Rkaa̱ 6:21 - Xo̱jo̱n eén Néná

²¹ Achichíra̱ tsjajnú jún xi bojójnú ngotꞌe̱, ngatꞌa̱ sꞌe̱ stsi̱e̱jnú. Achichíra̱ tsjajnú jún xi ndyi̱chaꞌájnú ngotꞌe̱, ngatꞌa̱ sꞌe̱ ko̱jno̱jnú.

Rkaa̱ 6:21 ပူးပေါင်းရင်းမြစ်များ

Jenesii̱s 17:17

Kósꞌe̱ Abraa̱n asiéntikoó ngaskande nga kisitꞌaa̱ xtjien tꞌanangii̱ ngindyi̱ko̱n Néná, kó tsajnó, sꞌe̱ bi̱ tsꞌén katsꞌénkjó: «Kótsꞌèn kꞌuié ngasena ndí nga je úchán nóna». Kó kótsꞌèn nga na̱ Saraa̱ kꞌuieé ngo ndí nga je ichítié ko̱jo yichán noó.

Jenesii̱s 21:6

Kósꞌe̱ na̱ Saraa̱ bi̱ katsó: «¡Néná katsꞌénkajnóna, kó ta̱ꞌyaní xi sku̱i̱e̱ nga ngo ndí tjínna ti̱ ko̱jno̱jona nga!

Xo̱jo̱n Salmoo̱ 107:9

¡Néná foaꞌáxín xíndaá xota̱ xi xíndaá, kó foaꞌáxín bojoó xota̱ xi bojoó!

Xo̱jo̱n Salmoo̱ 119:136

Ngaskande mején mána skjandá an, kjiꞌanga be an nga jmíjín xi tsꞌénkjátjosón.

Xo̱jo̱n Salmoo̱ 143:6

¡Mejen an ndsa̱ án xtji̱e̱e̱n nínga tindyin ji, ngata̱ achichí chjiénna ji, xikó má tsꞌén chjieén ndáfoaa̱ tꞌanangi kixií!

Xo̱jo̱n Salmoo̱ 17:15

Ta̱nga an ki ji Ne, skuié án kje̱n ji nga tjiín kjo̱a̱kixi̱. ¡Nga kjo̱a̱ꞌána, achichí tsjá ka̱mana nga skotsijee̱n ji!

Xo̱jo̱n Salmoo̱ 28:7

Néná boá xi ngaꞌniúna, kó kuí boá xi tsꞌénkónna, xikoó ngo ni xi ꞌbíchjaá ni xi ndajín. Kuí boá xi kamáꞌniátakón ini̱ma̱na, kó kuí boá xi asíko̱jona. Kuíni nga achichí tsjá maá ini̱ma̱na, kó tsꞌéntsjaà, nga siee sóna.

Xo̱jo̱n Salmoo̱ 65:4

¡Achichí kjo̱a̱niꞌánchikonñé sakoó kui xota̱ xi ki̱a̱ tiña síndotꞌaa̱, kui xi ti̱ ki̱a̱ síndo na̱ngo̱xi̱i̱ nga! Achichí nda tsiejne̱ kjo̱a̱a̱ kui nichinie xi ji nangiyejne̱.

Matioo̱ 5:4

Achichíra̱tsjaa̱ xota̱ xi ndyi̱kjandà, ngatꞌa̱ kuí xí sa̱ko̱ó kjo̱a̱niꞌándajon.

Matioo̱ 5:6

Achichíra̱tsjaa̱ xota̱ xi bojó, ko̱jo xi xíndaá nga kixi̱ si̱ꞌansee̱n, ngatꞌa̱ kuí xí stsi̱e̱é.

Rkaa̱ 1:53

Xota̱ xi bojoó katsjaá nichinie, kó xota̱ xi cho̱o̱n katsꞌénkjítiya.

Rkaa̱ 6:20

Kó Kjisoo̱ askotsijee̱n xota̱ tsi̱ꞌe̱, kó bi̱ katsoó: –Achichíra̱ tsjajnú jún xi ni̱ma̱jnú, ngatꞌa̱ tsa̱jún boá nínga botixómá Néná.

Rkaa̱ 6:22

Achichíra̱ tsjajnú jún nga xotaa̱ sa̱ꞌínchꞌójnú, ko̱jo nga ko̱ngatji̱ngijnú, ko̱jo nga chꞌo ka̱tso̱jnú, ko̱jo nga chꞌo ka̱maa̱ jaꞌénjnú xikoó tsi ngo ni xi ndajín, ta̱ngatꞌanii̱ ndií nda̱ xi̱ꞌii̱n.

Rkaa̱ 6:25

Xi̱xꞌi̱a̱njnú jún xi ngotꞌe̱ kitsiejnú, ngatꞌa̱ sꞌe̱ ka̱mabojójnú. Xi̱xꞌi̱a̱njnú jún xi ngotꞌe̱ ndyi̱mojnó jún, ngatꞌa̱ sꞌe̱ on ka̱majnú, ko̱jo sꞌe̱ xchaꞌájnú.

Juaa̱ 11:35

Askjandá Kjisoo̱.

Juaa̱ 4:10

Sꞌe̱ Kjisoo̱, bi̱ katsó: –Tsi yera ji kjo̱a̱ndaa̱ Néná, ko̱jo tsi yera ji ꞌyání xi bi̱ tjítsoó: “Chií ndáfoa te̱ꞌéní”, jira̱ xi chji̱e̱ꞌèe̱, kó kuí xí tsja̱á ndáfoa xi tsjaá kjo̱a̱mindyion xotaa̱.

Juaa̱ 6:35

Sꞌe̱ Kjisoo̱, bi̱ katsó: –Án boá kui pan xi tsjá kjo̱a̱mindyioo̱n, xi kjo̱e̱ꞌe̱kónna ngiti̱ ingojín ni̱xtjin nga ka̱ma bojoó, kó xi sa̱ꞌínsꞌijinna, nginijánjín ka̱ma xíndaá.

1 Xota̱ Korinto̱ 4:11

Ngaskande kui ni̱xtjii̱n xi̱ꞌbi̱ bojójne̱, ko̱jo xíndájne̱, ko̱jo jmíjínjne̱ ńjño, ko̱jo akjatꞌa tꞌanijonjne̱, ko̱jo jmíjínjne̱ ngo ndiꞌa xi tsa̱ji̱n.

2 Xota̱ Korinto̱ 11:27

Jè tsie xá xí katsꞌen an xi katsꞌénkjiendana. Kjín ni̱xtjin indyiáńjñáa̱ yojona. Jè jaꞌatio an bojó ko̱jo xíndá. Kjín ndi̱yà jaꞌatio an kjindiá nga jmí ni iskjíni̱e̱jín an. Kjín ndi̱yà jaꞌatio an nchꞌàn, ko̱jo nga jmí ńjño kisꞌiejínna.

2 Xota̱ Korinto̱ 12:10

Ta̱ngatꞌaa̱ nga tjóna Kristoo̱, achichí tsja mana ngatꞌa̱ ngiti̱ jmíjínna ngaꞌniú, ko̱jo kjo̱a̱a̱ nga chꞌo ꞌmína, ko̱jo kjo̱a̱a̱ nga jmíjínna ni xi machjiénna, ko̱jo kjo̱a̱a̱ nga miyotji̱ngina, ko̱jo kjo̱a̱a̱ kjo̱a̱ni̱ma̱ xi tsꞌén foaꞌatio an. Ngatꞌa̱ kjiꞌanga jmíjínna ngaꞌniú, kjiꞌá boá nga ꞌniú ngase kjima an.

2 Xota̱ Korinto̱ 6:10

Tindyionjne̱ xikoó xota̱ xi ndasen síndo, ta̱nga ngatsjéni̱xtjin nga tsjatjínjne̱. Tindyionjne̱ xikoó xota̱ ni̱ma̱, ta̱nga achichí xota̱ xi niꞌáncho̱njne̱. Tindyionjne̱ xikoó xota̱ jmí nijiín, ta̱nga ngayeje nii̱ xi tjínjne̱.

Xo̱jo̱o̱n Sandiyaá 1:12

Achichíra̱tsjaa̱ ngo nda̱ xi xchíkjo̱a̱a̱ kjo̱a̱chjatꞌayákón xi tsꞌénfoaꞌajin, ngatꞌa̱ ngije nda jatjo nga kachjatꞌayákón, sa̱ko̱ó kjo̱a̱mindyion ngatsjéni̱xtjii̱n, kuí boá chjí xí katsóyàtjón Néná nga tsja̱á xota̱ xi tsꞌéntjó Néná.

Ni xi akakoo̱ 21:3

Kó tsintꞌie an ngo nda̱ xi ꞌniú askjandáyà xi kjindibáni nínga tikón xi botixómaá, xi bi̱ katsó: Kꞌi̱e̱ tikón kui ngi̱ndie ndikón nínga Néná tikónjo̱ xotaa̱, kó kuí ki̱a̱ kꞌuijñájo̱, kó kuí boá xi xota̱ na̱xi̱ńdaá ka̱ma, kó ti̱kuíní Néná xi kꞌuijñájo̱ nga xikoó nga kui xi Nee̱ ka̱ma.

Ni xi akakoo̱ 7:16

Ngiti̱ jmí kjo̱a̱ni̱ma̱ kjo̱a̱ꞌatiojín nga ka̱ma bojó, ko̱jo nga ka̱ma xíndaá, ti̱nde sa̱ꞌínchjánjiín ndoboaá, ti̱nde sa̱ꞌínniꞌínjiín sibeé,