Rkaa̱ 5:32 - Xo̱jo̱n eén Néná

³² Kó án jmí xota̱ xi kixi̱ jéꞌe̱chjiajáa̱n, xota̱ jé boá xí jéꞌe̱chjiáa̱, tsi̱ꞌe̱ nga sa̱ꞌínkꞌoyà yojoo̱.

Rkaa̱ 5:32 ပူးပေါင်းရင်းမြစ်များ

Matioo̱ 18:10

Tsitsíjenjnúu̱ nga ngojín xi sa̱ꞌínchꞌó ngo kui ndí jákjíndií, ngatꞌa̱ xiyàjnúꞌun nga ndiꞌakꞌajmi jàn ndítsjiee̱ kui kotsijen síkijií kje̱n Na̱ꞌmina xi tikón ndiꞌakꞌajmi jàn.

Matioo̱ 9:13

Ta̱nga tangínjnú, kó ngatamajnú ni xi mejeén tsó kui eén: «Kjo̱a̱ni̱ma̱takón xí mejénna, jmí tsi kjo̱a̱tjó xi si̱ꞌankꞌasꞌienna.» Kó án jmí xota̱ xi kixi̱ jéꞌe̱chjiajáa̱n, xota̱ jé xí jéꞌe̱chjiáa̱, tsi̱ꞌe̱ nga sa̱ꞌínkꞌoyà yojoo̱.

Markoo̱ 15:10

Bo̱a̱ katsó ngatꞌa̱ ja̱bo̱a̱ jè be Pilatoo̱ nga já ngito̱ko̱o̱ chináꞌmii̱ ta̱ kjo̱a̱a̱ kjo̱a̱ꞌontakón nga katsꞌénkꞌasꞌienni Kjisoo̱.

Markoo̱ 15:7

Kó ngo nda̱ xi ꞌmí Barraba̱ kisꞌijña ndo̱bo̱a̱yà, kó ki̱a̱ nijan kisꞌijñajo̱ xota̱ xi nijan katsꞌénkꞌién ini̱ma̱ nga askjanjo̱ xtín jájún xi chji̱a̱ni Roma̱.

Markoo̱ 2:17

Kó Kjisoo̱ nga tsintꞌié kuí nii̱, bi̱ katsó: –Xota̱ xi oo̱n xí chjieén chji̱ni̱e̱ndiki, jmí tsi xota̱ xi ndaa̱. Kó án jmí xota̱ xi kixi̱ jéꞌe̱chjiajáa̱n, xota̱ jé xí jéꞌe̱chjiáa̱.

Rkaa̱ 15:10

Ja̱ bo̱a̱ xian an nga, nga ꞌbé kjo̱a̱tsja ngindyi̱ko̱n ndítsjiee̱ Néná, nga ngo xota̱ jé sa̱ꞌínkꞌoyà yojoo̱.

Rkaa̱ 15:7

Ja̱ bo̱a̱ tꞌíxián an nga tsie ngase kjo̱a̱tsja kꞌuié ndiꞌakꞌajmi jàn, ta̱ngatꞌanii̱ nga ngo xota̱ jé sa̱ꞌínkꞌoyà yojoo̱, ta̱bo̱a̱jiín xi ngi ichítié ko̱jo yichán nijan xi kixi̱i̱, xi chjiénjiín nga sa̱ꞌínkꞌoyà yojoo̱.

Rkaa̱ 19:10

Ngatꞌa̱ ndií nda̱ xi̱ꞌii̱n, jeꞌekꞌaxiéꞌá xota̱ xi je ndi̱yà kichajá tjimá.

Rkaa̱ 24:47

ko̱jo nga chjiéngá jaꞌeén Kjisoo̱ kꞌuini̱jmi̱ì xotaa̱ nga sa̱ꞌínkꞌoyà yojoo̱ kjo̱a̱a̱ jé xí ndyi̱tsꞌèn, ko̱jo tsi̱ꞌe̱ nga si̱ꞌanjetakoón jeé ngayeje xota̱ na̱xi̱ńdaá, kó nga na̱xi̱ńdáꞌniú Jerusale̱n ku̱i̱ꞌítsꞌi̱yani kui nii̱.

Rkaa̱ 5:31

Kó Kjisoo̱, bi̱ katsoó: –Xota̱ xi oo̱n xí chjieén chji̱ni̱e̱ndiki, jmí tsi xota̱ xi ndaa̱.

Rkaa̱ 5:33

Kósꞌe̱ kui jaá, bi̱ katsoó Kjisoo̱: –Míkjo̱a̱a̱ nga xota̱ tsi̱ꞌe̱ Juaa̱ ko̱jo já fariseoo̱, kjín ndi̱yà tsꞌénkjáꞌa kjindiá yojoo̱, ko̱jo achichí chji̱a̱a̱ Néná, ta̱nga xota̱ tse̱ ndyi̱kjinie ko̱jo ndyi̱ꞌbi kui.

Ni xi kamá 17:30

Kuíni nga Néná katsꞌénjetakoón kje̱ꞌe ni̱xtjin ngayeje kjo̱a̱jñótokoó xotaa̱, ta̱nga ngotꞌe̱ ꞌne̱ ta̱jñà ngi̱ndiení tsꞌénbotixómáná tsi̱ꞌe̱ nga si̱ꞌankꞌoyá yojoná kó xcha̱ndikón kuí,

Ni xi kamá 2:38

Kó Peé, bi̱ katsoó kui jaá: –Ti̱ꞌankꞌoyàjnú yojojnú, kó jaꞌeén Jesukristoo̱ nga niꞌánkjién nga satíndájnú nga ngo nga ngojnú, tsi̱ꞌe̱ nga Néná sa̱ꞌínjetakoón jéjnú, kó bo̱a̱ tsꞌén sa̱kójnú A̱siénni̱xtjin xi Néná tsja̱ajnú.

Ni xi kamá 20:21

kó xota̱ xi jundío̱ ko̱jo xota̱ xi jundío̱jín tsꞌénxiyàa̱ nga sa̱ꞌínkꞌoyà yojoo̱, kó sku̱i̱e̱ Néná kó nga sꞌijii̱n Ndi̱a̱ná Jesukristoo̱.

Ni xi kamá 3:19

Kuíni nga, ti̱ꞌankꞌoyàjnú yojojnú, kó Néná ti̱ꞌansénjnúu̱, tsi̱ꞌe̱ nga kui sa̱ꞌínkjié jéjnú, kó kji̱ndi̱báchonjnú Ndi̱a̱a̱ nga ni̱xtjin xi nda,

Ni xi kamá 3:26

Kjiꞌanga Néná katsꞌénkjaꞌáꞌyaá ndií, tjón jún katsangiyajnú, tsi̱ꞌe̱ nga katsꞌénchikonñéjnú, ko̱jo tsi̱ꞌe̱ nga bo̱a̱ tsꞌén nga ngo nga ngojnú ngiti̱ jmí ni xi chꞌokjiꞌi si̱ꞌánjínjnú.

Ni xi kamá 5:31

Kui Kjisoo̱ xi Néná iskjininkꞌa, kó katsjaá ngo ngi̱ndie nga kisꞌijñatꞌaa̱ tsja fojnií, kó katsjaá xá nga kui xi kꞌo̱xiéꞌá xotaa̱, tsi̱ꞌe̱ nga xota̱ xi chji̱a̱ni Israee̱l sa̱ꞌínkꞌoyà yojoo̱, kó Néná sa̱ꞌínjetakoón jé xí ndyi̱tsꞌèn.

2 Xo̱jo̱o̱n Peé 3:9

Ndi̱a̱ná tsꞌénkꞌandíyàjiín nga sa̱ꞌínkjatjosón ni xi katsóyàtjón nga sa̱ꞌín, xikótsꞌèn bee̱ko̱n kjín xota̱ nga tsꞌénkꞌandíyà. Ta̱sá koyakjo̱a̱jnú ngatꞌa̱ mejénjiín nga tjín xi xcha̱ja, ta̱sá mejeén nga ngayeje xotaa̱ sa̱ꞌínkꞌoyà yojoo̱.