Rkaa̱ 6:30 - Xo̱jo̱n eén Néná

³⁰ Ta̱ ꞌyání xi ku̱i̱ꞌaa̱ ngo ni, te̱ꞌée̱, kó tsi tjín xí kjo̱a̱ꞌáxiín ni xi tse̱, ngata̱ chjiéꞌéjíi̱n nga tsja̱ꞌóyá nginií.

Rkaa̱ 6:30 ပူးပေါင်းရင်းမြစ်များ

Xo̱jo̱n Salmoo̱ 112:9

Ngatsjéni̱xtjin nga bosikójo xota̱ xi ni̱ma̱a̱, achichí tsjá maá nga bo̱a̱ tsꞌén, ngayeje ni xi tsꞌén, nda fotjoo̱, kó tsja maa̱ nga kjininkꞌá kje̱n.

Xo̱jo̱n Salmoo̱ 41:1

Achichíra̱tsjaa̱ xota̱ xi nda̱ maa̱ xota̱ ni̱ma̱a̱, ngatꞌa̱ kjiꞌanga kji̱ndi̱bá ni̱xtjin xi ndajiín, Néná boá xi kꞌo̱xiéꞌá.

Énkjínkón 19:17

Xota̱ xi tsꞌénkíyaà to̱n xota̱ xi ni̱ma̱a̱, xikónií tsi Néná xí tjítsꞌénkíyaá. ¡Kó kui kjo̱a̱ndaa̱ Néná ku̱i̱ꞌíchjí nginií!

Énkjínkón 21:26

Tjín xota̱ xi nga ngo ni̱xtjii̱n nga mejeén ngo ni, kó xota̱ xi kixi̱i̱, nde onjín maá nga tsjá ngo ni.

Énkjínkón 22:9

Néná tsꞌénchíkonñé xota̱ xi tjiín kjo̱a̱ni̱ma̱takón, ngatꞌa̱ katsjaá nichinie xota̱ xi ni̱ma̱a̱.

Eklesiastee̱ 11:2

Tsi yito ko̱jo tsi ngaskande jin xota̱ ti̱ꞌinkjaꞌasée̱n ni xi tjiín, ngatꞌa̱ nde yejín ji mí ni xi ndajín xi ka̱maa̱ tꞌanangii̱.

Eklesiastee̱ 8:16

Kó án ki, ti̱ ta̱sá kamámejéna nga tsangasendi̱yàa̱ nga skuie ngase an kjo̱a̱a̱ kjo̱a̱kjínkoón, tsi̱ꞌe̱ nga ka̱makjínna ngayeje ni xi niꞌán kui nga̱sondiee̱, ngatꞌa̱ tjín xota̱ xi nde nga ni̱xtjin ko̱jo nga ni̱xtji̱e̱n foféjín,

Matioo̱ 18:35

Sꞌe̱ Kjisoo̱, bi̱ katsó ngase: –Bo̱a̱ ti̱ sa̱ꞌínjo̱jnú Na̱ꞌmina xi tikón ndiꞌakꞌajmi jàn tsi ngayejejín ini̱ma̱jnú nga si̱ꞌanjetakónjnúu̱ nga chꞌo ka̱tso̱jnú ngo ntsꞌiejnú.

Matioo̱ 5:39

Ta̱nga an, bi̱ xiánjnúꞌun: Ngata̱ jmí ni niꞌínje̱jín ji kui xota̱ xi ndajiín, ta̱sá ta̱ ꞌyání xi ko̱tꞌa tꞌanijin xi fojnií, ti̱ te̱ꞌée̱ nga ko̱tꞌa tꞌanijin xi skoón nga.

Matioo̱ 6:12

Kó ti̱ꞌinjetakínjne̱ ni xi tjitjíe̱njne̱ ji̱n, xikótsꞌèn niꞌánjetakónjne̱ ngayeje xota̱ xi tjitjieén tsa̱ji̱n.

Rkaa̱ 11:41

Ta̱nga te̱ꞌéjnú chji̱e̱ ni xi tjíjii̱n ini̱ma̱jnú, kósꞌe̱ bo̱a̱ tsí tsꞌén nga tsjie ka̱ma ngayeje nii̱ ngindyi̱ko̱n Néná.

Rkaa̱ 12:33

Tatíñájnú ngayeje ni xi tjínjnú, kó to̱o̱n to̱nchji̱e̱ ti̱ꞌánjnú nga ko̱e̱ꞌéjnúu̱ xota̱ xi chjieén, ti̱ꞌandajnú stsa xi ka̱maxchájín, kó chja̱ꞌátjójnú ndiꞌakꞌajmi jàn kjo̱a̱cho̱n xi kju̱i̱e̱jín, nínga chejeé kjo̱chójín, ko̱jo nínga xobií ka̱májiín sa̱ꞌínkjié.

Rkaa̱ 18:22

Nga tsintꞌié Kjisoo̱ kui nii̱, bi̱ katsó: –Ingo ni chaja ngasee̱: Tatíñí ngayeje ni xi tjiín, kó to̱o̱n kui nii̱ xota̱ ni̱ma̱a̱ te̱ꞌée̱, kó bo̱a̱ tsí tsꞌén nga kꞌuieé ngo kjo̱a̱cho̱n ndiꞌakꞌajmi jàn, sꞌe̱ ndibétji̱ngíní ngijee̱.

Rkaa̱ 6:29

Tsi tjín xí ko̱tꞌa ngo tꞌanijin, te̱ꞌée̱ nga ko̱tꞌa xi ingoo̱ nga, kó tsi tjín xí kjo̱a̱ꞌáxiín ńjño xi kjitꞌa nga̱xten, te̱ꞌée̱ chi̱ngàa̱ nga.

Rkaa̱ 6:31

Xikó tsꞌén mejénjnú nga si̱ꞌanjo̱jnú jún, bo̱a̱ ti̱ ti̱ꞌanjo̱jnú xota̱ xi kje̱ꞌe nga.

Rkaa̱ 6:38

Te̱ꞌéjnúu̱ ni xi ka̱machjieén ngo xota̱, kó Néná tsja̱ajnú ni xi ka̱machjiénjnú jún. Tsja̱ajnú ngo stsa chi̱bo̱a̱ xi sꞌi̱kitsie má nga ꞌniú xi̱ndyiá. Ngatꞌa̱ ti̱ kuii̱ yáchi̱bo̱a̱ xi si̱ꞌankjiénjnú nga xꞌi̱chi̱bo̱a̱jnú, ti̱ kuii̱ xi sa̱ꞌínkjién Néná nga kꞌo̱chi̱bo̱a̱jojnú jún.

Ni xi kamá 20:35

Ngatsjéni̱xtjin akoyájnúꞌun nga bo̱a̱ tsꞌén si̱ꞌanxá ko̱jo nga ko̱si̱ko̱jó xota̱ xi ni̱ma̱ tjimá, kó ti̱ꞌankjaꞌátsjienjnú kui én xí tsíchji̱a̱ Ndi̱a̱ná Kjisoo̱ xi bi̱ tsó: “Achichíra̱ tsjakjiꞌi ngase nga ñá ko̱e̱ꞌé, ta̱bo̱a̱jínnii̱ nga ñá ko̱e̱ꞌéná.”

2 Xota̱ Korinto̱ 8:9

Ngatꞌa̱ jè yàjnú kjo̱a̱nda xi akóná Ndi̱a̱ná Jesukristoo̱, ngatꞌa̱ ta̱ngatꞌanii̱ nga tjoó jún nga ni̱ma̱ kamá kuí, ndatsi cho̱n boá. Tsi̱ꞌe̱ nga kui kjo̱a̱ni̱ma̱ xi kisꞌiee̱ kui, kamácho̱nnijnú jún.

Xota̱ Éfeso̱ 4:28

Kui xota̱ xi katsꞌénchejé ngasꞌe̱, ngiti̱ bo̱a̱jín nga tsꞌén, ta̱sá ngatsꞌénxá, ngo xá xí nda nga tsꞌén nga sa̱ꞌínkjién tsja, tsi̱ꞌe̱ nga kꞌuieé ngo ni xi tsja̱á xota̱ xi ka̱machjieén ngo ni.