Rkaa̱ 6:22 - Xo̱jo̱n eén Néná

²² Achichíra̱ tsjajnú jún nga xotaa̱ sa̱ꞌínchꞌójnú, ko̱jo nga ko̱ngatji̱ngijnú, ko̱jo nga chꞌo ka̱tso̱jnú, ko̱jo nga chꞌo ka̱maa̱ jaꞌénjnú xikoó tsi ngo ni xi ndajín, ta̱ngatꞌanii̱ ndií nda̱ xi̱ꞌii̱n.

Rkaa̱ 6:22 ပူးပေါင်းရင်းမြစ်များ

Matioo̱ 10:18

Kó ngaskande ngindyi̱ko̱n xtitjón ko̱jo re kongínjo̱jnú ta̱ngatꞌanii̱ an, tsi̱ꞌe̱ nga ko̱ndókjo̱a̱jnú kjo̱a̱a̱ an ngindyi̱ko̱n kui xotaa̱ ko̱jo xota̱ xi jundío̱jiín.

Matioo̱ 10:22

Kó ngayeje xota̱ xi sa̱ꞌínchꞌójnú ta̱ngatꞌanii̱ jaꞌénna, ta̱nga xi sa̱ꞌínchíkjo̱a̱ ngaskande nga kju̱i̱e̱tꞌa, kuí xi̱ꞌba̱ xi kjo̱tjoꞌa.

Matioo̱ 10:39

Xi ka̱mamejeén sa̱ko̱ó kjo̱a̱mindyioo̱n, ta̱sá sa̱ꞌínchaja, kó xi sa̱ꞌínchaja ta̱ngatꞌanii̱ an, kuí boá xi sa̱ko̱ó kjo̱a̱mindyioo̱n.

Rkaa̱ 20:15

Kó katsꞌénkꞌién ndií ndi̱a̱ xi tsi̱ꞌe̱ kui ngi̱ndiee̱, sꞌe̱ tsꞌaxié nínga tjitjíe̱ tostsi̱je̱è. Kósꞌe̱ Kjisoo̱ asíyá: –Kó mí xí sa̱ꞌín ndi̱a̱ xi tsi̱ꞌe̱ kui jno̱ tostsi̱je̱è.

Rkaa̱ 21:17

kó ngayeje xotaa̱ sa̱ꞌínchꞌójnú ta̱ngatꞌanii̱ jaꞌénna.

Rkaa̱ 6:21

Achichíra̱ tsjajnú jún xi bojójnú ngotꞌe̱, ngatꞌa̱ sꞌe̱ stsi̱e̱jnú. Achichíra̱ tsjajnú jún xi ndyi̱chaꞌájnú ngotꞌe̱, ngatꞌa̱ sꞌe̱ ko̱jno̱jnú.

Juaa̱ 12:42

Kó ngaskande tjín já xí tjiín xá xí kisꞌijii̱n Kjisoo̱, ta̱nga ta̱ngatꞌanii̱ xota̱ fariseoo̱ nga tsíchji̱a̱jín, tsi̱ꞌe̱ nga ikiyotji̱ngíjiín ngi̱yaa̱ ndiꞌa nínga ndokjo̱a̱ eén Néná.

Juaa̱ 16:2

Ku̱i̱yotjíngíjnú ndiꞌa nínga ndokjo̱a̱ eén Néná, kó ngaskande kjo̱chó chi̱bo̱a̱ nga tjín xí sa̱ꞌínkꞌiénjnú, kó sa̱ꞌínkjó nga xaá Néná xí tjítsꞌén.

Juaa̱ 17:14

An jè katsjáa̱ ée̱n, kó xotaa̱ kui nga̱sondiee̱ katsꞌénchꞌó, ngatꞌa̱ jmí tsi kui nga̱sondiee̱ chji̱a̱ni, xikoó án, nga ti̱ jmí tsi kui nga̱sondiee̱ chjiá an.

Juaa̱ 7:7

Ka̱májiín xotaa̱ kui nga̱sondiee̱ sa̱ꞌínchꞌójnú jún, ta̱nga chꞌórií an, ngatꞌa̱ xiyàa̱ nga ndajín ndyi̱tsꞌèn.

Juaa̱ 9:34

Sꞌe̱ kui jaá, bi̱ katsoó nda̱ xi kamáti̱ka̱a̱: –Áa̱n a bo̱a̱, a ji xi tjiín jé ndeskande koó nga katsen ji, kó a jí xí ko̱ko̱yéjne̱. Sꞌe̱ kaꞌnaxié kui nda̱a̱ ngi̱ya ndiꞌa nínga ndokjo̱a̱ eén Néná.

Ni xi kamá 22:22

Kó ngaskande kꞌi̱e̱ tji̱e̱n jachó nga tsíchji̱a̱ Pabloo̱, sꞌe̱ ítsꞌi̱yanii̱ nga askjandáyà má xota̱ na̱xi̱ńdaá, nga bi̱ katsó: –¡Kui nda̱a̱ chjiénjín nga kꞌuijñá ngase! ¡Ta̱sá ti̱ꞌankꞌiènjnú, ngiti̱ mejénjínjne̱ xcha̱ ji̱n nga kꞌuijñá ngase!

Ni xi kamá 24:5

Kui nda̱a̱, jè ꞌniú tsꞌéntsjájne̱ kjo̱a̱xti, kó ngayeje són nga̱sondiee̱ tsoꞌbá nga jó tjín tjítsꞌén xota̱ jundíoo̱, ko̱jo nga kui xi ngito̱ko̱o̱ xota̱ xi chji̱a̱ni Nasaree̱t tjítsꞌén yojoo̱,

Ni xi kamá 9:16

ngatꞌa̱ án xí kokòo̱ kókjiꞌi tsie kjo̱a̱ni̱ma̱ kjo̱a̱ꞌatio ta̱ngatꞌanii̱ jaꞌénna.

Xo̱jo̱o̱n Sandiyaá 1:12

Achichíra̱tsjaa̱ ngo nda̱ xi xchíkjo̱a̱a̱ kjo̱a̱chjatꞌayákón xi tsꞌénfoaꞌajin, ngatꞌa̱ ngije nda jatjo nga kachjatꞌayákón, sa̱ko̱ó kjo̱a̱mindyion ngatsjéni̱xtjii̱n, kuí boá chjí xí katsóyàtjón Néná nga tsja̱á xota̱ xi tsꞌéntjó Néná.

1 Xo̱jo̱o̱n Peé 3:14

Ta̱nga ndatsi kjo̱a̱ni̱ma̱ ku̱i̱tja̱tiójnú ta̱ngatꞌanii̱ kjo̱a̱kixi̱i̱, achichíra̱ tsjajnú nga bo̱a̱ ka̱majnú. Kuíni nga ngata̱ ꞌyàjín xi mindyiandíkónjnú, ti̱nde ngata̱ nda̱jín májnú jún.