Rkaa̱ 6:45 - Xo̱jo̱n eén Néná

⁴⁵ Nda̱ xi ndaa̱, ni xi nda ꞌboxié xi tikónjii̱n ngi̱jin ini̱ma̱a̱, kó nda̱ xi ndajiín, ni xi ndajín ꞌboxié xi tikónjii̱n ngi̱jin ini̱ma̱a̱. Ngatꞌa̱ ni tsie xi tjíjii̱n ngi̱jin ini̱ma̱a̱ xotaa̱, kuí ni xi chji̱a̱ tsꞌoa.

Rkaa̱ 6:45 ပူးပေါင်းရင်းမြစ်များ

Xo̱jo̱n Salmoo̱ 140:5

Xota̱ xi nkꞌakon boá. Ki̱a̱ nínga jaꞌa an índo chja̱ya̱, tsi̱ꞌe̱ nga ki̱a̱ kꞌo̱kayà an katsaki.

Xo̱jo̱n Salmoo̱ 59:12

Xki̱ nga kjíxꞌá tsꞌoa, tsꞌénjé nga chji̱a̱, ti̱ kui xi ngatixóyà chja̱ya̱a̱ kjo̱a̱nkꞌakoo̱n, ko̱jo kjo̱a̱a̱ ni ndiso ko̱jo ni xi ndajín xi ndyi̱chji̱a̱.

Xo̱jo̱n Salmoo̱ 59:7

Achichí nkꞌa maá yojoo̱ nga ta̱ chiboa chji̱a̱, kó nga chji̱a̱, xikó maá tsi kichiro̱ eén nga bi̱ tsó: ꞌYá xí ntꞌiéná.

Énkjínkón 12:18

Xota̱ xi ta̱xkiya chji̱a̱a̱, tsꞌénꞌónná eén xikoó tsi ngo kichiro̱, ta̱nga ni xi chji̱a̱ xota̱ xi kjínkoón, xikónií tsi ndiki xi tsꞌéndàyà nínga onná.

Énkjínkón 15:23

Achichí tsjá maá xotaa̱ nga be nga nda ni xi chji̱a̱, kó achichí nda ngase maa̱ kjiꞌanga kuí má chi̱bo̱a̱a̱ nga tsjá ngo én.

Énkjínkón 4:23

Kó nga̱soón ngayeje nii̱, chíi̱n ni xi fojin ji ini̱ma̱a̱, ngatꞌa̱ ki̱a̱ boá nínga ndibánií kjo̱a̱mindyioo̱n.

Juaa̱ 7:38

Xi sꞌijii̱n an, xikó tsó xo̱jo̱n eén Néná, ngi̱jin ini̱ma̱a̱ ko̱ngajii̱n ndáfoaa̱ ndejèꞌ xi tikón.

Ni xi kamá 5:3

Ta̱nga Peé, bi̱ katsoó: –Ananiya̱, ánní nga xindajín Satanaa̱ tsꞌasꞌieén ngi̱jii̱n ini̱màa̱ nga ikꞌíndiseje̱ ji A̱si̱énni̱xtjii̱n Néná, nga kachjábé jí ngo tjín kui to̱o̱n ni xi akatíñí ji.

Xota̱ Éfeso̱ 3:8

An xí achichí chichí ngase an ngi̱jii̱n xota̱ tsjiee̱ Néná, ta̱nga an katseꞌéna kui kjo̱a̱ndaa̱ nga kꞌuini̱jmìi̱ xota̱ xi jundío̱jiín, éntjatsi̱e̱e̱ kjo̱a̱cho̱n tsiee̱ Kristoo̱ xi jmíjín xi makjín yejee̱.

Xota̱ Éfeso̱ 4:29

Ngata̱ jmí én chꞌo tsó ndokjo̱a̱jínjnú, ta̱sá én nda xi tsja̱angaꞌniuú xotaa̱ xi ndókjo̱a̱jnú, tsi̱ꞌe̱ nga ni xi nda sa̱ko̱ó xota̱ xi ku̱i̱ntꞌiè kuí eén.

Xota̱ Éfeso̱ 5:19

nga ko̱ndókjo̱a̱jojnú xingi̱jnú ti̱ꞌankjiénjnú salmo̱, só xi ndaa̱ Néná, ko̱jo só xi bokoyájnú a̱si̱énni̱xtjii̱n, kó ndaàjnú, ko̱jo ti̱ꞌantsjàjnúu̱ Ndi̱a̱ná ngayejee̱ ini̱ma̱jnú.

Xota̱ Kolosa̱ 3:16

¡Eén Kristoo̱ ꞌniú nga tꞌíjñajinjnú xikoó tsi ngo kjo̱a̱cho̱n! Takoyajnúu̱ xingi̱jnú, kó ja̱kꞌi̱e̱ ja̱ngaján tatíxomájnúu̱ nga si̱ꞌankjiénjnú ngayeje kjo̱a̱kjínkón, ndaàjnú ngayeje ini̱ma̱jnú nga ko̱e̱ꞌéjnúu̱ ndokꞌóchjì Ndi̱a̱ná nga ko̱ndàjnú salmo̱, só xi ndaa̱ Néná, ko̱jo só xi bokoyájnú a̱si̱énni̱xtjii̱n.

Xota̱ Kolosa̱ 4:6

Nga ko̱ndókjo̱a̱jnú chjiéngá nda nga tsó énjnú, kó tsjangatamaa̱ xotaa̱, tsi̱ꞌe̱ nga xcha̱jnú kótsꞌèn ko̱ndókjo̱a̱jongajnú nga ngo nga ngo xotaa̱.

Xota̱ Ebreo̱ 8:10

Kjiꞌa ngije bo̱a̱ ka̱ma, kuí ni xi̱ꞌbi̱ xi kꞌuindajo̱ an xota̱ Israee̱l: Jaskan ngije jaꞌa kui ni̱xtjii̱n, ngi̱jii̱n kjo̱a̱kjíntakoón kꞌuijñájin an kjo̱a̱kitina, kó nga̱són ini̱ma̱a̱ sa̱ꞌinꞌindó an. Án xí Nee̱ kui ka̱ma an, kó kuí boá xi xota̱ na̱xi̱ńdána ka̱ma.

Xo̱jo̱o̱n Jundaa̱ 1:15

tsi̱ꞌe̱ nga ka̱tso̱yaa̱ ngayeje xotaa̱ kui nga̱sondiee̱ tsi nda ko̱jo tsi ndajín katsꞌén, ko̱jo tsi̱ꞌe̱ nga ko̱tíjeé ngayeje xota̱ xi ndajiín, kjo̱a̱a̱ ngayeje ni xi ndajín xi katsꞌén, ko̱jo kjo̱a̱a̱ ngayeje én chꞌo tsó xi katsoó Néná.”