Rkaa̱ 4:18 - Xo̱jo̱n eén Néná

¹⁸ A̱si̱énni̱xtjii̱n Ndi̱a̱a̱ tikónjinna, ngatꞌa̱ jè katsjáxána, tsi̱ꞌe̱ nga an xi kꞌuini̱jmìi̱ éntjatsi̱e̱e̱ ngayeje xota̱ ni̱ma̱, katsangiyana nga sa̱ꞌindaya an xota̱ xi oo̱n ini̱ma̱a̱, ko̱jo nga xiyàa̱ nga je kꞌuitsómandé xota̱ xi ndyi̱a̱ꞌya ndo̱bo̱a̱yà ko̱jo nga tsjàa̱ nga ka̱matsijee̱n xota̱ xi ti̱ka̱, ko̱jo nga kꞌuindondé án xota̱ xi ndajín tjíniꞌánjo̱,

Rkaa̱ 4:18 ပူးပေါင်းရင်းမြစ်များ

Jenesii̱s 3:15

»Kó án xí sa̱ꞌin an nga ji ko̱jo naa̱ kondra̱ ka̱manijnú xingi̱jnú, ko̱jo kondra̱ ka̱manii̱ xkjín tji̱e̱ tse̱ ko̱jo xota̱ tji̱e̱ tsi̱ꞌe̱ naa̱, kó ngo kui xota̱ tji̱e̱e̱ xi sa̱ꞌínꞌoón taki ji, kó ji si̱ꞌinꞌíi̱n tji̱ngi̱ se».

Xo̱jo̱n Salmoo̱ 102:20

tsi̱ꞌe̱ nga tsintꞌieé nga ni̱ma̱ ndyi̱tsó xota̱ xi síndoꞌniuú, ko̱jo tsi̱ꞌe̱ nga ku̱i̱ꞌíndondé xota̱ xi je katseꞌékjo̱a̱ nga si̱ꞌankꞌiee̱n.

Xo̱jo̱n Salmoo̱ 147:3

Néná katsꞌéndaya nínga oo̱n xota̱ xi je ngiti̱ jmí kjo̱a̱chiyá kisꞌiejiín.

Xo̱jo̱n Salmoo̱ 2:2

Kjo̱stjíe̱n re xi tjín ngayeje nga̱sondiee̱, kó nijan ku̱i̱ꞌínda xtín ko̱jo xota̱ xi botixómaá, kótsꞌèn nga skjánjo̱ Néná ko̱jo kui xi jaꞌájin kui, nga bi̱ ndyi̱tsó:

Xo̱jo̱n Salmoo̱ 2:6

Kó bi̱ tsó Néná nga mindyiandíkoón: «Án má xi je jaꞌajin an ngo re xi ko̱tíxoma ki̱a̱ tji̱ngi̱ Sioo̱n, kui xi na̱xi̱ ndikónna».

Xo̱jo̱n Salmoo̱ 34:18

Néná achichí tiña tikónnii̱ xota̱ xi ndasen síndo ini̱ma̱a̱, kó ꞌboxiéꞌá xota̱ xi je ni̱ma̱ síndo a̱si̱énni̱xtjii̱n.

Xo̱jo̱n Salmoo̱ 45:7

Kiniꞌíntjé ji kjo̱a̱kixi̱i̱, kó kiniꞌínchꞌí ji ni xi ndajiín, kuíni nga Néná kui xi Nèe̱ katsjáxaá, ¡kó ngo ndásíjee̱n kjo̱a̱tsja, tsie ngase indyiaá, ta̱bo̱a̱jiín já xí tsꞌentje̱je ji!

Xo̱jo̱n Salmoo̱ 51:17

Kjo̱a̱tjó xi tsja maa̱ Néná kuí boá ngo a̱siénni̱xtjin xi ni̱ma̱kjo̱a̱ tikón. Ji Ne, niꞌínchꞌíjín ji ngo ini̱ma̱ xi je katsꞌénkꞌoyá yojoo̱ ko̱jo xi ni̱ma̱kjo̱a̱ tikón.

Matioo̱ 11:5

tꞌíni̱jmìjnúu̱ nga xota̱ xi ti̱ka̱a̱ je kamátsijee̱n, xi ni̱ma̱ see̱ je ma fí, xi tjiín chiꞌin xi tsꞌénkjátsón tji̱xin yojoná je kamándaya, xi xtiyaa̱ je tsintꞌié, xi kꞌiee̱n je jaꞌáꞌyaá, ko̱jo nga xota̱ ni̱ma̱a̱ je tjíꞌmíyaá éntjatsi̱e̱e̱ Néná.

Matioo̱ 12:18

Kꞌi̱e̱ tikón moso̱na, kui xi jaꞌajin an, achichí tjóna, kó tsja maa̱ ini̱ma̱na. Tsjàa̱ A̱si̱énni̱xtjinna tsi̱ꞌe̱ nga ku̱i̱ꞌíni̱jmi̱ì ni xi kixi̱ xota̱ xi jundío̱jín.

Matioo̱ 12:20

Skjítꞌójín ngo yáxá xi je kjiꞌikjojó, kó sa̱ꞌínkꞌójín ndiꞌií ngo ńchjónsién xi je ta̱ ṉdi̱i̱ xí tjitjó, ngaskande nga sa̱ꞌín ni xi tjiín kjo̱a̱kixi̱i̱.

Matioo̱ 4:16

Xota̱ xi kisꞌińdo jñoó, je kamábe ngo ndiꞌí xí je, ngo ndiꞌí je katsꞌéntsijee̱n ngayeje xota̱ xi kisꞌińdojñójo̱ kjo̱a̱bo̱yaa̱.

Matioo̱ 5:3

–Achichíra̱tsjaa̱ xota̱ xi ni̱ma̱ síndo ini̱ma̱a̱, ngatꞌa̱ kuí xí tsi̱ꞌe̱ ka̱ma nínga botixómá Néná.

Rkaa̱ 4:17

Kó katseꞌeé nga katsꞌényà ngo chꞌo̱ xo̱jo̱n xi katsꞌénda nda̱ chji̱ni̱e̱ꞌe̱én Néná xi ꞌmí Isayaa̱, kó nga iskjíxꞌá xo̱jo̱o̱n, ki̱a̱ má kasakoo̱, nínga bi̱ tsó:

Rkaa̱ 6:20

Kó Kjisoo̱ askotsijee̱n xota̱ tsi̱ꞌe̱, kó bi̱ katsoó: –Achichíra̱ tsjajnú jún xi ni̱ma̱jnú, ngatꞌa̱ tsa̱jún boá nínga botixómá Néná.

Rkaa̱ 7:22

Kó Kjisoo̱, bi̱ katsoó kui jaá: –Tangínjnú, kó tꞌíyájnúu̱ Juaa̱ ni xi je kamáyàjnú, ko̱jo ni xi je kandaꞌyájnú, tꞌíni̱jmìjnúu̱ nga xi ti̱ka̱a̱ je kamátsijee̱n, ko̱jo nga xi ni̱ma̱ see̱ je ma fí, ko̱jo nga xi tjiín chiꞌin xi tsꞌénkjátsón tji̱xin yojoná je kamándaya, ko̱jo nga xi xtiyaa̱ je tsintꞌié, ko̱jo nga xi kꞌiee̱n je jaꞌáꞌyaá, ko̱jo nga xota̱ ni̱ma̱a̱ je tjíꞌmíyaá éntjatsi̱e̱e̱ Néná.

Juaa̱ 1:41

Jandree̱ kuí xí tjón kasakoo̱ ntsꞌi̱e̱ xi ꞌmí Ximoo̱, kó bi̱ katsoó: –Jè kasakoná Mesiyaa̱ (kui xi Kristoo̱, tsó kui eén).

Juaa̱ 12:46

Án xí jéꞌe̱ an xikoó ndiꞌií kui nga̱sondiee̱, tsi̱ꞌe̱ nga ngayeje xi sꞌi̱jii̱n an, kꞌuijñájñójín.

Juaa̱ 3:34

Ngatꞌa̱ kui xi katsangiya Néná, eén Néná xí chji̱a̱, ngatꞌa̱ Néná tsjaá ngayeje ngaꞌniuú.

Ni xi kamá 10:38

ko̱jo nga Néná katsjaá ngaꞌniú ko̱jo A̱si̱énni̱xtjii̱n Néná kui Kjiso̱ xi chji̱a̱ni Nasaree̱t, kó kuí Kjisoo̱ xi kistsoꞌbá nga katsꞌén ni xi nda, ko̱jo nga katsꞌéndaya ngayeje xota̱ xi tsie kjo̱a̱ni̱ma̱ ndyi̱foaꞌa, xi kjimaniꞌii̱n ta̱ngatꞌanii̱ xindajín ndiabloo̱, ngatꞌa̱ Kjisoo̱ Néná kistsoꞌbájo̱,

Ni xi kamá 26:18

tsi̱ꞌe̱ nga chjáxꞌé jí ndyi̱ko̱n, kó ngiti̱ nínga jñójín kꞌuitsómá ngase, ta̱sá nínga tsijen ngatꞌítso̱ma, tsi̱ꞌe̱ nga ngiti̱ kuijín ngaꞌniuú xindajín Satanaa̱ kꞌuitsómátji̱ngii̱, nga ta̱sá Néná ngatꞌítso̱matji̱ngii̱, tsi̱ꞌe̱ nga sꞌijii̱n an, kó sa̱ko̱ó kjo̱a̱niꞌánjetakoón jeé, ko̱jo kui ngi̱ndie xi katsó Néná nga tsja̱á xota̱ xi je katsꞌéntsjie yojoo̱.”

Ni xi kamá 4:26

Kamátikó já re ko̱jo xota̱ xi botixómaá tꞌanangii̱, nga ndyi̱tsꞌènxchán kondra̱a̱ Ndi̱a̱a̱, ko̱jo kondra̱a̱ Kristo̱ xi jaꞌájin kui.

Ni xi kamá 4:27

Ngatꞌa̱ nga ja̱koxi̱ nga ngo tjín katsꞌén yojoo̱ Erondee̱, ko̱jo Ponsio Pilatoo̱, ko̱jo xota̱ xi Israee̱ljín, ko̱jo xota̱ Israee̱l, kꞌi̱e̱ kui na̱xi̱ńdáꞌniuú nga kondra̱ kijií nda̱ tsjie, ko̱jo moso̱ xi ꞌmí Kjisoo̱, kui xi ji kachjeꞌéjin ji nga Kristoo̱ ka̱ma,

Xota̱ Kolosa̱ 1:13

Néná boá xi xín katsꞌénkjaꞌaboaꞌáná ngaꞌniuú ngi̱ndie nínga jñoó, kó jè kijíjo̱ná nínga tsꞌénbotixómá ndí tjoó,

Xo̱jo̱o̱n Sandiyaá 2:5

Jún ndí ntsꞌie xi tjóna, ndaꞌyájnú kui nii̱: A mí tsi Néná je jaꞌájin xota̱ ni̱ma̱a̱ kui nga̱sondiee̱, tsi̱ꞌe̱ nga ka̱macho̱nni ngi̱jii̱n kjo̱a̱sꞌijii̱n Néná, kó nga Néná jè katsóyàtjón nga kuí boá xi ko̱tíxomaa̱, xota̱ xi tsꞌéntjó Néná.

1 Xo̱jo̱o̱n Peé 2:9

Ta̱nga jún boá xi xota̱ tji̱e̱ xi je kachjaꞌájii̱n, jún boá xi chináꞌmi xi ndyi̱tsꞌènseén kui Ree̱ xi botixómá ndiꞌakꞌajmi jàn, jún boá xi xota̱ na̱xi̱ńdá tsjie, jún boá xi xota̱ na̱xi̱ńdá xí je tsi̱ꞌe̱ Néná, tsi̱ꞌe̱ nga jún xi ko̱ndókjo̱a̱jnú ni nda xi katsꞌén Néná, kui Néná xi tsíchji̱a̱jnú tsi̱ꞌe̱ nga jatjojnú nínga jñoó, kó ikitjasꞌi̱e̱njnú nínga tsꞌentsíjen kjo̱a̱jee̱ ndiꞌií.