Rkaa̱ 6:20 - Xo̱jo̱n eén Néná

²⁰ Kó Kjisoo̱ askotsijee̱n xota̱ tsi̱ꞌe̱, kó bi̱ katsoó: –Achichíra̱ tsjajnú jún xi ni̱ma̱jnú, ngatꞌa̱ tsa̱jún boá nínga botixómá Néná.

Rkaa̱ 6:20 ပူးပေါင်းရင်းမြစ်များ

Xo̱jo̱n Salmoo̱ 37:16

Nda ngase nda ni chií xi tjiín xota̱ xi kixi̱i̱, ta̱bo̱a̱jiín ni tsie xi tjiín kjín xota̱ xi ndajín.

Énkjínkón 16:19

Chjí ngasenii̱ nga ni̱ma̱kjo̱a̱ ka̱má ngi̱jii̱n xota̱ xi ni̱ma̱kjo̱a̱a̱, ta̱bo̱a̱jiín nga nijan ka̱macho̱njo xota̱ xi nkꞌakoo̱n.

Énkjínkón 19:1

Chjí ngasenii̱ nga xota̱ ni̱ma̱ xi kixi̱ ka̱má, ta̱bo̱a̱jiín tsi xota̱ xi kitikjo̱a̱ ko̱jo tsi xi ta̱xkiya chji̱a̱ ka̱má.

Matioo̱ 11:5

tꞌíni̱jmìjnúu̱ nga xota̱ xi ti̱ka̱a̱ je kamátsijee̱n, xi ni̱ma̱ see̱ je ma fí, xi tjiín chiꞌin xi tsꞌénkjátsón tji̱xin yojoná je kamándaya, xi xtiyaa̱ je tsintꞌié, xi kꞌiee̱n je jaꞌáꞌyaá, ko̱jo nga xota̱ ni̱ma̱a̱ je tjíꞌmíyaá éntjatsi̱e̱e̱ Néná.

Matioo̱ 25:34

Kósꞌe̱ nda̱ Ree̱, bi̱ ka̱tso̱o̱ ngayeje xi síndo nga kixi̱i̱: «Ja̱bíjnúꞌun, jún xi je katsꞌénchikonñéjnú Na̱ꞌmina, chjábéjnú ngi̱ndie nínga botíxoma xi je tikónndajnú ndeskande koó nga ítsꞌi̱yanii̱ nga kamánda nga̱sondiee̱.

Matioo̱ 5:1

Nga kamábe Kjisoo̱ nga achichí má xotaa̱, ngo tji̱ngi̱ kijínijíngí nínga kisꞌijñando, kó xota̱ tsi̱ꞌe̱ kijíkóntiñaa̱,

Rkaa̱ 12:32

Ngata̱ ndakonjínmájnú, jún ndí cho̱tsa̱nga̱ xi tsa̱ꞌa̱n xi chiboa májnú, ngatꞌa̱ Na̱ꞌmijnú, ta̱ngatꞌaa̱ kjo̱a̱ndaa̱, je bo̱a̱ katsó nga tsja̱ajnú ngi̱ndie nínga botixómá.

Rkaa̱ 13:28

Ki̱a̱ xchaꞌájnú, ko̱jo ki̱a̱ xi̱ni̱e̱yàjnú ńꞌniujnú, kjiꞌanga xcha̱jnú Abraa̱n, ko̱jo Isaa̱, ko̱jo Jako̱b, ko̱jo ngayeje já chji̱ni̱e̱ꞌe̱én Néná nga síndo nínga botixómá Néná, kó jún ndi̱tsen ku̱i̱ndyionjnú.

Rkaa̱ 14:15

Nga tsintꞌié kuí nii̱, ngo nda̱ xi tikóntꞌajo̱ yámíxa̱ Kjisoo̱, bi̱ katsó: –Achichíra̱tsjaa̱ xi skji̱ni̱e̱ nichinie nga ko̱tíxoma Néná.

Rkaa̱ 16:25

Ta̱nga Abraa̱n, bi̱ katsoó: “Ji ndí, ngatjaꞌátsjiee̱n nga kjiꞌanga kixindyin ji nga̱sondie achichí ni katseꞌeé, kó Laá achichí ni xi ndajín xi katseꞌeé kui, ta̱nga ngotꞌe̱ ꞌne̱ Laá achichí tjíniꞌándajoo̱n kꞌi̱e̱e̱, kó ji achichí tsie kjo̱a̱ni̱ma̱ tibitjatí.

Rkaa̱ 4:18

A̱si̱énni̱xtjii̱n Ndi̱a̱a̱ tikónjinna, ngatꞌa̱ jè katsjáxána, tsi̱ꞌe̱ nga an xi kꞌuini̱jmìi̱ éntjatsi̱e̱e̱ ngayeje xota̱ ni̱ma̱, katsangiyana nga sa̱ꞌindaya an xota̱ xi oo̱n ini̱ma̱a̱, ko̱jo nga xiyàa̱ nga je kꞌuitsómandé xota̱ xi ndyi̱a̱ꞌya ndo̱bo̱a̱yà ko̱jo nga tsjàa̱ nga ka̱matsijee̱n xota̱ xi ti̱ka̱, ko̱jo nga kꞌuindondé án xota̱ xi ndajín tjíniꞌánjo̱,

Ni xi kamá 14:22

kó ki̱a̱ katsjángaꞌniuú xota̱ xi sꞌijii̱n Kjisoo̱, kó ꞌniú tsíchji̱a̱jo, tsi̱ꞌe̱ nga sa̱ꞌínsꞌijin, kó bo̱a̱ katsoó nga chjiéngá tsie kjo̱a̱ni̱ma̱ ku̱i̱tja̱tió, tsi̱ꞌe̱ nga ku̱i̱tjásꞌi̱e̱n nínga botixómá Néná.

2 Xota̱ Korinto̱ 6:10

Tindyionjne̱ xikoó xota̱ xi ndasen síndo, ta̱nga ngatsjéni̱xtjin nga tsjatjínjne̱. Tindyionjne̱ xikoó xota̱ ni̱ma̱, ta̱nga achichí xota̱ xi niꞌáncho̱njne̱. Tindyionjne̱ xikoó xota̱ jmí nijiín, ta̱nga ngayeje nii̱ xi tjínjne̱.

2 Xota̱ Korinto̱ 8:2

Ndatsi tsie kjo̱a̱ni̱ma̱ xi jaꞌatio nga kachjatꞌayákón, ta̱nga tsjá tjiín. Kó ndatsi ꞌniú ni̱ma̱ síndo, jaꞌásón to̱nchji̱e̱e̱ xikoó tsi xota̱ xi cho̱n.

2 Xota̱ Korinto̱ 8:9

Ngatꞌa̱ jè yàjnú kjo̱a̱nda xi akóná Ndi̱a̱ná Jesukristoo̱, ngatꞌa̱ ta̱ngatꞌanii̱ nga tjoó jún nga ni̱ma̱ kamá kuí, ndatsi cho̱n boá. Tsi̱ꞌe̱ nga kui kjo̱a̱ni̱ma̱ xi kisꞌiee̱ kui, kamácho̱nnijnú jún.

1 Xota̱ Tesalónika̱ 1:6

Kó jún kachjaꞌángijnú ji̱n, kó ti̱ kachjaꞌángijnúu̱ Ndi̱a̱ná nga kixindyionjnú, ngatꞌa̱ ndatsi tsie kjo̱a̱ni̱ma̱ ikitjatiójnú nga kachjábéjnú eén Néná, ta̱nga A̱si̱énni̱xtjii̱n Néná katsjájnú kjo̱a̱tsja.

2 Xota̱ Tesalónika̱ 1:5

Kuí nii̱ xi tsꞌénbokóná nga Néná kixi̱ tsꞌén skotsíjee̱n mí nii̱ xi nda ko̱jo tsi mí nii̱ xi ndajín xi ndyi̱tsꞌèn xotaa̱. Néná tsꞌénboaꞌaxki̱jnú nga kuí boá xi ko̱tíxomájnú jún, kuíni nga kjo̱a̱ni̱ma̱ ndyi̱bitjatiójnú.

Xo̱jo̱o̱n Sandiyaá 1:12

Achichíra̱tsjaa̱ ngo nda̱ xi xchíkjo̱a̱a̱ kjo̱a̱chjatꞌayákón xi tsꞌénfoaꞌajin, ngatꞌa̱ ngije nda jatjo nga kachjatꞌayákón, sa̱ko̱ó kjo̱a̱mindyion ngatsjéni̱xtjii̱n, kuí boá chjí xí katsóyàtjón Néná nga tsja̱á xota̱ xi tsꞌéntjó Néná.

Xo̱jo̱o̱n Sandiyaá 2:5

Jún ndí ntsꞌie xi tjóna, ndaꞌyájnú kui nii̱: A mí tsi Néná je jaꞌájin xota̱ ni̱ma̱a̱ kui nga̱sondiee̱, tsi̱ꞌe̱ nga ka̱macho̱nni ngi̱jii̱n kjo̱a̱sꞌijii̱n Néná, kó nga Néná jè katsóyàtjón nga kuí boá xi ko̱tíxomaa̱, xota̱ xi tsꞌéntjó Néná.

Ni xi akakoo̱ 2:9

Be án kjo̱a̱ni̱ma̱ xi tibitjatí ji, ko̱jo kjo̱a̱ni̱ma̱ xi tindyinjin ji, ndatsi nga ja̱koxi̱ cho̱n ji, kó ti̱ be án kótsꞌèn chꞌo chji̱a̱ kjo̱a̱a̱ ji kui xi xota̱ jundío̱ tsoó yojoo̱, ta̱nga xota̱ jundío̱jín bo̱a̱, ta̱sá kuí boá xi xota̱ xi chji̱a̱ni ndiꞌa nínga ndokjo̱a̱ eén xindajín Satanaa̱.