Rkaa̱ 4:23 - Xo̱jo̱n eén Néná

²³ Kó Kjisoo̱, bi̱ katsoó kui xotaa̱: –Ja̱koxi̱ nga jún bi̱ra̱ ndyi̱ꞌmìjnúu̱ xikó tsó kui énkjiín: “Chji̱ni̱e̱ndiki, ti̱ jii ti̱ꞌindaye ji yojòo̱.” Kó ti̱ bi̱ra̱ ndyi̱ꞌmìjnú nga: “Ti̱ ti̱ꞌin ji kꞌi̱e̱ nangìi̱, ni xi kandaꞌyá ji̱n kjo̱a̱a̱ ngayeje ni xi kamá na̱xi̱ńdáꞌniú Kapernau̱n.”

Rkaa̱ 4:23 ပူးပေါင်းရင်းမြစ်များ

Matioo̱ 13:54

Kó nga jachó nangii̱, akóyaá xotaa̱ ki̱a̱ ndiꞌa nínga ndokjo̱a̱ eén Néná, kó achichí má xota̱ xi kijíndikoón, xi bi̱ katsó: –Ñá tsꞌaxiéni kjo̱a̱kjínkón xi tjiín kui nda̱a̱. Kótsꞌèn mánii̱ kjo̱a̱ndikón xí tsꞌén.

Matioo̱ 4:13

Kó íjñámasien na̱xi̱ńdáꞌniú Nasaree̱t, kó na̱xi̱ńdáꞌniú Kapernau̱n kijíkꞌíjñá, kui ngi̱ndiee̱ tiña ndáchíkón xi tikón nangi Sabulo̱n ko̱jo Neftali̱ tikón,

Matioo̱ 4:23

Kó Kjisoo̱ kijí ngayeje na̱xi̱ńdá xí chji̱a̱ni nangi Ngalilea̱, nga akóyá éntjatsi̱e̱e̱ Néná ki̱a̱ ndiꞌa nínga ndokjo̱a̱ eén Néná, kó íni̱jmì kjo̱a̱a̱ nínga botixómá Néná, ko̱jo katsꞌéndaya ngayeje xota̱ xi tjiín ngo chiꞌin, ko̱jo xi oo̱n.

Markoo̱ 6:1

Kó Kjisoo̱ jatjo kui ngi̱ndiee̱, sꞌe̱ kijí nangii̱, kó nijan kijíjo̱ xota̱ tsi̱ꞌe̱.

Rkaa̱ 2:39

Kó ngije katsꞌénkjatjosón ngayeje ni xi chji̱a̱ kjo̱a̱kitii̱ Néná, kijíꞌoyá nginí nangi Ngalilea̱ nínga tikón na̱xi̱ńdáꞌniú tsi̱ꞌe̱, kui xi ꞌmí Nasaree̱t.

Rkaa̱ 2:51

Kó bo̱a̱ tsꞌén nijan kijíjo̱ nginí na̱xi̱ńdáꞌniú Nasaree̱t, kó Kjisoo̱ tsintꞌiéꞌén ngayeje ni xi kiꞌmií. Kó na̱aa̱n ndí nda̱chí Kjisoo̱ ngi̱jin ini̱ma̱a̱ jaꞌátjó ngayeje nii̱.

Rkaa̱ 4:16

Kó Kjisoo̱ jachó na̱xi̱ńdáꞌniú Nasaree̱t, ki̱a̱ nínga kamáxchá, kó ngo ni̱xtjin ndikón tsꞌasꞌien ngi̱ya ndiꞌa nínga ndokjo̱a̱ eén Néná, xikótsꞌèn ngaá, kó kasasienkixi̱ nga katsꞌényà xo̱jo̱n eén Néná.

Rkaa̱ 4:31

Kó Kjisoo̱ kijí Kapernau̱n, ngo ndí na̱xi̱ńdáꞌniú xi chji̱a̱ni nangi Ngalilea̱, kó nga ni̱xtjin ndikón akóyaá xotaa̱.

Rkaa̱ 4:35

Kó Kjisoo̱ katsꞌénxchánjo̱ kui a̱siénni̱xtjin xi ndajiín, nga bi̱ katsoó: –¡Se niꞌín ji, kó ti̱tjaxi̱e̱jin yojoo̱ kui nda̱a̱! Kó kui xindajiín tsꞌajmitójó kui nda̱a̱ ngindyi̱ko̱n ngayeje xotaa̱, kósꞌe̱ jatjoxiejii̱n ngi̱jin yojoo̱, kó katsꞌénꞌónjiín.

Rkaa̱ 6:42

Axa̱ kótsꞌèn ma takín nga bi̱ sée̱ ntsꞌie: “Ntsꞌie, te̱ꞌéndièní nga kꞌoxié an xtjié xí kjingi ndyikin ji”, nga yejín ji yáxtió xi kjingi tse̱. ¡Jókje̱n! Tjón mára ꞌna̱xié ji yáxtió xi kjingi ndyikin ji, sꞌe̱ nda ka̱matsijeen tsi̱ꞌe̱ nga xchi̱e̱ ji xtjié xí kjingi ndyi̱ko̱n ntsꞌie ji.

Juaa̱ 4:28

Sꞌe̱ kui xota̱chjo̱on íjñámasien nisa ndáfoaa̱, sꞌe̱ kijí na̱xi̱ńdáꞌniuú, kó bi̱ katsoó ngayeje xotaa̱:

2 Xota̱ Korinto̱ 5:16

Kó kuíni nga ji̱n, jè ngiti̱ bo̱a̱jín tsꞌén tsitsijenjne̱ xotaa̱ xikótsꞌèn kotsijee̱n xkjín xotaa̱ kui nga̱sondiee̱, kó ndatsi ngasꞌe̱ bo̱a̱ tsꞌén kitsitsijenjne̱ Kristoo̱, ta̱nga ngotꞌe̱, jè ngiti̱ bo̱a̱jín tsꞌén ndyi̱tsitsijenjne̱.