Rkaa̱ 4:16 - Xo̱jo̱n eén Néná

¹⁶ Kó Kjisoo̱ jachó na̱xi̱ńdáꞌniú Nasaree̱t, ki̱a̱ nínga kamáxchá, kó ngo ni̱xtjin ndikón tsꞌasꞌien ngi̱ya ndiꞌa nínga ndokjo̱a̱ eén Néná, xikótsꞌèn ngaá, kó kasasienkixi̱ nga katsꞌényà xo̱jo̱n eén Néná.

Rkaa̱ 4:16 ပူးပေါင်းရင်းမြစ်များ

Matioo̱ 2:23

Kó nga jachó ki̱a̱a̱, ki̱a̱ kisꞌińdo ndí na̱xi̱ńdáꞌniú Nasaree̱t, tsi̱ꞌe̱ nga jatjosón ni xi katsó já chji̱ni̱e̱ꞌe̱én Néná nga bi̱ katsó: Nda̱ xi chji̱a̱ni Nasaree̱t kꞌuin.

Rkaa̱ 2:39

Kó ngije katsꞌénkjatjosón ngayeje ni xi chji̱a̱ kjo̱a̱kitii̱ Néná, kijíꞌoyá nginí nangi Ngalilea̱ nínga tikón na̱xi̱ńdáꞌniú tsi̱ꞌe̱, kui xi ꞌmí Nasaree̱t.

Rkaa̱ 2:42

Kó nga kamá tiejó noó Kjisoo̱, kijí na̱xi̱ńdáꞌniú Jerusale̱n, xikótsꞌèn tikón kjo̱a̱xcha̱á.

Rkaa̱ 2:51

Kó bo̱a̱ tsꞌén nijan kijíjo̱ nginí na̱xi̱ńdáꞌniú Nasaree̱t, kó Kjisoo̱ tsintꞌiéꞌén ngayeje ni xi kiꞌmií. Kó na̱aa̱n ndí nda̱chí Kjisoo̱ ngi̱jin ini̱ma̱a̱ jaꞌátjó ngayeje nii̱.

Rkaa̱ 4:15

Kó Kjisoo̱ akóyá xki̱ ndiꞌa nínga ndokjo̱a̱ eén Néná xí tjín ki̱a̱a̱, kó ngayeje xota̱ xi kijíndikoón ni xi katsꞌén.

Rkaa̱ 4:17

Kó katseꞌeé nga katsꞌényà ngo chꞌo̱ xo̱jo̱n xi katsꞌénda nda̱ chji̱ni̱e̱ꞌe̱én Néná xi ꞌmí Isayaa̱, kó nga iskjíxꞌá xo̱jo̱o̱n, ki̱a̱ má kasakoo̱, nínga bi̱ tsó:

Rkaa̱ 4:21

Kó ítsꞌi̱yanii̱, nga bi̱ katsoó xotaa̱: Ngotꞌe̱ ꞌne̱ nga ngindyikónjnú, nga je jatjosón ni xi tsó xo̱jo̱n eén Néná.

Rkaa̱ 4:23

Kó Kjisoo̱, bi̱ katsoó kui xotaa̱: –Ja̱koxi̱ nga jún bi̱ra̱ ndyi̱ꞌmìjnúu̱ xikó tsó kui énkjiín: “Chji̱ni̱e̱ndiki, ti̱ jii ti̱ꞌindaye ji yojòo̱.” Kó ti̱ bi̱ra̱ ndyi̱ꞌmìjnú nga: “Ti̱ ti̱ꞌin ji kꞌi̱e̱ nangìi̱, ni xi kandaꞌyá ji̱n kjo̱a̱a̱ ngayeje ni xi kamá na̱xi̱ńdáꞌniú Kapernau̱n.”

Juaa̱ 18:20

Sꞌe̱ Kjisoo̱, bi̱ katsó: –An, ngongá nínga tsijen tsíchji̱a̱jo an xotaa̱ kui nga̱sondiee̱, ngatsjéni̱xtjin akoyáa̱ ngi̱ya ndiꞌa nínga ndokjo̱a̱ eén Néná ko̱jo ndi̱tsen na̱ngo̱xi̱i̱, nínga matikó ngayeje xota̱ jundíoo̱, jmíni̱xtjin nga nínga ꞌma tsíchji̱a̱jo an.

Ni xi kamá 17:2

Kó Pabloo̱ xikótsꞌèn ngaá, nga xki̱ ni̱xtjin ndikón fí ndiꞌa nínga ndokjo̱a̱ eén Néná, ján ni̱xtjin ndikón kijí síkijí nínga askjotíjo̱ xota̱ jundíoo̱ xikó tsó xo̱jo̱n eén Néná,