9:17

Sꞌe̱ ti̱ bi̱ ti̱ kiꞌmí nginií nda̱ xi kamáti̱ka̱a̱: –Kó se ji kjo̱a̱a̱ nda̱ xi katsꞌéntsijee̱n ndyikin. Kó bi̱ katsó kui nda̱ xi kamáti̱ka̱a̱: –Nda̱ chji̱ni̱e̱ꞌe̱én Néná boá.

Ni xi kamá 5:5

Kó nga tsintꞌié kuí eén Ananiyaa̱, ja̱kó tsꞌáka, sꞌe̱ kꞌien tji̱ꞌni̱u̱, kó achichí katsakjónní ngayeje xota̱ xi tsintꞌié kuí ni xi kamaá.

Ni xi kamá 7:37

Kó ti̱kuíní kui Moisee̱, xi bo̱a̱ katsoó xota̱ Israee̱l: “Néná kui xi Ndi̱a̱ná sa̱ꞌínkjastjíe̱n ngi̱jii̱n ntsꞌiejnú ngo chji̱ni̱e̱ꞌe̱én xikoó an.”

Xota̱ Ngalasia̱ 1:24

Kó ta̱ngatꞌanii̱ kui nii̱ nga kui xotaa̱ katsjaá kjo̱a̱je Néná.

Ndeuteronomio̱ 18:15

»Kjo̱chó ni̱xtjin nga Néná kjo̱a̱ꞌájin ngo nda̱ ngi̱jii̱n jún xi ka̱ma chji̱ni̱e̱ꞌe̱én xikoó an. Kjiꞌanga kixindyión ki̱a̱ na̱xi̱ Oree̱b, jún bo̱a̱ kiꞌmíjnúꞌun nga kamámejénjínjnú ko̱nda̱ꞌyájnúu̱ nda̱a̱ Néná, ti̱nde kamámejénjínjnú nga xcha̱jnú kui ndiꞌí nínga tsíchji̱a̱ Néná, ngatꞌa̱ kamámejénjínjnú akayajnú. Ja̱ ndakjiꞌi, ja̱ Néná tsja̱ajnú ngo nda̱ chji̱ni̱e̱ꞌén xi je kichjiáꞌájnúu̱, kó ngayeje ni xi ka̱tso̱jnú chjiéngá ko̱nda̱ꞌyáꞌénjnúu̱.