Rkaa̱ 7:13 - Xo̱jo̱n eén Néná

¹³ Kó Ndi̱a̱a̱ nga kamábe, ni̱ma̱ kamaá kui xota̱chjo̱on, kó bi̱ katsoó: –Ngata̱ cheꞌéjín ji.

Rkaa̱ 7:13 ပူးပေါင်းရင်းမြစ်များ

Xo̱jo̱n Salmoo̱ 103:13

Kui xota̱ xi tsꞌéndíkón Néná, Néná achichí nda tsꞌénjo̱, xikó má tsꞌénjo̱ ndií ngo na̱ꞌmi.

Xo̱jo̱n Salmoo̱ 86:15

Ta̱nga ji Ne, jí boá ngo Ne xi tjiín kjo̱a̱tsiekon ko̱jo kjo̱a̱ni̱ma̱takón, tsájín niꞌínxchín jí, kó tsie kjo̱a̱ni̱ma̱takón ko̱jo kjo̱a̱kixi̱ tjiín.

Xo̱jo̱n Salmoo̱ 86:5

Ngatꞌa̱ ji Ne, nda jí xota̱, kó maá niꞌínjetakín ji, ¡kó achichí kjo̱a̱ni̱ma̱takón tjiín kjo̱a̱a̱ xota̱ xi tsꞌénkáxoma jaꞌée̱n!

Markoo̱ 8:2

–Ni̱ma̱ kjimána kui xotaa̱, ngatꞌa̱ je ján ni̱xtjinnii̱ nga síndojo̱na kꞌi̱e̱e̱, kó jmíjiín ni xi skji̱ni̱e̱.

Rkaa̱ 10:1

Jaskan ngije kamá kui nii̱, Ndi̱a̱ná bo̱a̱ ti̱ tsꞌén jaꞌájin ngi ichítié ko̱jo kan jó já, kó jó jó katsangiyatjón ngayeje na̱xi̱ńdá nínga ko̱e̱je̱ kui.

Rkaa̱ 11:1

Kó ngo ndi̱yà nga tikón Kjisoo̱ ngo ngi̱ndie nga tsꞌénchji̱a̱a̱ Néná, ngije kamaá, ngo xota̱ tsi̱ꞌe̱ bi̱ katsoó: –Ji Ndi̱a̱, takoyèjne̱ kótsꞌèn ko̱ndókjo̱a̱jne̱ Néná, xikótsꞌèn Juaa̱ akóyaá xota̱ tsi̱ꞌe̱.

Rkaa̱ 11:39

Kósꞌe̱ Ndi̱a̱a̱, bi̱ katsoó kui nda̱a̱: –Jún já fariseo̱, niꞌántsjiejnú nga̱xto̱n ti̱bo̱a̱ ko̱jo boso̱jnú, ta̱nga ngi̱yaa̱ ini̱ma̱jnú tjikítsie maá ni xi kasakojnú ta̱ngatꞌanii̱ kjo̱a̱chejéjnú ko̱jo kjo̱a̱ndajínjnú.

Rkaa̱ 12:42

Kó Ndi̱a̱a̱, bi̱ katsó: –ꞌYá moso̱ xi kixi̱ ko̱jo xi ꞌniátakón, xi ka̱maa̱ si̱ꞌankjatjosón kjiꞌanga ndi̱a̱a̱ sa̱ꞌínkonda ndiꞌaa̱, tsi̱ꞌe̱ nga chi̱bo̱a̱a̱ má tsja̱á nichinie xotaa̱.

Rkaa̱ 13:15

Sꞌe̱ Ndi̱a̱a̱, bi̱ katsó: –Xota̱ jókje̱n, a ꞌnaxiéjínjnú ngi̱ndie nínga síndo cho̱yojojnú ko̱jo bórrójnú, tsi̱ꞌe̱ nga ko̱e̱je̱kꞌi ndáfoa nga ni̱xtjin ndikón.

Rkaa̱ 17:5

Kó já apostroo̱, bi̱ katsoó: –Ndi̱a̱, tasíke̱jejne̱ tsi̱ꞌe̱ nga ꞌniú ngase sꞌi̱jinjne̱.

Rkaa̱ 17:6

Sꞌe̱ Kjisoo̱, bi̱ katsó: –Tsi ndeta̱ chií tsí sꞌijinjnú Néná, xikó má tsꞌén xi̱xi̱ xojmaá mostasaa̱, ka̱ma bi̱ kꞌuínjnúu̱ kui yá sikómoroo̱: “Ngatjoníyá ji, kó ngi̱jin ndáchíkoón ngatamatji̱e̱ ji”. Kó ku̱i̱ntꞌiéꞌénjnú kui yaá.

Rkaa̱ 18:6

Kó bi̱ katsó Ndi̱a̱a̱: –Ndaꞌyájnú ni xi katsó nendiꞌamasiee̱n xi kixi̱jiín.

Rkaa̱ 19:8

Kósꞌe̱ Sakeoo̱ kasasienkixi̱, kó bi̱ katsoó Ndi̱a̱a̱: –Ngotꞌe̱ ꞌne̱ Ndi̱a̱, masien ni xi tjínna tsjàa̱ ngayeje xota̱ ni̱ma̱a̱, kó tsi tjín káꞌá xota̱ xi katsꞌenchejée̱, nijón bo̱a̱ kjiꞌi tsjaꞌoyá ngiñáa̱.

Rkaa̱ 22:61

Kósꞌe̱ Ndi̱a̱a̱, kjiꞌá má askoꞌá Peé, kó Peé jaꞌátsjiee̱n ni xi katsó Ndi̱a̱a̱, nga bi̱ katsoó: “Ngindiee̱ nga skja̱ndáyà xo̱nda̱xi̱ꞌii̱n, ján ndi̱yà je kiniꞌínkiejín yojòo̱ nga yení.”

Rkaa̱ 24:3

kó nga tsꞌasꞌien ngi̱yaa̱, ngiti̱ kasakojiín yojoo̱ Ndi̱a̱ Kjisoo̱.

Rkaa̱ 24:34

xi bi̱ ndyi̱tsó: –Ja̱koxi̱ nga je jaꞌáꞌyaá Ndi̱a̱a̱, kó jè jatjokjaà Ximoo̱.

Rkaa̱ 7:12

Kó ngije makjachó kuí na̱xi̱ńdáꞌniuú, kamábe nga tjífíkanijín ngo ini̱ma̱, ndí ngoo̱ ngo na̱an kꞌán xi je kꞌien xi̱ꞌii̱n, kó achichí má xota̱ na̱xi̱ńdaá xi nijan kijíkanijínjo̱.

Rkaa̱ 7:14

Kó Kjisoo̱, tji̱e̱nmá kijíkóntiñaa̱ koxa̱ xi kjiꞌiya kui nda̱ xo̱ngò xí je kꞌiee̱n, kó katsꞌénjo̱ kui koxa̱a̱, kó já xi ndyi̱yaꞌankꞌaá xió kixindyia, kó Kjisoo̱, bi̱ katsoó nda̱ xo̱ngò xi je kꞌiee̱n: –Nda̱ xo̱ngò, jí xí bi̱ tꞌíxiaán: ¡Ti̱sítji̱n!

Rkaa̱ 7:19

kó katsangiyakoo̱n Kjisoo̱, tsi̱ꞌe̱ nga ko̱síyaá tsi kuí Kjisoo̱ xi kji̱ndi̱baá, axa̱ chjiéngá kje̱ꞌe xí skoyaá.

Rkaa̱ 8:52

Kó ngayeje xotaa̱ ndyi̱kjandà nga ndasen kjimaa̱ kjo̱a̱a̱ kui tsa̱kjìnchií, ta̱nga Kjisoo̱, bi̱ katsoó: –Ngata̱ chaꞌájínjnú, tsa̱kjìnchií kji̱e̱ ꞌméjín, ta̱ kjiꞌifé tsi.

Juaa̱ 11:2

(Kuí na̱ Riyaa̱ xi ndichja Laá, nda̱ xi oo̱n, kui xi katsangijon ndásíje̱n se Ndi̱a̱a̱, kósꞌe̱ tsja̱to̱ko̱ katsꞌénxíjónni).

Juaa̱ 11:3

Kanangiya nga jó ndichja Laá, tsi̱ꞌe̱ nga bi̱ ka̱tso̱o̱ Kjisoo̱: –Ndi̱a̱, xota̱ xi achichí tjoó ji oo̱n.

Juaa̱ 20:13

Kó kui ndítsjiee̱, bi̱ katsó: –Xota̱chjo̱on, ánní nga ticheꞌé jí. Sꞌe̱ bi̱ katsó kui xota̱chjo̱on: –Ngatꞌa̱ jè tsangínjo̱ Ndi̱a̱na, kó bejín an nínga tsangínjo̱.

Juaa̱ 20:15

Sꞌe̱ Kjisoo̱, bi̱ katsó: –Xota̱chjo̱on, ánní nga ticheꞌé jí. ꞌYá xi timindyisé ji. Na̱ Riyaa̱ katsꞌénkjó nga kuí nda̱ xi konda ngi̱ndie nínga ꞌbítji̱e̱ ni tjieé kamaá xi tsꞌénchji̱a̱jo, kó bi̱ katsó: –Tsi ji xi kꞌinje̱, tꞌíyéní nínga ikꞌíjñí ji yojoo̱, kó án kjuínjo̱ an yojoo̱.

Juaa̱ 4:1

Kó nga kamábe Kjisoo̱, nga já fariseoo̱ tsintꞌié nga bi̱ kiꞌmií: Nga Kjisoo̱ kjín ngase kamá xota̱ xi kijítji̱ngii̱ kui, ko̱jo nga kjín ngase kamá xota̱ xi atíndá kuí, ta̱bo̱a̱jiín Juaa̱,

Juaa̱ 6:23

Kósꞌe̱ kje̱ꞌe tjotso je xi chji̱a̱ni na̱xi̱ńdáꞌniú Tiberia̱ jachó ngi̱ndie nínga iskjinie pan, ngije Ndi̱a̱a̱ katsjá ndokꞌóchjì.

1 Xota̱ Korinto̱ 7:30

kó xi ndyi̱kjandaá, ngatꞌíndo xikoó tsi ndyi̱kjandàjín, kó xi tsja tjiín, ngatꞌíndo xikoó tsi tsjajíntjiín, kó xi ni ndyi̱ꞌbotsiee̱, ngatꞌíndo xikoó tsi ngojín ni xi tsi̱ꞌe̱,

1 Xota̱ Tesalónika̱ 4:13

Jún ntsꞌie, mejénjne̱ nga xcha̱jnú kjo̱a̱a̱ xota̱ xi je jesoón, tsi̱ꞌe̱ nga jmí kjo̱a̱ndasen kꞌuiéjínjnú xikoó xota̱ xi ngasee̱ xi jmíjiín kjo̱a̱chiyá.

Xota̱ Ebreo̱ 2:17

Kó kuíni nga bo̱a̱ tsꞌén chjiéngá xi kókón ngayeje ntsꞌiee̱ nga bo̱a̱ kisꞌie, tsi̱ꞌe̱ nga ngo chináꞌmi xi ꞌniú nkꞌa xaá xi tsꞌén xaá Néná kamá, xi ni̱ma̱takón ko̱jo ꞌniátakón kamá, xi tsꞌenkꞌásꞌién chji̱e̱ tsi̱ꞌe̱ nga sa̱ꞌínkjié jeé xota̱ na̱xi̱ńdaá.

Xota̱ Ebreo̱ 4:15

Ngatꞌa̱ tikónná ngo chináꞌmi xi ꞌniú nkꞌa xaá xi ma ni̱ma̱a̱ kjo̱a̱ꞌindaná, kui xi je kachjatꞌayákón xikoó ñá, ta̱nga katsꞌénjéjín.