Rkaa̱ 6:23 - Xo̱jo̱n eén Néná

²³ Tsja ngatamajnú kui ni̱xtjin jàn, kó tsjangatꞌiéjnú, ngatꞌa̱ ta̱nisién je ni xi sa̱kójnú ndiꞌakꞌajmi jàn, ngatꞌa̱ bo̱a̱ ti̱ tsꞌén xota̱ xi xchaá kui xotaa̱, bo̱a̱ katsꞌénjo̱ já chji̱ni̱e̱ꞌe̱én Néná.

Rkaa̱ 6:23 ပူးပေါင်းရင်းမြစ်များ

Xo̱jo̱n Salmoo̱ 58:11

Kósꞌe̱ bi̱ ka̱tso̱ xota̱ nga̱sondiee̱: «¡Nga ja̱koxi̱, tsꞌén ngo ni xi niꞌán xota̱ xi kixi̱i̱! ¡Ja̱koxi̱ boá nga tikón ngo Néná xí kixí tsꞌén tsꞌenseén xotaa̱ kui nga̱sondiee̱!»

Matioo̱ 5:12

Tsja ngatamajnú ko̱jo tsjangatꞌiéjnú, ngatꞌa̱ ta̱nisién je ni xi sa̱kójnú ndiꞌakꞌajmi jàn, ngatꞌa̱ ti̱ bo̱a̱ ti̱ tsꞌén ikiyotji̱ngii̱ já chji̱ni̱e̱ꞌe̱én Néná xi tjón kisꞌińdo ngindiee̱ nga ku̱i̱ndyionjnú jún.

Rkaa̱ 1:41

Kó nga tsintꞌié nga katsꞌéntinde na̱ Riyaa̱, kui ndí xí yaꞌa na̱ Sabee̱ iskjínkꞌá má ngi̱ya nga̱tsꞌo̱a̱, kó na̱ Sabee̱ ti̱ kjiꞌa tsꞌasꞌienjii̱n A̱si̱énni̱xtjii̱n Néná.

Rkaa̱ 1:44

Ngatꞌa̱ nga tsintꞌie an nga kiniꞌíntindení, ndí xí yaꞌa an, iskjínkꞌatsja má ngi̱ya nga̱tsꞌo̱a̱ án.

Rkaa̱ 6:35

Ta̱nga jún chjiéngá si̱ꞌantjójnú kondra̱jnú, kó nda ti̱ꞌanjo̱jnú, kó ti̱ꞌankíyájnúu̱ ngo ni, nga jmí tsi xchiyàjnúu̱ nga kje̱ꞌe ni ko̱e̱ꞌé nginíjnú, kó bo̱a̱ tsꞌén nga sa̱kójnú ngo kjo̱a̱nda xi ꞌniú je, kó jún, ndií Néná xí tikón ndiꞌakꞌajmi jàn ka̱majnú, kui Néná xí nda tsꞌénjo̱ xota̱ xi bejín ni xi nda niꞌánjo̱, ko̱jo xota̱ xi ndajín ndyi̱tsꞌèn.

Ni xi kamá 14:10

kó Pabloo̱ ꞌniú tsíchji̱a̱jo kui nda̱a̱, nga bi̱ katsoó: –¡Ti̱sítji̱n, kó tꞌíjñí na̱xo̱ ndsa̱ki! Kó kui nda̱a̱ ta̱niján ma iskjínkꞌá, kó kasasienkixi̱, sꞌe̱ kamá kistsoꞌbá.

Ni xi kamá 3:8

kó nda̱ ni̱ma̱ see̱ iskjínkꞌá má nga kasasienkixi̱, kó tji̱e̱nmá kistsoꞌbá, sꞌe̱ tsꞌasꞌienjo̱ Peé ko̱jo Juaa̱ ngi̱ya na̱ngo̱xi̱i̱, kistsoꞌbá kó iskjínkꞌá iskjítsiña nga katsꞌéntsjaà Néná.

Ni xi kamá 5:41

Kó kui já apostroo̱ ata̱ chichí tsja tjiín nga jataxie nínga síndo jáxaá, ta̱ngatꞌanii̱ nga Néná katsjaá nga jaꞌatio kjo̱a̱ni̱ma̱ kjo̱a̱a̱ nga tsintꞌiéꞌeén Kjisoo̱.

Xota̱ Roma̱ 5:3

Kó jmí tsi ta̱kuítsí nii̱ xi tsja máná, ti̱ tsjá máná kjo̱a̱a̱ kjo̱a̱ni̱ma̱ná, ngatꞌa̱ je ya nga kjo̱a̱ni̱ma̱a̱ bokoyáná nga kꞌuiéná kjo̱a̱chiyákjo̱a̱.

2 Xota̱ Korinto̱ 12:10

Ta̱ngatꞌaa̱ nga tjóna Kristoo̱, achichí tsja mana ngatꞌa̱ ngiti̱ jmíjínna ngaꞌniú, ko̱jo kjo̱a̱a̱ nga chꞌo ꞌmína, ko̱jo kjo̱a̱a̱ nga jmíjínna ni xi machjiénna, ko̱jo kjo̱a̱a̱ nga miyotji̱ngina, ko̱jo kjo̱a̱a̱ kjo̱a̱ni̱ma̱ xi tsꞌén foaꞌatio an. Ngatꞌa̱ kjiꞌanga jmíjínna ngaꞌniú, kjiꞌá boá nga ꞌniú ngase kjima an.

Xota̱ Kolosa̱ 1:24

Ngotꞌe̱ ꞌne̱, achichí tsja mana kjo̱a̱a̱ kjo̱a̱ni̱ma̱ xi tsꞌénfoaꞌatio an nganda tsa̱jún, ngatꞌa̱ bo̱a̱ tsꞌén kjimando̱jona yojona nga tsꞌénfoaꞌatio an kjo̱a̱ni̱ma̱ xi tjisákoó Kristoo̱ ngandaa̱ xota̱ na̱ngo̱xi̱i̱, ngatꞌa̱ xota̱ na̱ngo̱xi̱i̱ kuí boá xi yojoo̱ Kristoo̱.

2 Timoo̱ 2:12

Tsi si̱ꞌanchíkjo̱a̱ kuí kjo̱a̱ni̱ma̱a̱, ti̱ bo̱a̱ ti̱ tsꞌén nijan ko̱ti̱xomajo̱. Tsi si̱ꞌankie jàn yojoná nga ki̱a̱ timatji̱ngìi̱, ti̱ bo̱a̱ ti̱ tsꞌén kuí sa̱ꞌínkiejín yojoo̱ nga bená ñá.

Xota̱ Ebreo̱ 11:26

Katsꞌénkjó kuí nga chjí ngasenii̱ kui kjo̱a̱ni̱ma̱ xi kjo̱a̱ꞌatio kui, kui xi ti̱ kjo̱a̱ꞌatio nda̱ xi katsó Néná nga sa̱ngíyá, ta̱bo̱a̱jiín nga kꞌuieé kjo̱a̱cho̱o̱n nangi Ejipto̱, ngatꞌa̱ Moisee̱ tsꞌénkoyaa̱ ni xi Néná tsja̱á.

Xota̱ Ebreo̱ 11:6

Ta̱nga tsi jmíjín kjo̱a̱sꞌijii̱n, ka̱májín si̱ꞌantsjaa̱ Néná, ngatꞌa̱ chjiéngá kui xi sa̱ꞌíntiñaa̱ yojoo̱ Néná, sꞌijii̱n nga tikón Néná, ko̱jo nga Néná boá xi tsja̱á ngo ni nda xi niꞌán kui xota̱ xi mongase kui.

Xo̱jo̱o̱n Sandiyaá 1:2

Jún ntsꞌie, tsja ngatamajnú kjiꞌanga kjín to̱ko̱ya ni ku̱i̱tjájinjnú nga chjátꞌayákónjnú,

1 Xo̱jo̱o̱n Peé 4:13

Ta̱sá tsja ngatamajnú nga ko̱jo jún ku̱i̱tja̱tiójnú kui kjo̱a̱ni̱ma̱ xi xikoó xi jaꞌatio Kristoo̱, tsi̱ꞌe̱ nga tsja ka̱majnú kjiꞌanga kji̱ndi̱bá nginí Kristoo̱ nga ko̱kó kjo̱a̱jee̱.

Ni xi akakoo̱ 2:17

Xi tjín tji̱bo̱a̱nijon nga ku̱i̱ntꞌiè, ngatintꞌiè ni xi A̱si̱énni̱xtjii̱n tsoó xota̱ na̱ngo̱xi̱i̱. Kui xi sa̱ꞌiín, tsjàa̱ nga skji̱ni̱e̱ ni xi ꞌmí manaa̱ xi tikónꞌmaá, kó ti̱ tsjàa̱ ngo ndí ndi̱jo̱ tiboa, kui xi kjitꞌaa̱ ngo jaꞌén tja̱tsi̱e̱ xi nde kji̱e̱ ngo xi be, ta̱kuítsí xota̱ xi kjíbé kuí ndí ndi̱jo̱o̱.”

Ni xi akakoo̱ 2:26

Kó kui xi sa̱ꞌiín, kó sa̱ꞌínkjatjosón ngaskande nga kju̱i̱e̱tꞌa ni xi mejénna nga sa̱ꞌín, tsjàa̱ xá, tsi̱ꞌe̱ nga kui ko̱tíxomaa̱ na̱xi̱ńdaá,

Ni xi akakoo̱ 2:7

Xi tjín tji̱bo̱a̱nijon nga ku̱i̱ntꞌiè, ngatintꞌiè ni xi A̱si̱énni̱xtjii̱n tsoó xota̱ na̱ngo̱xi̱i̱. Kui xi sa̱ꞌiín, tsjàa̱ nga skji̱ni̱e̱ too̱ yá xí tsjá kjo̱a̱mindyion xi tikón ngi̱ndie tsjachoo̱n Néná.”

Ni xi akakoo̱ 21:7

Kui xi sa̱ꞌiín, sa̱ko̱ó ngayeje kui nii̱, kó án xí ka̱ma an Nee̱, kó kuí xi ndína ka̱ma.

Ni xi akakoo̱ 3:12

Kui xi sa̱ꞌiín, kuí xí tsjàa̱ nga kui xi ka̱ma yáseé na̱ngo̱xi̱i̱ Ne xi tsa̱ꞌa̱n, kó jmíni̱xtjin kjo̱tjo kui ngi̱ndiee̱, kó nga̱són yojoo̱ sa̱ꞌinꞌindó an jaꞌeén Ne xi tsa̱ꞌa̱n, ko̱jo jaꞌeén na̱xi̱ńdaá Ne xi tsa̱ꞌa̱n, kui xi na̱xi̱ńdáꞌniú Jerusale̱n xi tja̱tsi̱e̱e̱ xi ndibání ndiꞌakꞌajmii̱ Ne xi tsa̱ꞌa̱n, kó ti̱ bo̱a̱ ti̱ tsꞌén kꞌuijñáa̱ yojoo̱ jaꞌén tja̱tsi̱e̱na.

Ni xi akakoo̱ 3:5

Kui xi sa̱ꞌiín, ńjño tiboa ko̱a̱ja̱, kó sa̱ꞌinkjiéjín an jaꞌeén nga kjitꞌa ki̱a̱ xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjii̱n, ta̱sá xiyà an nga be án kuí, ngindyi̱ko̱n Na̱ꞌmina ko̱jo ngindyi̱ko̱n ndítsjiee̱.