Rkaa̱ 6:48 - Xo̱jo̱n eén Néná

⁴⁸ Bo̱a̱ fóyanii̱ xikoó ngo nda̱ xi katsꞌénda ngo ndiꞌa, kó tjón katsꞌénda ngo ti̱xa̱ xi na̱nga̱, kó ítjatsꞌennii̱ xoó ndiꞌaa̱ nga̱soón ngo ndi̱jo̱ xi je, kó nga kamáje ndejeèꞌ, ndáfoaa̱ yeꞌétꞌa xchaán kui ndiꞌaa̱, ta̱nga nde katsꞌéntíyájiín, ngatꞌa̱ nga̱soón ngo ndi̱jo̱ kamánda.

Rkaa̱ 6:48 ပူးပေါင်းရင်းမြစ်များ

Xo̱jo̱n Salmoo̱ 32:6

Kuíni nga ji ku̱i̱chji̱a̱a̱ ngayeje xota̱ tsjiee̱, ni̱xtjin nga to̱kó ka̱ma sa̱kó ngasee̱ ji, Ngatꞌa̱ ja̱koxi̱ boá nga kjiꞌanga ko̱e̱je̱nkꞌa ndáfoaa̱, kjo̱chótꞌajiín kui xotaa̱.

Xo̱jo̱n Salmoo̱ 62:2

ta̱kuítsí Néná xi ndi̱jo̱ jena ko̱jo xi ꞌboxiéꞌána, kuí boá xi konna, kó ko̱ngajonjín an.

Xo̱jo̱n Salmoo̱ 95:1

¡Ndibájnú, kó tsjangatꞌiéná nga ko̱ndáa̱ Néná! ¡Si̱ꞌantsjàa̱ Néná, kui xi xikoó Ndi̱jo̱je xi ꞌboxiéꞌáná!

Énkjínkón 10:25

Kjiꞌanga foaꞌa ngo tjo̱ꞌniú, chaja xota̱ xi ndajiín, ta̱nga ngatsjéni̱xtjin nga kꞌuijñá xota̱ xi kixi̱i̱.

Rkaa̱ 6:47

Ngayeje xota̱ xi ndibakónna, kó ntꞌié énna, kó tsꞌénkjátjosón, kꞌi̱e̱ xiyàjnúꞌun xi kókón kui:

Rkaa̱ 6:49

Ta̱nga xi tsintꞌié, kó katsꞌénkjatjosónjín, kꞌi̱e̱ xiyàjnúꞌun xi kókón kui: Bo̱a̱ fóyanii̱ xikoó ngo nda̱ xi katsꞌénda ngo ndiꞌa nga̱soón tꞌanangii̱, kó jmí xó ítjatsꞌenjínnii̱ nga katsꞌénda, kó nga kamáje ndejeèꞌ, ndáfoaa̱ yeꞌétꞌa xchaán kui ndiꞌaa̱, kó tji̱e̱nmá tsꞌáka, kó tsie ni xi jee̱.

Juaa̱ 16:33

Kuí nii̱ xi je kixiyajnúꞌun, tsi̱ꞌe̱ nga sa̱kójnú kjo̱a̱xióna. Achichí kjo̱a̱ni̱ma̱ ku̱i̱tja̱tiójnú kui nga̱sondiee̱, ta̱nga ti̱ꞌanꞌniátakónjnúꞌun, ngatꞌa̱ an, jè katsꞌée̱n kui nga̱sondiee̱.

Ni xi kamá 14:22

kó ki̱a̱ katsjángaꞌniuú xota̱ xi sꞌijii̱n Kjisoo̱, kó ꞌniú tsíchji̱a̱jo, tsi̱ꞌe̱ nga sa̱ꞌínsꞌijin, kó bo̱a̱ katsoó nga chjiéngá tsie kjo̱a̱ni̱ma̱ ku̱i̱tja̱tió, tsi̱ꞌe̱ nga ku̱i̱tjásꞌi̱e̱n nínga botixómá Néná.

Xota̱ Éfeso̱ 2:20

Jún xikónií ngo ndiꞌa nkꞌa xi kjimanda kui xi já apostroo̱, ko̱jo já chji̱ni̱e̱ꞌe̱én Néná ítjatsꞌennii̱ nga ndyi̱kjininkꞌa, kó Jesukristoo̱ boá kui xi ndi̱jo̱ ngaꞌniuú kui ndiꞌaa̱.

Ndeuteronomio̱ 32:15

»Ta̱nga xota̱ Israee̱l ngije achichí nda kisꞌińdo, katsꞌénchíyà Néná, ¡katsꞌénchíyà kui xi katsꞌénda! Kamáchꞌoó nga Néná askoo̱n, kui Néná xi ja̱bo̱a̱ je tsꞌaxiéꞌá.

Ndeuteronomio̱ 32:18

»Xota̱ Israee̱l katsꞌénchíyà Néná, kui Néná xí katsjaá kjo̱a̱mindyion. Íjñá masien kui xi katsꞌénda, kó katsꞌénchíyà kui xi askoo̱n.

Ndeuteronomio̱ 32:31

»Be nda nda xota̱ xi kondra̱ná nga ni xi ne ndyi̱tsoó, jmí ngaꞌniújiín, ¡ngaꞌniuú tsi̱ꞌe̱ Néná boá!

2 Timoo̱ 2:19

Ta̱nga ta̱kó ꞌniú tikón eén Néná, kó tikón xikoó ngo xó xí ꞌbítjatsꞌennii̱ ngo ndiꞌa, nínga bi̱ tsꞌén kjitꞌa: “Ndi̱a̱ná be kuí xota̱ xi je tsi̱ꞌe̱”, ko̱jo: “Ngayeje xota̱ xi míꞌátjéni nga tsꞌénkáxoma jaꞌeén Néná, ngatꞌíndomasien ngayeje ni xi ndajiín.”

2 Xo̱jo̱o̱n Peé 1:10

Kuíni ntsꞌie, nga Néná je tsíchji̱a̱jnú ko̱jo nga je jaꞌájinjnú, chónjnú nga kui nii̱ ꞌniú kꞌuíjinjnú, ngatꞌa̱ tsi bo̱a̱ si̱ꞌánjnú jmíni̱xtjin kꞌo̱kajnú ngindie jàn.

1 Xo̱jo̱o̱n Juaa̱ 2:28

Kó ngotꞌe̱ ꞌne̱ ndí ndí tsa̱ꞌa̱n, tindyionjinjnúu̱ Jesukristoo̱, tsi̱ꞌe̱ nga kjiꞌanga ko̱kó yojoo̱, tji̱e̱nda̱jín ka̱máná nga kongínchóo̱n ngindyi̱ko̱n, kó kjinjín si̱ꞌáa̱n yojoná nga soboá ka̱máná nga kjo̱e̱ꞌe kuí.

Xo̱jo̱o̱n Jundaa̱ 1:24

Néná tjiín ngaꞌniú nga skónjnú tsi̱ꞌe̱ nga kꞌo̱kajínjnú, ko̱jo tsi̱ꞌe̱ nga ndándíjín ka̱majnú nga kongínjnú ngindyi̱ko̱n kui, kó nga ꞌniú tsja kꞌuiéjnú nga kjóchójnú nínga tikón kjo̱a̱jee̱,